[& عبد الكريم بن صقر &]

سوا اللي براسك ولا تذكر اسباب
لا صرت بايعني توكل على الله
مابين وبينك مشاريه وعتاب
شف دربك للي جيت منه تدله
ماراح تغلبني لو الحب غلاب
من حضرتك عشان قلبي تذله
في ذمتي لجعلك عبره للأحباب
لين الخليل يتوب عن جرح خله
زلاتك اللي مانفع فيهن احساب
لاجيت اعددهن ثمانين زله
احرجتني بين القرايب والأحباب
كن الجفا سيف بوجهي تسله
ماكنت أقصر فيك من كثر الأعجاب
يومك تساوي عندي الكون كله
كنت القريب وكلهم كانوا اغراب
حتى القمر لاغاب شفتك محله
خلاص لاترجع ترا خاطري طاب
ابي ترا اللي كنت عايش بظله
راح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله



أخوكمــ: عبد الكريم بن صقر