|
عريس من النت ههههههههههههههههه
السلام عليكم ورحمة الله وبركاته .,.
الحكايه وما فيها ان : بنت جاية لأمها تقولها ان فى واحد متقدملى أكيد ان امها بتفرح بس المشكلة بقى بعد ما تسأل الأم بنتها : عرفتيه من فين يا بنت ؟ ترد وتقول : من النت يا أمـي طبعــا الأم ... وخصوصا انها لا تفقه أى شىء فى الكمبيوتر سوى أنه جهاز يلعب عليه الأولاد ...!!!! تعالــوا نشوف عفـاف وهيا بتقول لأمها ان فى عريس تركت عفاف الكمبيوتر التي تقضى عليه معظم وقتها فجأة وصرخت بصوت عالى مااااما ..... يا ماماااااااااااااااا .....يا ماماااااااااااااااا الأم : فيه إيه يابت بالراحة إخواتك نايمين عفاف: معلش يا ماما أصلى فرحانة .... فرحانة اوي اوي الأم: خير يا بنتى فرحينى معكاي كدا ربنا يفرح قلبك عفاف: عريس يا ماما عريس الأم فرحة : يا ألف نهار أبيض يا ألف نهار مبروك لولولولولولولولولولولولولولوى وبعد دقيقتين أحضان وقبلات تذكرت الأم الأم: ألا قوليلى يابت عريس مين دة اللي هيتقدملك وماقلتليش من ساعة ما جيتى من الجامعة ليه ؟ عفاف: لأنى لسة عارفة دلوقتى حالا يا ماما الأم بإستغراب: عارفة دلوقتى حالا؟؟؟؟؟؟ عارفة منين يابت دة انتى لسة قايمة دلوقتي من قدام الكبورر.... عفاف ضاحكة : كبورر ايه بس يا ست الكل ...اسمه كمبيوتر الأم:مش مهم المهم عرفتيه ازاى ؟ ومين أصلا العريس دةيعنى جاى منين؟ عفاف:من النت يا ماما ظلت الأم المسكينة تنظر لابنتها باستغراب وهى تراجع كل ما تعرفه من كلمات ولم تجد لكلمة النت أثر بينها فسألت عفاف.......... الأم: النت ؟ ودى تبقى فين دى يا بت؟ عفاف: فين ازاى يا ماما؟ الأم: يعنى فينها من الوايلى الى احنا فيها؟ تركبيلها مترو ولا اتوبيس ولا تأخديها تاكسى اوعى يابت يكونوا بيروحولها بالقطر؟ عفاف ضاحكة : ايه يا ماما الى انت بتقوليه دة؟ مترو إيه وقطر إيه؟! دة النت الأم: أيوة يا بنتى عرفنا انه الزفت بس دة موقعه فى انه بلد بالظبط ؟ عفاف:فى كل البلاد يا ماما الأم باستغراب : انتى اتهبلتى يا بت؟ يعنى إيه فى كل البلاد؟ عفاف: يا ماما النت دة عبارة عن كمبيوترات كتير في العالم وفيه معلومات كتير اوى الأم:معلومات ايه يابت انتى هو انتى هتتجوزى دايرة المعارف؟؟؟؟؟؟ عفاف:المهم يا ماما ان فى واحد متقدملى عن طريق النت الأم: ودة اتقدم ازاى يعنى؟؟؟؟؟ عفاف: بعتلى إيميل الأم فى ذهول: ايميل؟ بعتلك إيميل جارنا؟ وإزاى يا بت تقبلى تتكلمى مع الى اسمه إيميل ده وهو مين عشان الزفت بتاعك ده يبعته لينا!!!!! عفاف فى سرها طب افهمها ازاى دى بقىىىى ؟؟؟ عفاف:يا ماما اهدى إيميل جارنا مين بس ...! الأم: مش انتى الى بتقولى يابت عفاف:إيميل يعنى جواب بس على النت الأم: برضه هتقوليلي عالزفت يابنتى أنا مش فاهمة البتاع الى بتتكلمي عليه دة عفاف:النت دة ياماما حاجة فى الكمبيوتر ممكن نبعت فيها رسائل لناس برة ونستقبل منهم رسائل برضه دة غير حاجات كتير الأم:أنا ماليش فى الكلام دة اللي انا عايزة أعرفه هو مين ومعاه شهادة ولا لأ ؟ واصله ايه وفصله ايه ؟؟ عفاف:هو اسمه حاتم وطالب فى هندسة حاسبات و قاطعتها الأم طالب؟؟؟؟؟؟؟؟؟؟ عفاف: أيوة ياماما بس فى آخر سنة الأم : بصى أنا ماليش دعوة بالموضوع دا أنا هتصل بأبوكي وهو يتصرف اتصلى بيه انتى عالموبايل وأنا أكلمه زمانه عالقهوة وفى قهوة المعلم حسنين رن الموبايل بتاع عم حلاوة العنتبلى الجزار .. **** **** **** **** يتبـــــــــــــع |
رد: عريس في النت ههههههههههههههههه
حلاوة العنتبلى وبصوت خشن: أيوة مين ؟
الأم : أنا يا معلم العنتبلى: عاوزة إيه يا ولية ؟؟؟؟؟ الأم: تعالى يا خويا شوف بنتك جايلها عريس من النت العنتبلى: بتقولى منين ؟؟؟؟؟؟ الأم: من النت يا حاج العنتبلى: يعنى إيه ؟ فهمينى الأم: ياخويا لما أفهم أنا ابقى أفهمك تعالى انت واسألها بنفسك العنتبلى: ماشى ... هخلص دور الطاولة دة وهاجى على طول ثم أغلق الموبايل وأخذ يكلم نفسه نت....!!!! دة يطلع ايه دة كمان؟؟؟؟ تكونشى الولية مراتى اتهبلت ؟؟؟؟؟ بس هى ناقصة هبل ؟ ماهيا كدا كدا مهبولة من يومها سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟ فانتبه المعلم حلاوة وقال لعنتبلى: قولى يا زينهم بما إنك كدا متعلم ومتنور ومعاك تالتة ابتدائى يطلع إيه النت دة؟؟؟؟؟ طبعا المعلم زينهم اترسم بقى وأخذ وضع فخر وعزة وهو يجيب وإنت ايه اللي عرفك بالأشكال دى يا معلم ؟؟؟؟ العنتبلى: اهو عرفت وخلاص بقى زينهم: والله يا معلم حلاوة أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق العنتبلى: ااااااااااااه يعنى زى تليفزيون كدة يعنى زينهم: لا يا معلم مش زى التليفزيون وإنما تقدر تقول عليه جرايد بس بتتشاف على الكمبيوتر العنتبلى: يا دين النبى معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟ زينهم وقال عامل فيها فكيك بقى : مش فى فتحات ورا فى الشاشة يا معلم أكيد بيدخلوا الجرنال منها العنتبلى:أكيد الناس دى فاضية وموراهاش أى حاجة تعملها زينهم: هو كدة بالضبط يا معلم بس ليه دة كله؟ العنتبلى: أصل الولية مراتى بتقولى بنتك جايلها عريس من النت زينهم: ألف مبروك يا معلم أكيد تقصد ان متقدملها صحفى!!!!!!!!! العنتبلى وهو مبسوط: بجد ياد يا زينهم؟ زينهم: طبعا يا معلم ماهو زى ما قلتلك النت عبارة عن جرايد عالكمبيوتر يبقى قصدها ان واحد جرنالجى اتقدملها مبروووك يا معلم كدة ممكن تعمل دعاية للمحل بتاعك فى الجرنال وتطلع صورك انت والعجل فى صفحة الحوادث العنتبلى: طب العب يا وش السعد العب.. |
رد: عريس من النت ههههههههههههههههه
ههههههههههههههههههههههه
طيب الف مبروك نبقا نعملهم الفرح فى المنتدى هنا حلوة اوى اوى القصة القصيرة دى |
رد: عريس من النت ههههههههههههههههه
ههههههههههههههههههههههههههههههه
ساندرا مشكورة على المرور اللذيذ.. دمتي في حفظ الله |
رد: عريس من النت ههههههههههههههههه
ههههههههههههههههههههههههههه
شكرا الشاطر حسن على الطرح الرائع مجهود مميز يعطيك العافيه ننتظر جديدك دائما دمت بخير |
رد: عريس من النت ههههههههههههههههه
شموس
الف شكر لمرورك الدائم المميز والرائع الله لايحرمنا منك . دمتي في حفظ الله |
رد: عريس من النت ههههههههههههههههه
ابو على
==== ههههههههههههههههههههههههههههههههههhttp://majdah.maktoob.com/vb/images/smilies/ma.gif جااااااااااااااااااااااااااامد يا بطل تسلم ايدك على الطرح المضحك واضافة البسمة بانتظار القادم فلا تطيل علينا تقبل مرورى المتواضع اخوك احمد |
رد: عريس من النت ههههههههههههههههه
|
رد: عريس من النت ههههههههههههههههه
هههههههههههههههههههههههههههه
بجد حلوه اوي شكرا شطور على مجهودك الرائع مستنيه اكتر اختك قمر مصر |
مشاركة: عريس من النت ههههههههههههههههه
هههههههههههههههههههههههههههههههههههههههههه
جامده مووووت ده صاحب العنتبلي الي اسمو زينهم واخد 3 ابتدائي لازم بترسم هههههههههههههههههههههه بجد مجهود رائع الف شكر على الطرح |
| الساعة الآن 07:06 PM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd
