اخوي الكريم اثير الصمت
اهلا بنك واهلا ببدايتك
انا على ثقه تامه اذا هذه البدايه
ان سوفا يكون لك طريق مزدهر باذن الله
قبلت بالنقد واتمنى منك اخي الكريم ان تقبل بنقدي
هنا هذه ابياتك التي نظمتها
ولاينقصها الا القليل من الدقه بالوزن والعجز والثقل فيها
وهنا الابيات مع تعديلها
اتمنى ان تقبل نقدي بصدر رحب واتمنى لك التوفيق
في المحاولات القادمه
بسم الله الرحمن الرحيم
البيت الاول
جتنـي رسالـه فيهـا مـن الشـوق هـمـال
مـن شخصـن ينثـر لـي الاشـواق ويلمّـة
الله الله سليم ولاعليه غبار
لكن في ثقل بالشطر الثاني
والثقل لايكسر البيت لكن يعيبه
هنا التعديل لازالت الثقل فيه
ولجعله سلس
وهنا التعديل
جتنـي رسالـه فيهـا مـن الشـوق هـمـال
مـن شخصـن ينثـر الاشـواق ويلمّـة
البيت الثاني
سكن قلبي وبنـى لـه مـن الشـوق منـزال
وانا اشهد انـه سكـن قلبـي بعروقـة ودمـة
هنا الشطر الاول سليم ولاعليه غبار
لكن الشطر الثاني فيه عجز وثقل كسر البيت
هنا التعديل
سكن قلبي وبنى له من الشوق منزال
انشهد انه ساك(ن) قلبي وعروق دمة
البيت الثالث
ما عرفه..وكنّه قريبن لي وانا كنّي ولد الخـال
او كّنة ولـد خالـي وانـا كنّـي ولـد عمّـة
هنا البيت اصابه عجز بجيمع الشطرين
وثقل واختلال الوزن
وهنا التعديل
ماعرفه ولادري هو قريب(ن) والا ولد خال
وكنه ولد خالي وانا مثل ابن عمه
البيت الرابع
قضى ليله يراسلني وانا احسـد بيـده الجـوال
إلى من لامـس كفوفـه او قربّـه مـن فمّـة
الشطر الاول كسره وقفه ثقيله
والشطر الثاني كذالك وجد فيه وقفه وثقل
وعجز
وهنا التعديل
مضى ليله يراسلني وانا احسـد الجـوال
إلى من لامـس كفوفـه او قرب (لـ)فمه
البيت الخامس
غزالن مالقيت له وصف لا في حلي ولا الترحال
يجمع لي كلام الحـب ويختصـره لـي بكلمّـة
مفردات جميله ومضمون مفهوم
لكن ينقصه الوزن
هنا التعديل
غزال(ن) مالقيت له وصف(ن) في حل(ن) وترحال
يجمع لي كلام الحب واشوفه يتمه
البيت السادس
حكاية عاشقن مغرم مادرا هي صدق ولا خيـال
بس الوكاد انه شايلن همي وانا بشيل له همّـة
الله الله سليم لكن يبي تعديل شوي على اساس
يكون سلس بالنطق لان وجد فيه ثقل اعاق سلاسته
وهنا التعديل
حكاية عاشق مغرم مادرا هي صدق والا خيال
بس الوكاد انه شايل(ن) همي وانا شايل(ن) همه
هنا القصيده متكامله بعد تعديلها
جتنـي رسالـه فيهـا مـن الشـوق هـمـال =مـن شخصـن ينثـر الاشـواق ويلمّـة
سكن قلبي وبنى له من الشوق منزال=انشهد انه ساك(ن) قلبي وعروق دمة
ماعرفه ولادري هو قريب(ن) والا ولد خال=وكنه ولد خالي وانا مثل ابن عمه
قضى ليله يراسلني وانا احسـد الجـوال =إلى من لامـس كفوفـه او قرب (لـ)فمه
غزال(ن) مالقيت له وصف(ن)لا في حل(ن) وترحال=يجمع لي كلام الحب واشوفه يتمه
حكاية عاشق مغرم مادرا هي صدق والا خيال=بس الوكاد انه شايل(ن) همي وانا شايل(ن) همه
سلمت ولاهنت وصح لسانك
اخترت المفردات الجميله
فكره ومضمون جميل
لكن نقصها الوزن في الابيات
ووجد فيها ثقل
لكن انا على ثقه تامه اخي ان سوفا يكون لك
مستقبل مزدهر
واتمنى ان تقبل نقدي بصدر رحب
وان شاء الله انني ارا لك نص في الايام القدامه
لاينقصه شي من الجمال
والله يوفقك
ولاخلا ولاعدم
اخوك
نايف الشمري