السلام عليكم والرحمة والبركات
أخواني أخوااتي اود ان اطرح لكم مشكلة لفتااه وهي تشكي همومها
لعل وعسى تجد من يساعدها ويفيدهها في مشكلتها أتركم مع
المشكله الآن ....
انه تقدم الى خطبتها احد الشبان وهو شاب تتمناه اي فتاة
عن طريق احدى صديقات والدتها اللتي دلتهم عليها المهم من هذيك
اللحظة وهي صارت تخطط ايش تلبس اذا جوها اهل الشاب ويش راح
تقدم لهم ضيافة
وبدت تشكر الله لانه اخيرا وبعد تعب رح يتحقق حلمها
بل اصبحت تخطط لليلة الزفاف وش تلبس وايش الموديل واحلام كثيرة
المهم جو اهل الولد وراحت لاحد المشاغل استشورت شعرها وحطت
مكياج خفيف ولبست احسن ماعندها
وكانت تحسب نفسها انسانة عادية لكن بعد ماشافوها حست نظراتهم
غريبة حتى انهم ماتكلمو معها نهائيا كانو حتى مايبغون يطلون في وجهها
بعد ماراحو كانت تتوقع انها راح تعجبهم لانها استشارت بعض الصديقات
عن اللبس وعن المكياج المهم كانت الصدمة عليها كبيرة اتصلت صديقة
امها عشان تقول اش كان راي اهل الشاب فقالت المفاجأة قالو انه البنت
اللي شفناها من بشاعتها ماحنا قادرين نطل بوجهها بشعة جدا عيونها
صغيرة وسمينة شكل وزنها في التسعين وطويلة زيادة عن اللزوم هذي
بتموت ولدنا واللي العن من كذا انهم حكمو عن اخلاقها بمجرد ماشافونها
قالو كمان انه شكلها مصيبة ماهي سهلة وان شكلها راعية كلام وباين
عليها قوية
وهي ضعيفة الشخصيه الدنيا تلطش فينها يمين وشمال واخذت تسرد
العيوب اللي قالوها عنها التي لاتعد ولاتحصى
طيب هي وش ذنبها ربي خلقها كذا فهل لها ذنب بهالشي ؟؟
كانو اعتذرو عن الموضوع بطريقة افضل من كذا عشان مايجرحوها والا
البشعات مالهم رب
المهم اللي صار هز ثقتها بنفسها خلاها تعتزل عن العالم الخارجي
وتجلس بالبيت بطلت تحضر زواجات وبطلت تروح حتى لاقاربها عشان
ماتشوف بنات حلوات ونحيفات وتكره نفسها وتكره اليوم اللي انولدت فيه
حتى الوظيفة لما راحت تقدم على وظايف في بنوك ومستشفيات
مايوافقون عشانها سمينة مع ان تخصصها محاسبة وعندها دبلوم
كمبيوتر ...
الحين هي مااتبغى غيرالمسااعده كيف تتصرف مع الناس اللي
مايضربون المثل في البشاعة ؟؟
وهي انساانه تصلي وتعبد ربها وتقووم الليل .
والآن هي تعااني من جلسة البيت لازواج ولا عمل ولا حتى تقدر تحلم
زي باقي البنات فهي محطمة نفسيا وكل يوم تصلي الين مايطلع الفجر
وتنام وهي تبكي وتصحى وهي تبكي
وهذه مشكلة الفتااه فما رأيكم بمشكلتها وكيف مساعدتها ... ؟؟
الله يستر عليها ويرزقها الزووج الصاالح والذريه الصالحه انشالله
أبي أعرف ليش أغلب النااس أهم شي الجماال عندهم
ونسوو الجوهر الأساسي الدااخلي
واريد منكم كلكم تازرو البنت هاي
بنزيف قلمكوا البدع
بليز ازروها