[وحـــدانـــي]

نفسي تعـاف كـل خايـن ردي كـذاب ***** ولا تواطـن أهـل النفـوس الوضيعـه

بيني وبين ردي الناس سـور وحجـاب ***** نفسـي خلقـهـا الله عنـهـم منيـعـه

أسامـح زلات الأقــارب والأجـنـاب **** سهل (ن) تزيل جبال ولا تغيـر طبيعـه

الطيـب يذكرونـه بالخـيـر لاغــاب ***** والـردي لاغــاب قـالـوا قطيـعـه

لامنـه أقبـل تفتحـت دونـه أبــواب ***** وتصيـر الحـيـاه بـوجـوده بديـعـه

الروح الساميـه تنثـر حولهـا أطيـاب **** وتحميها من الشر ملائكـة (ن) مطيعـه

ماينطقـون العيـب أصيليـن الأنسـاب **** ولا يفعـلـون أفـعـالا (ن) شنيـعـه

الكلمه الشينه لها ضـرس ولهـا نـاب **** لاصابت القلـب تضيـق بـه الوسيعـه

بالفطـره كلماتـي بـلـون السـحـاب ***** ولساني حـزت الغضـب مـا أطيعـه

أسلـي خاطـري بشعـري والخطـاب **** وأنثر مشاعري على صفحات (ن) نصيعه

مرات موزونه ومـرات وزنهـا غـاب ***** ومرات من داخل القلب تطلـع سريعـه