[MSN]

السلام عليك ،،

نـــور الهُدى

طبيعي إن كل المنتديات فيها نقل

لكن مو بالصورة اللي يمر بيها منتدانا الحين

ومن قال حرام لا هو مو حرام بس خطأ إنه ياخذ مجهود واحد تعب

في الموضوع عالجاهز وما يقول إنه منقول

زي ما قال خونا سميتك الغالي كان تعقيبه حلو والكلام اللي قالة لك


كاتمة الأحزان

متأسف جداً لأنه كان أول موضوع تردي عليه والله

تمنيت تكون بدايتك أفضل في موضوع مميز لا موضوع نقد

ولكن ، ما في أي مكان يخلوا من الشوائب يعني حالة يمر بيها المنتدى

وإن شاء الله كل عضو قرا الموضوع سواء من اللي ردو واللي ما ردو

الموضوع للحين عليه 63 زائر يعني عدد لا بأس به من القراء

ويا ريت يتقيدو كلهم او حتى أغلبهم ومشوار الألف ميل يبدا بخطوة زي ما يقولو

وكلمتك عين العقل لمن قلتي

" صدقوني راح تحسو بالفرحة وتنتضرو الردود بلهفة اكتر "

في حالة ان العضو يكون كاتب الموضوع بمجهودة

مرورك وتعيبرك حلو ومازلت وراء الموضوع حتى يصير منتدانا على الأقل

في طريقه للأعلى لا للأسفل ودمتي


" قموره "

كلام حلو ولا اروع من منه

معلوم ان ما في مهرب من النقل ومعلوم إن الفايدة مطلوب ننقلها

وبطبيعة الحال كل قسم وله معاملة خاصة من ناحية الردود أختي

وانتِ قلتيها هناك محتاج نشكر وهنا محتاجين نعلق ونعقب ومن ناحية

ثانية محتاجين نطلب بالمزيد ونشجع

المغز من الكلام هو إن في أعضاء ومن غير ذكر أسماء ماعندهم ميول معين

بالعكس تلقيهم يكتبو هنا وهناك في الدين والسياسة والرياضة والطب والصحة

لومن تستفتي واحد منهم ما تلقي الإجابة المطلوبة

في التصميم حكو وقالو صممو لنا سكتو

في الدين حكو وقلنا هذا مو من الدين حقنا قالو نعتذر ما انتبهنا والمصيبة إنه مشرف

ما انتبهو من ان النسخ مو في محله

حتى النسخ صار بلا مبالاه نسخ وبس اهم شي موضوع وله ردود

ظاهرة ثانية احب اتكلم عنها

عضو كتب موضوع علقو عليه 5 أعضاء يجي هو فوقهم

يرد خمس مرات كل مرة شكراً يا فلان وشكراً يا فلان

عادة سيئة يلعبها الأغلبية لأجل عداد المشاركات

خلاصة الموضوع ما نبي نطلع عيوب هذا وذاك

بالعكس كلنا يملك عيوب وميزات لكن العيوب أصبحت اكثر وأكثر واتزيد بدل ما تنقص

وكل الاحترام والتقدير لك اختي على اسلوبك ومناقشتك الراقية

تحيتي واحترامي لكم نفر نفر ولي عودة معكم من جديد

ووين باقي الأعضاء