06-10-2004, 11:55 PM
|
#1
|
|
(حلا نشِـط )
|
** عــــذاب غيــابهــــــا **
** عــــذاب غيــابهــــــا **
ليلي طويل ودمعتــــي ساهرتنـــــــي
ما احد درى عن دمعتـي وش بلاهـــا
أبكي على اللي بالوفــــاء رافقتنــــي
إنسانه عزيزه راح قلبــــي معاهــــــا
البارحة ما طوّل البعـــــــد جتنــــــــي
تقطع مسافـات الولــــه في خطاهــــا
والبارحة حلـوالسوالــــف عطتنــــــي
أسمع كــلام إحساسهـــا من وفاهـــــا
واليوم شلت همومهـــا فـوق متنــــي
وأبكي عـــذاب غيابهــــا في مساهــا
هي سافــرت لو إنهــــا ودعتنـــــــي
لو أنهـــا قالـــت من اللي دعاهــــــا
كان إنكسر قلبين يــوم احضنتنــــي
أبكي وتبكي ليـــــن أزود بكاهــــــــا
لكن رمتنـــــي في عذابـــــي رمتنــي
أنا دفين الحـــــــزن والله معاهــــــــا
جريح نجد
|
|
|
|
|
|