[تركي السديري]

وش الـسـالـفـة






وش السالفة في كل يوم يجيلك راي
جديد يجدد ثورة الشك والغيرة
وش اللي جنيته يوم تجني علي دنياي
تناقط غريب بواقعي فارس الحيلة
تردك وراي كلمة وكلمة تجيبك جاي
شعورك غريب غامض صعب تصويره
أنا لو ماأعرفك قلت يمكن تبي فرقاي
ولكن شعوري فوق فكرك وتقديره
مصيري معك مجهول يالضاحك البكاي
وش اللي يدور بخاطرك وايش تفسيره
أحبك..نعم ماأنكر وأسمع صدى شكواي
تنادي ترى مافيه حب بلا غيره
وترى دمعتي حارت وخايف ترد خطاي
تشيل الجروح بخاطري واقطع السيرة
كل من حولك يحسدونك علي
ودهم ياشوق مانبقى سوى
والدليل،،إنك جرحتي اللي يبيك
لايؤثر فيك حساد الهوى
إنت محبوبي وفي عمري شريك
نجم حبك في معاليقي ضوى
لمني بالعطف قدرني وأجيك
شفي المجروح ظاميه ماروى
نفسي أشعر في زماني بين يديك
هدني شوقي على طول النوى
فيك عطف وفيك طيب وحب فيك
ماأعتقد قلبك على هجري نوى
يافريد الحسن قلبي يرتجيك
بين حب وبين هجر ماقوى
من حكا فيني حكا بالأمس فيك
مالنا حيلة بحساد الهوى


الـشـاعـر>>> تـــركـــي الــســـديـــري