[بنوتة ابوها]

مشاعل:...........
واذا عشان رجلك بنبدى علاج طبيعي من بكره الساعه 9 الصبح تكونين جاهزه
مشاعل: مو رايحه
محمد: وشو
مشاعل: مو رايحه
محمد: ولييش
مشاعل: خلاص بقعد زي مانا
محمد: مشاعل حبيبتي لازم تروحيين عشان تتعالجين مايصير توقفين حياتتك
مشاعل: ماوقفتها هي واقفه منزمان
محمد: لاتقولين الكلام هذا وبكره الساعه 9 تكونين جاهزه عن اذنك
اااه يامحمد لوتعرف على النار الي بقلبي محد حاس محد فاهم كلكم تحسبوني زعلانه على رجليني انا ماهمتني رجليني ماهمتني ليش ياناصر ماخذتني معك وريحتني انت وعدتني ماتتركني ليش تركتني لييش وقعدت تبككي
مرة الشهوور ومشاعل على حالتها ومو راضيه تتحسن لانها ماتستجيب من داخلها للعلاج وصارت انطوائيه ولاكملت دراستها ولاتبي تكلم او تشووف احدوصار الوضع بالنسبه لاهلا مايحتمل
ابومحمد: يادكتور ماشفنا تحسن من شي مايصير كذا لنا اكثر من 4شهوور
الذتور: انا اسف بنتك هي السبب مو راضيه تستجيب للعلاج انا اقول انك تسفرها برا وهي تقريبا قربت تخلص عدتها سفرها وعلاجها برا افضلك يمكن لما تبعد عن الاجواء هذي ترتاح شوي
ابومحمد: وين احسن شي يادكتور انا اعرف دكتور مره كويس بالمانيا بس اخر مره شفته كان بيسافر انا احاول اتصل فيه واعرف وين بالضبط صار مقر عمله وارسله حالت مشااعل واعطيك خبر
ابومحمد: انشالله الله يكتب الي فيه الخير
هيفا: يمه مايصير مشاعل على هذي الحاله والله مايصير ولاانتم راضين احد يكلمها ماصارت حاله
ام محمد: انتي تحسبني راضيه على حال بنتي بس وش اسوي وش بيدي
هيفا: انا بروح اشوفها
ام محمد: لاتقولين لها شي زين
هيفا: كيفك مشاعل
مشاعل: بخير
هيفا : مشاعل لمتى بتقعدين كذا
مشاعل:...........
هيفا : انا اكلمك لمتى يامشااعل مايصير منتي حاسه بلي حولينك امي وابوي ومحمد وعبد الله وانا ونوره وعماني وصديقاتك كلهم مو عاجبهم حالك اذا ماهمك كل ذولي همك امبي وابوي الي ضحوا بكل شي عشانا ليش تسويين فيهم كذا ليش تعذبينهم
مشاعل : ...........
هيفا: مشاعل لاتجنني مايصير كذا ردي علي
مشاعل: وشتبيني اقول وشاقول محد حاس بلي داخلي محد حاس كلكم تحسبوني زعلانه عشاني مامشي انا ماهمتني رجليني وانشالله عمري مامشيت ماهمني همني ناصر الي راح
هيفا: كلنا بنموت انتي عارفه هالشي
مشاعل: ايه عارفه بس انتوا مو عارفين مو عارفين كيف كان ناصر كيف كان يحبني كيف كان كريم معي وانا وش جازيته قوليلي ولاشي ولاشي
اافهموني انا حرمته من انه يتزوج ويعيش سعدي زيه زي اي رجال غيره كم سنه ناصر قعد مايتزوج يستناني كم سنه حرمته من انه يعني بحياته يعيش مبسوط يعيش مستقر انا حرمته من هالشي
حرمته من ان يكون له ولد منتي مو عارفه ايام الخطبه قديش يحكيمي عن الاطفال وقدييش يحبهم قديش يتمنى يجب عيال كثييرين وكل احلامه كانت متوقفه علي وانا متى وافقت وافقت متاخر مات وهو ماعند ولد يشيل اسمه مات قبل مايكون الاسره الي كان يحلم فيها انتي ماتعرفين قديش كان يحب احلامه لدرجه كان مختار الاسامي حتى شاري ارض وكان قاعد يعمرها عشان العيال الي بنجيبهم كان كخطط حتى لمدارسهم
ماشفتيه كيف كان بيطير من المفرح كانت الدنيا مو سايعته يوم عرف اني حامل كان شوي ويبوس الدكتوره من الفرح ماشفتي كيف الفرحه بعيونه حتى بفرحته بهالشي كان مفضل راحتي على راحته كان يبي يروح لاهلي يبشرهم قبل اهله بس انا عييت ليتني ماعييت ولارحنا من هذاك الطرريق كان الحين هو موجود كان هو الحين فرحان بولده الي ماشاف النور ولاراح يشوفه حرمته من احلانه طموحاته حرمت اهله من انهم يفرحون فيه وتبيني افرح تبيني انسى وشانسى تخيلي ان انسان يحبك من كل قلبه مستعد يفديك بعمره وحياته وانا وش جازيته ولاشي حتى الحب وهو ابسط شي ماقدرت اعطيه اياه بالقدر الي يستاهله
هيفا تقاطعها وهي تصيح وتحضنها : بس يكفي مشااعل سامحيني انا اسففه سامحيني ماكان قصدي اجرحك انا اسفه
مشاعل: لاتبكين انتي مالك ذنب ولا اهلي ولا احد بس ابي احد يفهمني
هيفا : خلاص حبيبتي اهم شي لاتضيقين حالك اكثر وماعليك من الكلام الفاضي الي قلته
مشاعل: مو مشكله
مشاعل: معليش هيفا ودي اقعد بلحالي
ابومحمد: السلام عليكم
مشاعل+ هيفا : وعليكم السلام
ابومحمد: هيفا يابنتي اتركيني انا ومشااعل
هيفا: انشالله يبه
مشاعل: خير يبه
ابومحمد: انا كلمت الدكتور وهو يقول ان ماراح يقدر يعالجك اذا ماصار منك تقبل
مشاعل:..............
ابومحمد: يابنتي خلاص الي راح راح وحنا عيال اليوم لازم تتغيرين وعشان كذا انا قررت انك بتكملين علاجك برا
مشاعل : بهاللحظه تذكرت بدر لانه سافر برا
مشاعل: يبه انا مابي اسافر عنكم ابي اقعد هنا
ابومحمد: بنروح لدكتور احسن ارجووك يابنتي نبيك تتحسن مو ترجعليين للاسوء
مشااعل وهي تبكي : يبه ارجووك مابي
ابومحمد: انا استنى الدكتور يقولنا لاي مستشفى بنروح بعدين باذن الله اجهز الاوراق ونساافر وهذا اخر شي
مشاعل: الي تشوفه يبه