[كاتم الجرح]

قـولـي العنـــــا مـالـه ومـالـك
أشوفك صـرت بغيابـي حزينـي
جوابي يـا بعـد عمـري بسؤالـك
عرفتـه وأنـت سيـد العارفينـي
غيابـك عـن عيونـي وانشغالـك
وبعدك هو سبـب حزنـي وأنينـي
ولو حاولت تخفي اللي فـي بالـك
ترا الخافي علـى وجهـك يبينـي
تـرا يمنـاك ماهـيـب بشمـالـك
ولا اهـل الشـوق مثـل الدالهيـن
الا يانور عينـي وش جـرى لـك
وش اللـي غيـرك يانـور عينـي
وش اللـي أبعـدك عنـي وشالـك
وش اللي صار قولي صارحيني
إذا كـان السبـب باهـي جمالـك
فلـك عـذرك ياسيـد كـل زينـي
أو أنـك تظهـر عذوبـة دلالــك
تدلـل بـس خلـك بيـن ايديـنـي
تـدلـل مــــا لـدي الا حـلالــك
أنـا كلـي فــدا ذاك الجبيـنـي
ألا يازيـن لا تقـطـع وصـالـك
علـيـك الله لا تقـتـل حنيـنـي
تراني مااكتفـي بكيـف حالـك
ولا قولـة عسـاكـم طيبيـنـي
ولا حكـيٍ مصفـف ومتهالـك
مجمع مـن شمـال ومـن يمينـي
أنـا أبـغـاك كـلـك لا أبـالـك
أبـي يحويـك قلبـي وتحتويـنـي
أبيـك بواقعـك عنـدي وخيـالـك
أبيـك تكـون تاريخـي وسنيـنـي
أبي هذا وابــي مـن فـوق ذلـك
تعاهـدنـي عـهـود المومنيـنـي
على انـا دايــــم نبقـــــى كــذلـك
طــوال العمـــر في عسرٍ ولينـي
واذا خنت الرفيق اللي صفـا لـك
فبئـسى ـدرب كــل الخــاينيـنـي
كاتم الجـرح