[دلــووعــة الحـلا]

السلام عليكم ورحمة الله وبركاته

انقل لكم ياخواني واخواتي هذي القصه التي سمعتها من صديقه لي وهي صاحبه القصه
تقول لي ان ابنتها والتي بتلغ من العمر 4 سنوات واصيبت بمرض واهو تجلط بالدم الله يحفظ الجميع
واعراض هذا المرض التي تصيب الطفله بانه يصبح جلد الطفله بالون الازرق وهو ياتي من اسفل
قدميها ويمشي للاعلى ومن لطف الله سبحانه بها وبالطفله قالوا لها الاطباء احمدي الله بانه برجولها
ولايكون باي مكان ثاني بالجسم لانه بيكون خطر عليها ,وللمرض هذا علاج خاص ,
وفي ويوم من الأيام كانت منوه مع بنتها في المستشفى وفجاه بلا سابق انذار بدا المرض يظهر على
الطفله وبدا اللون الازرق يمشي في رجولها من الاسفل واهو يبدء بالصعود لباقي الجسم وكان الوقت متاخر
بالليل الساعه 2 الفجر وكانت وحيده والدكتور المنواب مهرب الله يسامحه تقولي وربي صرت مثل المجنونه
ماادري شنو اسوي اروح للسسترات مغفلين الباب اطق عليهم الباب ما يبطلونه بس يطالعن فيني وياكلون
ولاهامهم شى ولاكان في مرضى بالمستشفى تقول هذا زاد جنوني واموت اكثر وانا اشوف المرض
بدا يصعد اكثر واكثر على جسم بنتي , وبعد فتره من الزمن جاء دكتور الحوادث وهنا وربي الطامه الكبرى
اول مادخل عليها الدكتور اخذ ملف الطفله بيشوف حالتها تقوله الام يادكتور ماكو وقت خلاص المرض
بدا ينتشر انا اعرف حالت بنتي اعطيها الدوام وتقوله على اسمه تقولي وربي حتى ماطالع لي ولا حتى
بنظره ماسك الملف ويقرى فيه تقول اتوسل اليه اقوله دكتور الله يخليك ماكو وقت وتتوسله وتترجاه
واهي تحت رجوله تقول ولاكانه يسمع ندائي وتوسلاتي ولا كأن في انسانه وام محترق قلبها على بنتها
واهي تشوف انها بتموت تقول اخر شى خلاص مابقى وقت والدكتور ولا مهتم ولاحتى تكلم تقولي من
الصدمه من اسلوبه نسيت بنتي ومرضها بديت بس ادعي عليه من كثر ماحرق قلبي وربي ياخواني لو
تسمعون الدعاء اللي دعته عليه وربي انا للحين مستغربه شلون عايش هذا الانسان حرام اقول فيه دكتور
مع انه حسبي الله عليه حتى قلب الانسان ماشفته فيه من تصرفه هذا وموفقه الغريب,
كل اللي قاله لها من هذا الموقف كله اخير وتكلم وقال لها استغفري بس,
اما الموقف الغريب والعجيب تقولي من كثر يأسي من هذا الدكتور مسكت رجول بنتها وتخيلو ياخواني
وخواتي انا تقولي بديت اقول جمله ماادري شلون طلعت واهي << الله موجود فوق كل الوجوود >>
تقول والله اني قلت هذي الجمله جم مره وفجاه سبحان الله توقف المرض وبدا يختفي اللون الازرق
وتخليت عن علاجهم وعنهم ولجات الى الله سبحانه ,
وهذا ان دل يدل على قدرته سبحانه وتعالي وقدرته وعظمته سبحانك ربي 000

وانا حبيت اقول لكم هذي القصه لانها فعلا اثرت فيني خصوصا لحظه ماكانت تقول الجمله وربي حسيت
بقدرته سبحانه 00

واسفه على الإطاله لكن اعجبتني قدرته سبحانه في هذا الموقف وحبيت انقل لكم هذي القصه 00

دلــووعـــة