[7ELEM nour]

قلبي فارق حنينو
.......
دقيت عَ كل المطارح
مطرح ما كنت انتَ رايح
نَبش ع قلبي المسكين
ل ضيّعتو كل هالسنين
سألت عنو بالغابات , دياب الكاسره
سألت عنو بالفضا, طيوّر العابره
سألت عنو امواج البحر
سألت حتى حجار الصخر..
دقيّت ع بواب الكنايس
يمكن النصارى بقلوبهم عايش
مرقت عَ الجامِع ت صلي
واسمو بصلاتي كان متجلي..
سألت عنو,كل البشر
وبالصحف, نشرت الخبر
هوِّ يسأل شو اسمو؟؟
وهيِّ تسأل عن رسمو..
شو كان لابس مبارح قال؟
وشو لون عيونو و 100 سوأل؟
سألوني ...اذا بالعمر كبير؟
او بعمر الولدني,بعدو طفل صغير؟
لكن !!!! ما كان حدا يهديني
عَ قلبي الفارق حنيني.
....
رجعت عَ البيت والحزن ساكني
رجعت وحدي والخوف مالكني..
شفت مطرحك بالبيت فاضي
و صورتك عَ الحيط ذكرى من الماضي
صار الألم ساكن فييِّ
وكل الأهل خافوا علييِّ
قالوا:لازم ابتعد عنك
مش لازم بقى حبك
وانسى سنين حبك المجنون
ونسيوّا انو حبك بقلبي مسكون.
....
ودارت براسي الأفكار!!!!
افكار تشوي قلبي عَ نار
حاولت ما فكر فيك..
اطرضك من قلبي و جافيك
امحي ذكريات الماضي
وادفن سنين حبي بقبر فاضي
وارمي مفتاحو بالنهر
ارمي حبك وانسى القهر.
....
وصرت متل التايها امشي عَ الطريق
دور عَ خيّ, دور عَ صديق
يمكن يعرف شي عنك
او سامع حكي منك...
وصارت الدني سودا بعيوني!!
وحُبك زاد الوهم بجنوني
شفت حالي عم انهار
مش ممكن كمّل المشوار...
لحد... ما ايد جديده انتشلتني!!!
و عَ قصر الحب ردتني
وصحيت عَ صوت جايِّ من بعيد
ضحكة طفل..... و حلم جديد
7ELEM noureee
اذكروني كل ما شفتوا حروف اسمي...نور