منتديات حــلا - *^*قرب العيد تعالوا شوفوا التخرفن على أصول مع مناحي الجزا الاول

قصـه مناحي&ليان

المكان الدايري الشرقي

الزمان الساعه ثنتين ونص بالليل

السياره ددسن موديل 86

مابه لامسجل ولااستبنه(سبير) ولا رادو ولامكيف

الاسم مناحي

العمر 24سنه

الجوال البصمه

الشريحه سوا

وبينما اخونا مشقاص لاهي بسواقته وداقن اللطمه وجادعن الجوال بالمرتبة اللي جنبه

ويدندن ياليل خبرني عن أمر المعاناه هي من صميم الذات ولااجنبيه

ومير يدق الجوال حاطن دقة البرتقانه===>طبعا جايته من ببسي هديه ارسل لهم رساله وارسلوا له النغمه

فك اللطمه مشقاص وسكر الدريشه ورد

مناحي: الوووووو

المتصله: بصوت كله نعومه ورقه الو

مناحي: هلالالالا مين

المتصله: السلام عليكم

مناحي: هلالالالا والله وعليكم السلام هلابتس ياخويتي

المتصله: مساء الخير اخوي

مناحي: مساء الخيرات والاحساس والطيبه===>سامعها بس ماعرف يضبطها

المتصله: كيفك؟

مناحي: بخير ياعلتس بخير وعافيه

المتصله: معليش مو هذا جوال سلمى

مناحي: لااختي هذا موبايلي===>مسوي متمدن

وانا اسمي سليمان==>على باله اخو سلمى

اذا تامرين شي تراني بالخدمه وحاضر باللي تبينه

المتصله: لااخوي مشكور لاخلا ولاعدم ان شالله وآسفه على الازعاج

مناحي: وش دعوى اختي انتي تمونين===>من مكالمه صارت تمون

وعادي لو تبين تتصلين باي وقت الله يحييتس

المتصله: اوكي اخوي مشكور bay

مناحي: زين اختي بباي==>لابلوتو

سكرت الاخت السماعه ودخل اخونا مناحي بدوامة تفكيرات وقعد يلعب بشعر راسه وهو يفكر ويتأمل بهالصوت الناعم اللي اسمعه قبل شوي وقعد يلوم نفسه ويندب حظه مع البنات

انا غبي ليش ماقعدت اسولف معه؟

ليش ماطولت معه؟

ليش ماتعرفت عليه اكثر واكثر؟

ليش ماعرفته بنفسي؟

والحبيب من كثر الهواجيس نسى مخرج الروضه وتعداه وطول للثمامه من التفكير والهواجيس

ورقى له على احد هالضلوع وشب الضويه وضبط القهوه وقعد يهيجن

يامحلا الفنجال مع سيحة البال في مجلس مافيه نفس ثقيله

هذا ولد عم وهذا ولد خال وهذا رفيق مالقينا مثيله

وقعد يدردب مناحي من هالقهوه المحموسه عدل

وبينما هو يتقهوى حس باحساس غريب اول مره يحس به

ياولد حبيته والله حبيته===>هذا مناحي يحاتسي روحه

ياويليه يامناحي اثرك تعرف الحب وانا مدري===>لازال مناحي يحاتسي روحه

الله يازين الحب زيناه ويازين الواحد لاحس انه يحب وينحب==>يسلي روحه الاخ مناحي

يحس بقيمته ووجوده ويحس ان له قيمه بهالدنيا وانه له هدف وانه مهم

وينسدح مناحي على النفووود ويتامل بالسما وبالنجوم وهو يتأوه آآآآآآآآآآآآآآآآآه يازين الحب زيناه

والله انك ماتنلام ياقيس بن الملوح==>مثقف مناحي

وبينما مناحي غارق بتفكيره ساجن بعيد الاجواله يدق نغمة البردقانه

هنا فزّ مناحي اكيد هي

طبعا هي من غيره

حبيبتي هي

ويقوم ويشوف الرقم والله واثره رقم حبيبته

الله حبتني حبتني

يابختك يامناحي قام حظك===>مناحي يحاتسي روحه

ويرد بلهفه وهو ماسك جواله بيدينه الثنيتن هلا هلا هلا والله هلابتس

اهلين اخوي سليمان==>ماتدري انه مناحي

هلا والله وغلا اختي

مناحي: على فكره ماعرفتين باسمتس؟

المتصله: ايه انا اسمي امممممم ==>تفكر

تدور اسم تعطيه مناحي تلعب به عليه

ايه انا اسمي ليان

مناحي:الله يازين اسمتس زيناه ياليان

ليان: مشكور اخوي سليمان هذا من ذوقك بس

ليان: معليش اخوي سليمان ممكن تدق علي لانه رصيدي بيخلص ==>بدينا الشحاذه

مناحي: طبعا طبعا ادق عليتس وادق على اهلتس لوتبين

يسكر مناحي ويدق عليه

ليان: هلا سليمان

مناحي: هلا والله وغلا

ليان: وينك الحين؟

مناحي: انا الحين على كورنيش الخبر جالس اتامل بالبحر==>بدينا النصب

ليان: يعني انت من الشرقيه؟

مناحي: لاوالله بس حسيت اني ضايق صدري هاليومين وقلت للسواق اطلع بي بالـ بي ام للشرقيه انفس عن نفسي واغير جو===>مسوي ولد نعمه

ليان : شلون جو الشرقيه؟

مناحي: مانقصه الا انتي

ليان: تضحك وتقول ان شالله السفره الجايه نسافر انا واياك سوا على الـ بي ام بدون السواق==>بدينا المصلحه

مناحي: ابشري ولايهمتس تبين نروح بالـ بي ام ولا الفياقرا عادي بس انا اقول الاودي احسن==>بدى يفقش الحبيب

ليان: ماشاالله كل ذولي لك؟

مناحي: ايه وانا بعد حلو وجوالي الدمعه ورقمي الثاني مميز بس هذا مطلعه كذا عشان سفرة الشرقيه عشان افتك من العيال وغثاهم

ليان: طيب انت تشبه مين؟

مناحي: بصراحه يشبهوني بتوم كروز بس انا زعلان

ليان: ليش حبيبي

مناحي: لاني احلى منه

===

فاصل نعطيكم مواصفات مناحي على حقيقته ونكمل

يتبع في الجزاء الثــــأنــي

هههههههههههههههههههههههههههههههههههههااااااااااااا اي

تحياتي لكم