18-03-2006, 03:05 AM
|
#1
|
|
(حلا جديد )
|
هل تحب أصدقائك أو الجنس الآخر... أكثر من أهلك؟؟؟ فضيحة هذا الزمن حاصله معانا كلنا
قد يبدو عنوان الموضوع غريب شوية لكن فعلا هوا ده السؤال اللي عايزين نعرف إجابته
وفعلا هوا ده اللي حاصل مع كتير جدا مننا
وهيا مشكله غريبه مبقيناش نقدر نتجاهلها
........................
هنا هنبتدي بسؤال
يا ترى إنتا بتعامل صحابك وزمايلك أحسن ولا بتعامل أهلك أحسن؟؟
ونفس الحكاية بالنسبه لمعاملتك مع أهلك ومعاملتك مع الجنس الآخر عشان نكون صريحين
يا ترى بتعامل خطيبتك أو حبيبتك وبتعاملي خطيبك أو حبيبك أحسن ولا أهلك؟؟
يا ترى بتتكلم مع مين أكتر وبتفتح قلبك لمين فيهم أكتر
ومين فيهم اللي عزيز عليك جدا ومتقدرش ترفض طلباته أكتر من التاني؟؟؟
أهلك؟؟
ولا صحابك؟؟؟
ولا النصف الاخر؟؟؟؟
يا ترى إيه إجابتك وبصراحه؟؟؟؟؟
أغلبيتنا لكن فعلا مش كلنا بنعامل صحابنا أو الجنس الاخر معامله أفضل بكتير من معاملة الأهل
وبنحكيلهم على كل حاجة أكتر
لكن ده برضو مش هيكون وصلنا لعنوان الموضوع
حتى لو ؤلت أنا بعامل صحابي أو حبيبتي أحسن وبعيش حياتي معاهم أكتر من أهلي فده ميمنعش إني في قلبي أكون بحب أهلي أكتر
وهنا هنوصل لسؤال تاني لو انتا بتعامل صحابك أحسن
يا ترى مع الوقت والإعتياد ومرور الزمن من وانتا طفل ساعة ما مكنتش تعرف أو تحب حد غير أهلك
مرورا بتعارفك على كتير من الناس وعلاقتك الوثيقه مع البعض منهم واللي ممكن توصل لسنين طويله تكون بتقضي فيها معاهم أضعاف الوقت اللي بتقضيه مع أهلك ويعرفوا وتعرف عنهم كل حاجة وكل التفاصيل
يا ترى مع كل الوقت ده وبعد ما كان في الماضي حبك لأهلك لا يقارن مع أي أشخاص تانيه وعدت كل المراحل دي وعلاقتك بأهلك بتقل في كل لحظة هل عايز تقتنعني إن حبك ليهم ثابت زي ما كان زمان؟؟؟
يا ترى هما فعلا أكتر ناس بتحبهم ولا الإعتقاد ده إنتهى ولا معندكش إجابه عليه
ولو حبك ليهم فعلا قل فانتا ما زلت بتبعد عنهم كل يوم وده يوصلك لإنه هيقل أكتر وفي الآخر!!؟؟؟
إيه هتكون النهاية؟!
وانتا وصلت لإيه من المراحل دي؟؟؟
ويا ترى كلنا لينا مبررات ولا لأ
ياريت تشاركنا برأيك
__________________
|
|
|
|
|
|