[بنوتة ابوها]

مشاعل: لاتطولينها وهي قصيره جاوبي
هيفا: ولاشي ليش؟
مشاعل: ليش ماتزورينا
هيفا: وليش ماتتكرمين وتجين حظرتك
مشاعل: تصدقين بجي بس مو حبن فيك لا بجي عشان نطلع وشرايك نتقهى بمكان
هيفا: برضوا انا بوافق بس مو حبن فيك لا عشاني طفشانه
مشاعل: طيب ثواني وانا عند باب بيتكم
هيفا: اصبري اصبري اقول لفهد واتودد عمده عشان يوافق
مشاعل: احلى هيفا صارت كذا
هيفا: نشوفك بكره جايك الدور
مشاعل: يمكن
هيفا : يلا روحي تجهزي لين ماقول لفهد
مشاعل : زين باي
هيفا باي
فهد: كني سمعت طاري طلعه
هيفا: بسم الله من وين طلعت انت
فهد: خوفتك يالرقيقه
هيفا بدلع: ايه خوفتني
فهد: يلا وشتبين قولي بدون هالدلع
هيفا: فوفو لاتقول كذا مايجقي ادلع على زوجي
فهد : الا يحقلك بس مو لايق عليك الدلع طالعه ماصله
هيفا/ فهههههههههد
فهد يقلد هيفا بدلعها: عيون فوفو
هيفا بدت تعصب: لاتطنز اوريك ماراح ادلع عليك ولا اوريك ريق حلو
فهد: ويهون عليك فوفو ماتدلعينه
هيفا: ايه
هيفا: المهم عادي اطلع مع مشاعل
فهد: انا قايل الدلع مو الله تبين شي
هيفا: فههههد لاتعصبني
فهد: لا ياشيخه
هيفا وبنظره حاده: بطلع انا ومشاعل نتقهوى وانا ابي اطلع لاني طفشانه
فهد: المطلوب اوافق
هيفا بقهر: لا اعطيك خبر بس
فهد: لا ياشيخه
هيفا بعصبيه: يووووووووه فهد بتخليني اطلع ووالا لا وخلاص
فهد: وين الريق الحلو الي يخليني اوافق
هيفا: والله الريق فيه وانت الي خربته
فهد: اها
هيفا: ها رد علي عشان اقول لمشاعل
فهد: اذا رجعت من شغلي اقولك
هيفا: فهد مو وقت خفة دمك انا بطلع معها الحين ايه او لا
فهد: لا
هيفا: احسن اصلا انت خربت مزاجي وراح حماشي للطعه
فهد: مو توك طفشانه
هيفا : ايه بس بطلع عشان مشاعل والحين فكه بقعد اتفرج على التلفزيون ابرك
فهد وهو مبسووووط على عصبية زوجنه وزعلها: ازين يمكن تتعلمينلك رقصه ولا طبخه تسوينها لزوجك
هيفا: طيب اوريك يافهد بروح اخمد عشان افتك من كلامك
فهد وهو يحضنها: تعالي حبيبتي امزح معك بس احب اعصبك شكلك جنان وش اسوي اشتاق اشوف العصبيه فيك من وقت لوقت
هيفا وهي باقي معصبه: ههه ضحكتني
فهد: خلاااص حبيبتي امزج تراني روحي للي تبين مع مشاعل بس هالوجه الحلو لايزعل علي
هيفا وهي مبسوطه من جواتها وبتتشقق بس مسويه ثقل: تراني ماحب حركاتك هذي وماراح اروح عشان تبطله هلاحركات
فهد: لو مارحتي بقعد معك واترك شغلي يتعطل
هيفا: احسن انت الي بتخسر
فهد: هو احسن اذا بقال هالوجه الحلو ومو احسن اني بخسر وماراح البي وادلع الوجه الحلو
هيفا استحت واكفتف بابتسامعه
فهد: عشان خاطري روحي مه مشاعل وانبسطي
هيفا: طيب
مشاعل: يمه تراني بروح لهيفا بعدين بطلع انا وياها
ام محمد: روحي بس لاتتاخرين
مشاعل: انشااااالله


هيفا : وينك مشاعل تاخرتي
مشاعل: هذاني توني وصلت بيتكم
هيفا : يلا انا نازله
مشاعل: هلا لاباختي الي ماتحن على اختها وتسال عنها
هبفا: اقول اسكتي وين تبين نروح بس
مشاعل: الي تبييييين
هيفا: اها يعني على حساابي
مشاعل: وشدعوه على حسابي بس اختاري المكان
هيفا : امممممم طيب في قهوه جديده فاتحه بوديك لها
هيفا: وشراك بالمكان حلو صح
مشاعل: ايه مررره حلوه
هيفا : وشتبين تشربين
مشاعل: باخذ قهوه
هيفا : وانا زيك
مشاعل: هيفا بكلمك بموضوع
هيفا: خير وشفي بعد
مشاعل: لاتخافين خير بس ناصر خطبني
هيفا: ماشالله باقي يخطبك مامل والله صدق اذا ان الحي مصيبه
مشاعل: عاد الي يشوفك يقول ماتحبين زوجك
هيفا: اصلا لو لفيتي الدنيا ماتلاقين زي فهودي حبيبي
مشاعل: ايه الله يخليه لك
هيفا: شوفي يامشاعل لوني مكانك ماتردد دقيقه وحده انسان زي ناصر ضيع حياته وشبابه وهو ينتظر بنت اصغر منه بكثثير عشان يحبها ومع هذا رافضته ولا حاول يضرها او ضر اهلها
مشاعل: اكيد مايقدر يسوي شي عمه وبنت عمه
هيفا: غلطانه انتي عافره عمي اكبر من ابوي وابوي مايرفض طلب لعمي وانا متاكده ان عمي يقدر يقنع ابوي والي ماخلاه كذا اكييد ناصر يبيك توافقين حتى ناصر يقدر يضغط على ابيو باي شي او على الاقل مايجي يوصله وضح وقته وشغله عشان ابوي فكري شوي يعني رايي الرجال شاريك ويستاهل
مشاعل: مدري محتاره المهم من بعد اذنك بروح للحمام
هيفا : لاتطولين
مشاعل وهي بالطريق الا تشتووف ريما وهي طالعه من القهوه وماسكه يد واحد بس ماشافت وجهه ولا هيأته زين مره وانصدمت قالت معقول يرسلي كل هالايملات وباقي يطلع مع ريما ويبيني ارجعله انا لازم اتخلص من حبه خلاص مو معقول الرجال مايحبني وةانتا قاعده احبه وفوق هذا يجرحني
مشاعل: تصدقين هيفا شكل كلامك صح انا بستخير واشوف اذا ارتحت اولا
هيفا: عين العقل
مر يومين على هالموضوع
مشاعل: يبه اقدر اكلمك
ابو محمد: ايه تفضلي وشتبين ياحبيبتي
مشاعل: يبه وشرايك بناصر
ابومحمد: لو فيه شي كان انا رفضته بدون ماقولك
مشاعل: يبه انا استخرت وحسيت اني مرتاحه واذا انت شايف سعادتي معاه انا موافقه
ابو محمد: ناصر رجال ولا كل الرجال ولاراح الاقي احسن منه بس انتي حره برايك وانا وعدت ناصر مامدحه ولا اقوله اي شي واخليك براحتك
مشاعل: ليش ناصر وشدخله اذا تمدحه او لا
ابو محمد: هو قالي ابي رايها بدون اي تاثيير مابي اغصبها لشي ماتبيه ابيها تكون سعيده بحيياتها
مشاعل: ناصر قال كذا
ابومحمد: ايه
مشاعل: يبه انت وشرايك انت تشوفه اكثر مني وانا بمشي برايك اذا تشوفه يناسبني انا موافقه
ابومحمد: لو مايناسبك ولا يستاهلك حتى لوانه ولد اخوي ماراح اجبرك عليه
مشاعل: اوكي يبه انا موافقه
ابو محمد بيطير من الفرحه وحضن بنته ونزلت دمعته: مبروووووووووووك يابنتي الف مبروووك
ابو محمد: خليني ابشر امك وبعدين اكلم المعرس افرحه
ابومحمد: يام محمد وينك يام محمد
ام محمد: خير انشالله وشفيك وشصااير
ابو محمد: الف الف الف مبروووك
ام محمد: على وشو
ابو محمد: مشاعل وافقت على ناصر
ام محمد ويهي مو مصدقه: وشتقووول
مشاعل: الي قالك يمه
ام محمد راحت تحضن بنتها وتباركلها
ام محمد: اجل نخلي الفرحه فرحتين ونملك لعبد اللله
ابومحمد: خليني اكلم اخوي وناصر وبعدين نشوف موضوع عبد الله
مشااعل حست بداخلها فرحه ماتعرف فرحة اييش هل هي انتقام من بدر ولا بدت مشاعرها تتحرك لناصر ولا احساس اي بنت انها عروووسه مشاعل محتاره وقررت تعيش الفرحه وتنسى بدر لانها ماتقدر تكلم معه فما يحتاج افكر فيه والحين انا بكون زوجه لخص ولازم انسى بدر ولا افكر فيه نهائيا
محمد قطع تفكيرها: مبرووووووووك مبروووووووك لالا م مصدق انا اخيرا وافتقي عليه نشفتي ريقه وهو ماغير يخطب وانتي تردين
مشاعل: ليش اختك ماتستاهل
محمد: الا تستاهل بس هو ممايستااهل بعد
نوره: وبن العروووووسه مبروك مبرووك
مشاعل: بتخلوني استحي الله يبارك فيك
نوره: ايه استحي بس لايكبر راسك تكفيم زي الي وراي
هيفا: خير انشالله تحشون فيني وقدامي استنةا اروح
هيفا: مبرووووووك والله ولحقتيني
مشاعل: الله يبارك فييك ايه وشنسوي لازم
ابومحمد: هلا بخوي كيف الحال
ابو ناصر: هلا صالح وشلونك
ابو محمد: بخير مانسال الا عنكم
ابو ناصر الله يسلمك والعيال شلونهم
ابو محمد: كلهم بخخير
ابو محمد: الله يسلمك ياخوي والله مدري وش اقول ابارك ولا وشو المهم مبرووك علينا وعليكم مشاعل وافقت على ناصر والله يتمم لهم ويسعدهم
ابو ناصر مو مصدق: منجدك
ابومحمد: اجل بكذب عليك افا عليك
اب ناصر: الله يبارك فيك لو بقول لناصر بيطير من الفرحه خلاص انا بقوله واخلي الحريم يتفاهمون على الباقي
ابومحمد: خلاص وهم ادرى بذا السوالف
ابو ناصر: يام ناصر مشاعل وافقت على ناصر
ام ناصر: بالله اخيرا بشوف ولدي معرس اخيرا وافقت مابغت ناصرنااصر نااصر
ناصر: سم يمه وشفيك
ام ناصر: الف الف الف مبروووك
ناصر: الله يبارك فيك بس على وشو
ابو محمد: على عروستك مشااعل
ناصر انصدم : وشتقولون
ابو محمد: مشاعل وافقت وتوه مكلمني عمك عاد باقي الحريم يكملون الباقي
ناصر: يبه من جد
ام ناصر: فيدتك ياوليدي الله لايلومك مو مصدق الي منجد
ناصر : محد غصبها
اب ناصر: لا محد هي من حالها وافقت
ناصر راح لغرفته وسجده سجدة شكرررررررررر لربه مو مصدق اخيرا حبيبته الي طول عمره يحلم فيها وافقت بتكون له وكون لها بتصير بيين يدين بحضني ااااااه يامشاعل اخيرا حن قلبك وافقتي والله لاخليك اسعد انسانه بالكون اشكررك يارب
ام محمد: وشرايك ياصالح نكمل الفرحه بملكت عبد الله كم لنا خاطبين البنت ولاتحركنا ولا شي وعبد الله الحمد الله الحين زين ومافيه شي
ابومحمد: والله رايي من رايك نادي عبد الله وخليني اكلمه
ام محمد : انشالله
ام محمد: هلا بعروستنا
مشاعل: يمه تخلوني استحي عاد
ام محمد: اجل قومي نادي اخوك وخلي الحيا عنك
مشاعل: اي واحد
ام محمد: عبد الله
مشاعل: زيين
مشاعل وهي تدق على باب عبد الله: عيد الله امي وابوي يبووووونك
عبدالله: زين زين
عبد الله : امووله حبيبتي بروح للواد والوالده يبوني وارجع اكلمك
امل: طيب حبيبي لاتطول
عبد الله: وانا اقدر
امل : مستحيه
عبد الله: يلا حبيبتي خليني اروحلهم
امل: باي
ابومحمد: يابوك الحين انت بخيير والحمد الله بصحه متى ناوي تملك على سهى
عبدالله انصدم وماعرف يقول شي
ابو محمد: وشفيييييك لاتقول ماتبيها وحنا معلقين البنت
عبد الله: يبه مدري وشاقول بس عطني وقتي لو سمحت الموضوع فاجاني شوي
ابومحمد: وش اعطيك وقتك ترى سهى بحسبت بنتي ولتقولي هونت
عبد الله : يبه كل الي بيه عطني وقتي
ابو محمد: خذ وقتك بس لاتطول تردلي بكره متى تبي الملكه
عبد الله انصدم نسى سهى تماما وتذكر الرقم الي كان يجيه ولايرد عليه تذكر انه مع المستشفى نسى سهى وجت امل واخذت مكانها ياربي كيف اطلم سهى وكيف اظلم امل ابي اتزوج سهو بس ماقدر اخلي امل

عبد الله قاعد صراااااع مع نفسه ومايعرف مين يختار مين تتوقعون يختار ؟؟
وايش بيصير بين مشاعل وناصر هل بترجع مشاعل بكلمتها ولا بتكون قد كلمتها؟؟