الله يسعد ايامكم
انا عيوني تناعس من عمس راسـي
والآ انت مدري عيونك وش تناعسله
عليك لده وسـاع ٍ تقطـع انفاسـي
برموشها اللي تجي بالهـون منسلـه
ومدري متى الله يلين قلبك القاسـي
و اللي يجيك بتواضع مـا تغطرسلـه
يجذبني الشوق يمك جذبـة الماسـي
وخفي صوابي عن عيونك واناونسله
وان راودتني تباشيرك وانا ناسـي
دقيت عود الغرام وقمت أروسله
واليا سرابي على طاريك هوجاسـي
اعطيـه كـل اهتمامـي و اتحمسلـه
ماكن غيرك على وجه الثرى داسي
في فكري اللـي شياطينـه توسوسلـه
لك فيه برج ٍ عتيق ومجلس رياسي
واليـا انعقـد فجتماعاتـه تروسلـه
متربع ٍ فيـه سلطانـك و متواسـي
ويجلي اصدى والتراكم عنه ويغسلـه
والله ما يطفي ظماي وثورة احساسي
ا لآ دمـاث النحـر يـوم اتلمسـلـه
الشاعر عبد العزيز بن سلمان السبيعي