[وفيت وخانتني]

أبرحل والله العالـم وش اللـي بداخلـي مـن شــــــــــــــــوق
وابطـوي صفحـةٍ عيّـا زمـان الجـور يطويـهـا


أبرحـــــــــل تايـه بغــــــربـة وطـن مالـي عليـه حقــــــوق
وطـن وحـدوده عيونـك ودمــعٍ حـايـرٍ فيـهـا


أبرحل .. دمعةٍ حارت من أدنى الموق الى أقصى الموق
خذلهـا الوقـت يـوم انـه حرمهـا مـن هقاويهـا


أبرحـل واجــمـع آلامـي وابرقـــــــع ثوبـي المـــــشقـوق
وابفهـق عـن دروب الشـك رجلـي قبـل تمشيهـا


أبـــــسهر واحــتري ليلـي يجينـي مـن وراه (شـروق )
وابنشد سالـف ايامـي عـن اللـي كـان مضويهـا


صدى الكلمات من حولـي يداعـب مســـــــمعـي برفـوق
واغرّد خـارج اسرابـي وانـا اللـي كنـت شاديهـا


انا ادري هالزمـن قاســــــي واعـرف انـي بلـــــيـا ذوق
ونفسـي يـوم ودعتـك رمـت فـي النـار رجليهـا


عمر هالــــــحب مايفنـى مادامـه فـي الحــشـا مخلـوق
ولـو دنيـا العـنـا جــارت وورتـنـا بلاويـهـا


ابنسى .. آآآه كيف انسى وانا اللي من زمن محـروق
اكـذّب لـو أقـول انـي ابنسـى بعـض ماضيـهـا


أبنــــــسى كيف والذكـرى وسـط قلبـي تسوقـه سـوق
وهـذا طيفهـا عنـدي .. وهـذي رجفـة ايديـهـا


جعل عينٍ بكـت للحـــــــب أبـد ماتنحـرم مـن مـوق
ولاتفقـد ولـو طالـت ليـالـي الهـجـر غاليـهـا


.....................................

م ن ق و و و و ل

اخووكم وفيتـ ,,,