محاوره شعريه بين ( بلير ) وبوش .......!!
هذه المحاوره جرت بين رئيس وزراء بريطانيا / بلير ... ورئيس الاداره الامريكيه / بوش
حيث جاء بلير الى امريكا لحضور المؤتمر الثنائي مع بوش قبل ايام وعندما دخل على بوش
في صالة الاجتماع بدأ بهذه المحاوره وقام بوش بالرد عليه فورا ،،،،
البادي بلــــــير :
الله لايجـزاك بالخيـر يـابـوش
ورطتنا في حرب صدام ورطـه
عزمتني وتقول بترول وقـروش
بس الحقيقه روحتي معك غلطه
قال بوش : خلــــوها :
يابلير رد العلم عن بوش بن بوش
الله خلقـنـا للمقـاريـد سلـطـه
وابوي عنـده للرياجيـل دنبـوش
كم واحد ٍ شلنـا فلوسـه ونفطـه
بلـــــــــــــــــير :
ابوك والنعمين مير أنت مربوش
تمـوت بالبتـرول وتحـب شفـطـه
صحيح عندك مال وسلاح وجيـوش
مير اتوقع لك تدهـور وسقطـه
بــــــــــــوش :
يابلير كانك خفت يوم احتمى الهوش
حرام ماتأخـذ مـن النفـط نقطـه
قبلك ترى شيـراك قـد راح مكـروش
شوفـه يصـرح كــل يــوم بمحـطـه
بلــــــــير :
وراك ماتعطـي لشـيـراك عـرمـوش
تـراه مشغلنـا بشيـلـه وحـطـه
وليا انتهى موضوعنا نرسل طروش
ونجمّـع المبلـغ مـن الربـع قطـه
بــــــــــوش :
شيراك هذا عنده الفكر مغشوش
فرط علي في مجلس الأمـن فرطـه
يدزه الألمـان والصيـن ويطـوش
ويجهز الفيتو لتحقيـق شرطـه
بلــــير :
يابوش أنا مرهق وخايف ومدهوش
وانته تقول الحرب خدعـه وخطـه
اسراي واسراك امتلا منهم الحوش
عز الله أنـه صابنـي منـك جلطـه
بــــــــوش :
ماقلت لك كـم فيـه اذاعـات ودشـوش
لاتكشـف المعنـى وأنـا اقــول غلـطـه
وان قالوا أنا علوج واصاحبنا جحوش
ماهمـنـا الصـحّـاف والـلــي يـخـطـه
( وبعد انتهاء هذه المحاوره اتفق الطرفان على ان نفط العراق من حق بوش ووعد
بلير بنفط نصف ايران ..!! )*
نسال الله ان يرد كيدهم في نحورهم وينصر الاسلام والمسلمين
العديـــــــــــم
منقووووووووووول