19-04-2006, 10:51 AM
|
#1
|
(حلا فعّال)
|
الصمت يكفي ويشفي صدر راعيـه
الصمت يكفي ويشفي صدر راعيـه
لا صار كــل الحـكـي مـالـه معـانـي
والقـلـب ما عاد تعنـيـه المشـاريـه
والعـيـن ما عاد تغريـهـا الأمـانــي
والخاطر العمـس مـن يقدر يسليه
النـاس وإلا الشـعـر وإلا الأغاني؟
يا كاتب الحـزن فـي قلـبـي وقارية
في نظرتي..في انفعالي..في حناني
يا ليت حزنـي مجـرد دمــع وابكـيـه
ماهوب عايش معـي بيـن المحانـي
ماهوب يظهر علي وأحاول أخفيه
وتصير نظرات حزنـي هـي لسانـي
لـو للسحايـب سجـن يا عبرة التيـه
والله ما حبسك بخـافـقـي ثــوانــي
مـدري ذكرنـي زمـان كنـت ناسـيـه
مدري ذكـرت الزمـان اللـي نسانـي
كنت اكره البحر وأخاف الغرق فيـه
واليوم أحبه..وأخاف مـن الموانـي
كنت أعشق الجاي بأحلامه وأمانيه
يـامـا بنـيـت بخيـالـي لـــه مـبـانـي
يامـا رجيـت العطـا مـن مـدة يـديـه
حـتـى خــذا كــل شــي وماعطـانـي
...............
منقوووووووووول
اخووووكم وفيتـ ,,,
|
|
|
|