[مــ الحزن ــلاك]

مســـــــاءكم وووورد


لكــــل كلمــــة يلقيهـــا الطفـــــل سبب ومغزى محدد انظروا بأنفسكم

الى مااشــــار اليــــه هذا الصغيــــر في كتــــاباته ,,,


هذه كلمات مسروقه من دفتر طفل كتبها بعامية اللغه..ودهشة السؤال.!
السبت

فتحت عيوني..أدور عن نور..أمروني:<غمض>..و...غم ضت..بعدها ما شفت لا ابيض ولا اسود!

الأحد

كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...

فتوقعت اني في حديقة حيوانات..فتحت عيوني ابغى اشوف ها(الحيوانات)..قالوا لي:

"ما يصلح تشوف قلة أدب"..سألتهم:طيب..في عصفور؟؟
صرخوا في وجهي:<انطم وغمض>..!!
الاثنين

سمحوا لي اشوف التلفزيون..كنت لحالي منسجم مع أفلام كرتون..دخلت امي..


وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."قالت لي وهي معصبه مرررررررررررره(التبويس..ق لة حياء!!)
بعدها بأسبوع..شفت امي تسلم على ام الجيران و(تبوووووسها)..

قلت لها وانا كلي أسى"يا ماما..التبويس قلة حياء!!.."

الثلاثاء

كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه
فيني وين ما رحت ووين ما جيت..بعد ما راحوا..ناداني أبوي وقال:"عيب الواحد يجلس مع بنات..قلة أدب..!"
بعدها بكم يوم..كان أبوي جالس مع عماتي..ناظرته بطرف عين(وتبون الصدق نقدت عليه)..
وقلت له:"اللي يجلس مع بنات..قليل أدب!!"

الأربعاء

كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..سألتهم:كيف؟؟

!!..ق الوا:"حرامي ومجرم..وبس..واسكت..!"
وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه.

.ويضحكووووووون..كن ت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!؟؟
الخميس


أبوي يقول<التتن>حرام.. واللي يدخن يدخل النار..وفي يوم شفت ابوي جالس مع صديقه أبو حمد..
وأبو حمد ماسك السيجاره بيده..وقفت وسألت ابوي""طيب اللي يجلس مع اللي يدخنون..يدخل النار بعد؟!!!"

الجمعة

أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل..

.وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدوووووووووم::

"أبووووووو وي الحق..................... ..

أمي تغازل..!!!..!!..!!!!



وللأن الطفل عندنا يفتقد التوجيه والتوضيح

وكل حياته اساسها الامر والنهي بدون مايفهم ليه التحذير واسباب والامر ..

تحتاج الاسره لتوعيه بفنون التعامل مع نفسية الطفل وتحقيق متطلباته النفسيه والفكريه
وانقااذه من الحيره ..


تقديري لكل من قرأ موضوعي وعلق عليه

أختكم

مــ الحزن ــلاك