22-09-2005, 04:05 AM
|
#33
|
|
(حلا متميز)
|
مشاركة: ((مشااااااااااااااااااعر لا تنتهي))
محمد: بشر يادكتور
هالدكتور : حنا عملنا اللازم بس محتاجين توقيع ولي امره لان لازم نعمله عمليه لان عند كسر باحدى فقرات الظهر
محمد: كيف كيف مو فاهم شي
الدكتور: الحادث سبب لاخوك كسر باحد فقرات الظهر ومحتاجين نسويله علميه وبعدها نبدى معاه علاج طبيعي
محمد: يعني بيقعد عندك
الدكتور : اكيد اصلا كيف راح يمشي قبل مانعالجه
محمد: دكتور اقدر اشوفه
الدكتور : هو نايم عطيناه مهدء لانه مو قادر يتحمل الالم وارجوك لازم تبلغ الوالد او تفضل وقع اوراقه
محمد : زين زين
مشاعل: يمه قوميني الساعه 3لان عندي اختبار صعب وابي اراجع
نوره: ماتشبعين دراسه
مشاعل: وشعندي غيرها
ام محمد: ياليتكم تسكتون انتم الثنتين رايقات
مشاعل: القمر ليش زعلان
ام محمد: مو رايقه يامشاعل
مشاعل وهي تحب فوق راسها: ليش الحلو مورايق يمه وشفيك
ام محمد: اخوانك مدري وينهم واحد جواله مقفل والثاني مايرد
مشاعل: يمكن طالعين مع اصحابهم ولايبون يردون
ام محمد: لا مهي عوايدهم انا اعرف
مشاعل : طيب يمكن طالعين مع ابوي سالتيه
ام محمد: ابوك طالع مع عمك
مشاعل : يمه لاتقلقين انشالله خير
ابومحمد: السلام عليكم
ام محمد: ربي جابك
ابو محمد: خير انشالله وشفيه
ام محمد: عيالك مدري وينهم واحد مقفل جواله والثاني مايرد
ابو محمد: وشتقولين
ام محمد: اقولك مدري وينهم
ابومحمد: مين الي جوالي مفتووح
نوره: محمد ياعمي
ابو محمد:خليني ادق عليه واشوف
ابومحمد: هلا محمد وينك انت واخوك
محمد: توني بدق عليك
ابو محمد: ليش في شي
محمد: الوالده جنبك
ابومحمد: ايه
محمد: من بعد ا\نك قوم من عندها وانا افهمك السالفه
ابومحمد : زين اي ورق الي تبيه
ابو محمد: ها انا بعيد عنهم وش السالفه فيكم شي
محمد: يبه عبد الله
ابومحمد يقاطعه: وش سوى هالمره
محمد: ماسوى شي بس صاله حادث
ابو محمد: اييش وينه بخير ولالا وشصار عليه
محمد: يبه قصر صوتك بتسمعك الوالده انا قريب من البيت بمرك ونروحله ولاتخاف هو بخيير
ابو محمد: قول الصدق
محمد: قلتلك الصدق هو بخيير الحين انا عند لفة البيت يبه يلا دقيقتين واطلع
ابومحمد: زين زين
ام محمد: وين رايح وشقالك محمد
ابومحمد بدون مايلتفت عليها عشان لاتقرى تعابير وجهه: عندي شغله وترا العيال بخيير وهم باستراحه مع اصدقاءهم
محمد: هلا يبه
ابومحمد: قولي الحيين وشفيه اخوك
محمد: طيب اهدى يبه الي فيه كسر بوحده من فقرات الظهر والدكتور قال لازمه عمليه وبعد العمليه علاج طبيعي ويرجع زي اول واحسن
ابومحمد مصدوم: ايش تقول ولدي وشفيه
محمد: يبه لانخاف عارف وشتفكر بيرجع طبيعي ويتحرك ويمشي يبه مو العمود الفقؤ انا اقول فقر فقره وحده يعني مو كله
ابومحمد: لاحول ولاقوة الا باالله من وين تجينا هالمصايب
محمد: يبه هدي نفسك وانشالله خير وخل املك بالله كبير بس لازم الحين اول مانوصل توقع على اوراقه عشان يسونله العمليه
ابومحمد دمعة عينه : زين ياولدي ارفق لايجينا شي بعد
مشاعل : نوره ابوي وين راح
نوره : مدري بس بديت اقلق
مشاعل: جتنا امي الثانيه
نوره: وش امك بعد رجلي راس مالي نشوفك بكره ا\اتزوجتي
مشاعل: ليش شايفتني منهبله اتزوج لاماراح اتزوج
نوره : ايه نشوف
شاعل: بس خلني اشيك ايميلي منزمان ماشفته وانام
نوره: وانا اقبل ولدي ابركلي منك
مشاعل: ياهالولد الي كن محد جاه ولد غيرك
نوره: اقول انثبري وشوفي ايملك
مشاعل: زين طال عمرك
تفتح مشاعل ايميلها تلقى فيه 33 ايميل وكلها طبعا من بدر
الاول بطاقه اغنية احلام والله احتاجك انا + مشاعل انا غلطت ادري بس عطيني فرصه ارجوك عشان خاطر الايام الحلوه الي بينا
الثاني عبد المجيد حبايبنا وش الدنيا بلاكم
الثالث: عبد الكريم عبد القادر: مكانه الخالي + مشاعل حني علي ارجووووووك ماخبرتك قاسيه ك\ا
الراابع:عبد الله الرويشد وطن عمري
الخامس:عبد الكريم عبد القادر روحي تبيك
السادس والسابع والثااااااااامن......................... الثلاثين
نزلت دموع مشاعل قلبها حم ودها ترجع لحبها الي مامات لكن الجرح اكبر لوسمحته مره ممكن يرجع ثاني لنفس الغلط وليته مع اي وحده ماهمني مع حبيبته القديييييمه مستحيل اقدر ارجع او احس بالامان معه اااه ياقلبي
دخل عبد الله غرفة العمليات ورجع ابو محمد يقول لام محمد على عبد الله وانهارت مسكينه لما سمعت على ولدها ومرة اسبوووعين وبدى عبد الله العلاج الطبيعي وكانت امل طبيبه متدبره وهي الي متابعه عبد الله كانت امل بنت صغيره خفيفة دم ومملوحه
د. امل: السلام عليكم
عبد الله: وعليكم السلام
د. امل: مستعد انشالله عبد الله عشان العلاج
عبد الله والي كل يوم يزيد اعجابه بالدكتوره امل: اكييد
د. ام وهي تباددل عبد الله نفس المشااعر: يلا بس حاسب على نافسك عشان لاتتالم
كانت هالكلمه لها اثر على عبد الله كبييير وحس ان امل تبادله نفس الاعجاب
مشاعل : منال عطيني المويه تراني عطشانه
منال : مدي يديك
سفانه : منال عطيها قالت عطشانه
منال: من قدك يا مشاعل صارلك محامين
مشاعل: على الاقل احسن منك صديقه على الفاضي
سفانه : تفضلي مشاعل
مشاعل: تسلمين عيوني
يدق تلفون سفاانه وترد بارتباك بعد ماكنت المتصله ريما: الو هلا
سفانه : هلا
ريما : وينك لك فتره غاطسه ولا خلاص ماعاد نملي عنك
سفانه: وشدعوه حبيبتي انتي وين
ريما : بالجامعه وينك انا بجيك
سفانه : لالا انا بجيييك
ريما: ليش وشسالفتك ماتبيني اتعرف على صديقاتك الي خ\وك مني
سفانه : مو القصد خلاص عاد وينك
ريما: اها اكيد بثرات وتبين الفكه
سفانه وتحمد ربها على الحل الي طلع عشان متتصادم ريماا ومشاعل بسببها: ايه صح اخيرا عرفتي يلا وينك
ريما: انا بمبنى الادارة
سفانه : خلص جايتك هناك
ريما: اوكي انتظرك
سفانه: معليش بنات بس قريبتني تبيني بشي ضروري لازم اروحله
مشاعل: كان خليتها تجي ونتعرف عليها ا\ا هي حبوبه مثلك
سفانه: تسلمن المره الجايه انشالله
منال: اوكي المره الجايه نشوفها
سفانه : اوكي باي
منال+ مشاعل: باي
سفانه وهي تكلم نفسها يالله قدييش هالبنت طيبه وحبوبه ولايجي منها الا كل خير ووشسوت فيها ريما غير انها جرحتها وخلت نظرة الحزن ااسيرة عيونهاانا لازم اكل ريما بس الحين مستحيل الحين هي شابه نار من كره بدر لها واخاف تسوي بالبنت شي اكثر من الي سوته
ريما: وينك يالقاطعه محد يشوفك
سفانه: هلا معليش الدراسه وكذا
ريما: المهم ماعلينا انا اليوم بشوف راكان طفشني الا بيشوفني وانا وافقت لاني صراحه هاليومن طفشانه من بدر السخييف الي متعلق بحبيبته نفسي اذبحها وافتك منها
سفانه: ريما يكفي حرام عليك بدر كان يحبك وتركتيه وحب هو غيرك خلاص وغيرك حبك لاتخربين حياته اكثر حرام هو وش سوالك عشان تخربين حياته والبنت المسكينه وش سوتلك عشان تجرحينها
ريما: اشوفك تدافعين ليكون حاطه عينك
سفانه: عيب عليك تعرفريني مو راعية هالسوالف وبعدين راكان المسكين الي قاعده تتلاعبين فيه هو بعد وشذنبه تجرحينه خافي ربك لايبتلييك
ريما: اووه انا االغبيه ال يحكيت معك اصلا انتي اطلعي منها ولا يهمك الا ارسل راركان لمشاعل واخليهم لبعض وانا اخذ بدر
سفانه: واذا مليتي من بدر تروحين ترجعين راركان
ريما: سفانه وشفيك انتي
سفانه : بالعربي انا لاتدخليني بهالسوالف لاني ماراح اشوف الغلط واسكت ولاتتعللين لاهلك انك عندي انا ماعاد ليش شغل لا بسالفتك انتي وبدر ولا راكان
ريما : يكون افضل
وقت الغدا
محمد: يبه وش صار على الشغل لهينا بعبد الله ونسينا الشغل
ابو محمد: لا تخاف دام ناصر موجود فالشغل زين الله يوفقه صار يداوم بالشركه ويديرها واذا خلص فضى لشغله يعني ترك جلاله وقابل حلالنا
محمد: منجدك يبه يترك شغله الي كان لايمكن يبدي شي عليه
ابومحمد: انت ماتعرف ناصر ماشالله عليك لابغيت منه شي لبى حاجتك لو على رقبته
ام محمد: ماشالله عليه الله يوفقه وويرزقه بنت الحلال
نوره: اي والله ياعمتي الله يوفقه بلي تسعده
مشاعل طبعا ساكته وتفكر بهالانسان الي قعد يخدم ابوها وكيف محترم اهلها وكيف كرمه واخلاقه حتى لما انكون مجتمعين مايرفع عينه من ادبه اااااااه ليت قلبي بيدي لكن الحب مو باليد
مرررررره شههر بالضبط والاعجاب الي بين عبد الله وامل كان يزيد يوم عن يوم لين ماتحول لحب وصرح عبد الله لامل عن مشاعره وهي بادلته هذي المشااعر
ومشااااعل مشتاااااااااااقه لبدر وايامها معه لكن ماتقدر تسامحه على الي سواه
وريما زاد طغيانها اكثر واكثر وسفانه بدى ض ضميرها يصحى وفكرت تقول لمشاعل وبدر على الاعيب ريما ووان هي سبب تفرقتهم
ويمر الشهر الثاني عبد الله قام بالسلامه وطلع من المستشفى وبقى بعلاقته مع امل
ابو محمد: مشاااااعل تعالي ابيك
مشاعل: سم يبه
ابومحمد: شوفوا انا ماراح اقول مقدمات بس انا قد فتخت الموضوع معك وبفتحه ثاني
مشاعل: اي موضوع يبه
ابومحمد: ناصر ولد عمك رجع خطبك انا مابي رد فكري وانتي حرررره
مشاغل: اوكي يبه انا بفكر
ابومحمد باستغراب من الجواب الغير متوقع: خذي راحتك
حبت فوق راس ابوها وراحت طيرااان على التلفون تكلم هيفا
هيفا: هلا بالقاطعه
مشاعل: وشعندك اليوم
هيفا: لاحوووول سلمي قولي وشلونك وحشتيني
مشاعل: ما احب اجامل
هيفا: اقول انثبري يلا مع السلامه
مشاعل: هيوف تعالي تعالي امزح امزح انتي الخير والبركه
هيفا/ ايه بنات اخر زمن مايجون الا بالعين الحمرا
مشاعل: مو مشكهل مقبوله
هيفا: ها وشتبين
مشاعل: زين لاتنافخيين وشعندك اليوم
هيفا : كل هالرحه عشان وش عندك
|
|
|
|
|
|