[العـــاشق]

°ˆ~*¤®§(*§ قالت سعودي §*)§®¤*~ˆ°

قالت سعودي قلـت فخـر ومعـزة

أهل الفخر والعلم والحلـم والبـاس

قالت سعودي قصدهـا بـي تهـزا

ماتدري إني بفتخر و أرفع الـراس

الـحـمـدلله روسـنــا دوم رزة

اللي خلقنـا بـس نحنيلـه الـراس

صافي نسبنا والحسـب فيـه عـزة

أصل أصيل وفصل والعلـم دسـاس

أهل الوفـا والديـن صافـي منـزه

عن كل ما شافت العقيده من جـلاس

حنا سنايـد نجـد فـي كـل حـزه

لا خانت حلوق الرجاجيل الأنفـاس

مـن يغلـط لسانـه علينـا نجـزه

يقضي عليه الخوف من كل هوجاس

من ذكرنا فـي قلبـه تفـور نفسـه

من طاري السعوديين يبلاه وسـواس

وش جاب حر الطيـر لفريـخ وزه

منهو يساوي جوهر الماس بنحـاس

لا تحسبيـن انتـس لنـا مستـفـزه

وش ياخذ الباعوض من ريش قرناس
***
ونعم والله بكل اهل السعوديه