إهي كلمه وقلتها بطيب النوايا
صدقني والله ماكان قصدي أجرحك
انت نوري في دروبي او ضوايا
وش ما حصل بتبقى كبيرة معزتك
أنت عشقي او عذابي او هنايا
انت الي مذوب قلبي ابمحبتك
ياحاكم قلبي حكم الجنايا
يامعذبني بغلاتك وعزتك
سواتك معي ماهي بسوايا
ولوفي ظالم بالكون فأنا ارشحك
يامامدحتك وقلت فيك هذيك المزايا
لكن ما هو عشانك بس كان قصدي اسعدك
حبيتك ولا ادري كيف حبيتك وكيف البدايا
بس الي اذكره بالضبط اني اعشق هالدنيا فيك
احبك بكيفي وعلى كيفي وهوايا
وطول ماكنت تسولف ابي بس اسمعك
يا حياتي ويا غناتي ويا دوايا
انت شاطر تعذبني وأنا ما احاسبك
وسواليفك طويله ومالها نهايه
وان قلتها بتشيب وبتشيبني معك
ياهذا كفايا تعذيبك وتجريحك كفايا
اكتفيت من العذاب الي بنظرتك
لكن ان فكرت تخدعني مع هالفتايا
لاخذ حبل عشقي وأخنقك
والله لخليك بظلمة الليل وبين الزوايا
وبصوت حبي أجلــــــــــدك
يالي تاركني بوسط هذي الشقايا
مثل منت معذبني باعذبك
وحبي المدفون بين الخفايا
يا تعترف به وإلا افضحك
وأقول هذا المعذبني بدنياي
وعذابي ماله علاج إلا بك
وان حنيت ذيلك وسويتها هذيك السوايا
صدقني اسويها وأذبحك
قلت لك مرة بوصيك ابوصايا
قلت خلصني دام اني اسمعك
قلت آنا تعباان ومحتاج العنايا
ومحتاج يالغلى لوقفتك
ومسكت ايدك وعليت افبكايا
ولعنبوا هالقلب ما شفت حتى نصايف دمعتك
خليتني مجنون احيان اناظر يميني واحيان بشمالي واحيان ابسماي
جننتني ولا ادري وشنهي قصتك
يا هذا جاوبني ومن غير ماتعايا
انت تحبني والا مسويني لعبتك
وان كنت تتسلى او تتلاعب معايا
بوريك العنى ابدنيتك
بسوي فيك تعجيز السوايا
وبخلي الدمعه تسكن وجنتك
وكثر ماطال الحجي فاني احبك هذا تلخيص الحكايا
وانت بطيء الفهم هذي هي علتك
وانت جيت للحق كلامي كثير وبسهرك معايا
لأني احبك والمحبه من الله والله باليني ابمحبتك
وأنا مسامحك على كل زلاتك وعلى كل الخطايا
وعلى كل شي سويته بحقي أنا مسامحك
بس لا تخليني يا خلي على هذي النهايا
ولا تحرمني يالغالي من شوفك