[صدود المحبه]

السلام عليكم ورحمة الله وبركاته




يمكن هذي اول مره اكشف بعض اوراقي الواقعيه ولكن عزاي الوحيد دموعي وقلمي واصدقاء مثلكم ...




يمكن الحنين لدفئ اشخاص غالين عليك او لحظة تأمل لحياة الانسان هي اللي تخليه يخوض باحزان الماضي ...




او يمكن تعجب من الحياة ليش دايم تعاكسه وتحرمه من ناس غالين عليه ................













°ˆ~*¤®§(*§*)§®¤*~ˆ° البيت المهجور °ˆ~*¤®§(*§*)§®¤*~ˆ°




شفت الموت دايم يرافقني .. أن ما نهب مني الغالي صرخ


بوجهي غاضب ...





أعيش بلوعة الحرمان وأكفن دموعي الوحيدة .. اسرق بسمة الماضي ..

وأعيش بذكرى قديمة ...




تأخذني وتسكن معي بيت مهجور ...


فيه البسمة اليتيمة ... فيه صوت أحبه وطيف دايم ما يفارقني ...


فيه طفولتي البريئة وفيه ذكراي يوم كنت صغيره ...




فيه لعبتي وصورتي والسرير الأبيض بنفس المكان ....



فيه بوسط الحوش شجرة كبيرة كنت دايم العب جنبها ....




فيه بعد بنت دايم تزعلني وازعلها ... وساعة تجي تراضيني و اتخبى عنها ...





فيه أمي ولوعتي يوم فرقاها ... ويوم كنت أناديها أمي وينج يا بعد دنيتي ...




وما اقدر أنسى يوم كنت أروح لمدرستي واحمل كتبي وأنسى أذاكر واكتب واجبي ..





اذكر مره كنت بأول مرحله وكنت بعدي صغيره يوم مديرتي رشحتني أجمل طالبه بالمدرسة ..







اذكر رحلتي ويا أمي واذكر أبوي يغار منها ويقول هذي بنتي ودلو عتي ...








اذكر ...








واذكر ...




وما بقالي غير الذكريات ..



ولوعة تحرق خفوقي ...



ودموع تجرح زماني........


ووقت قاسي ........


وفرقه صعيبه وقلب يحن للماضي و ما اعتقد يرجع ابد ...














تحياتي لكم



اختكم


صدود المحبه