[الوسن]

السلام عليكم


اتمنى ان تحوز على اعجابكم ..

لاضاق صدري صغت قافي واغنيه
الصدر ضايق والهموم اتغديبي


لو لا القصيد اليا تضايق يسليه
خطرن من الضيقات لشق جيبي


ياقلب تشكي لي وانا قبلك اشكيه
لاوحسافه يوم احطه حبيبي


مالك على المقفي ملام ومشاريه
لابد من يومن يجي ينتخيبي


لا صرت درب الحب تجهل معانيه
رح في طريقك قول لي وشتبيبي


الحب غالي والمشاعر تساقيه
وانته بعيد القلب مانته قريبي


الجرح وسط القلب ماحدن يداويه
انت الدوا للجرح وانت الطبيبي


عزي لقلبن بيح الوجد خافيه
ودمعي على فرقا الولايف صبيبي


يفز قلبي كل ما وحيت طاريه
ويشب في وسط الضماير لهيبي


ياخاينٍ عهد الوفا لا تواسيه
ارحل فمان الله هذا نصيبي

تحياا تي.....