منتديات حــلا - بدون عنــــــــــــــــــوااان ؟؟؟

لاتنشغل فيني انا بحالي ادرى ***** قلبٍ تعلق فيك ينسى مع الوقت

اكثر من الي صارلي ويش يجرى ***** بين الرجاء والياس شفني تعلقت

مثلي ولو شفته عن همومه ازرى ***** ماقال ليتك في جروحي ترفقت

هاك القصايد لاتضايقت واقرى ***** شف وشكثر فيها لضحكاتك اشتقت

يامشتهى فرقا الموليف حذرى ***** تبعد وانا من سكرة الحب مافقت

لا ضاعت الفرصه تحريت الاخـــرى **** وتروح ماكني عليها تشــــوقت

اثر الوفا ينباع عندك ويشـــــــرى***** مكنت اصدق فيك واليوم صدقت

ساري لو ان الليل مافيه قمـــــرى ***** اشيل من حمل الهوى فوق مطقت

الياصار حظي اقشر والا يام قشرى ***** مافي احد عاقل يلومك الياصحت

صحيح بعض الناس فرقاه بشـــــرى **** وبعض البشر لاغاب ساعه تضايقت

ليتك خذيت بليل الافكار مـــــسرى *****غربت من كثر الطواري وشـــــــرقت

السيل يبقى له مع القاع مــــــــجرى **** وتبقى لك الذكرى ولو كنت فارقت

اشوف لك من وين مرحت ذكــــــــرى ***** لشفتها صديت عنهـــــــــا ودنقت

ماكل جرح لاخذى ايام يبـــــــرى ***** بعض الجروح يزود شره مـــــع الوقت

تحـــــــــــــياتي

عــــــــــاافــــك الخــــــــااطــــــر