يا حبيبى يا بابا
 

يا حبيبى يا بابا

--------------------------------------------------------------------------------

* مع ابوكى .. دخلتى المطبخ ما دخلتيش .. كله واحد وممكن باباكى يساعدك .. انما مع جوزك .. مش بمزاجك .. ها تدخلى .. هاتدخلى .. وان كان عاجبك

* مع ابوكى .. فى العيد بيديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى

* مع ابوكى .. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله.

* مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى .. مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

* مع ابوكى لو حصل وكنتى زعلانه .. بيزعل عشانك .. لكن مع جوزك .. بيزعل منك .. ويلومك ازاى تزعلى اصلا

* ابوكى .. كلمه حلوه ترضيه .. وجوزك .. طول الليل تحايلى فيه.

* ابوكى.. وانتى عيانه .. سهران جنبك طول اليوم .. انما جوزك بيروح ينام فى الاوضه التانيه.



* أبوكى .. لما تدلعى عليه .. بيفرح بيكى .. انما جوزك .. بيقولك ..اكيد عايزه حاجه .



* ابوكى .. لو شافك بتعيطى ها يمسح دمعتك .. انما جوزك .. ها يقولك يادى النكد .

* مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) .. لكن جوزك .. ها يقولك شكلك زى عروسة المولد .

* مع ابوكى .. لو طلبتى دوا من الصيدليه . جرى ها ينزل يجيبه .. لكن جوزك ها يسالك بكام.



* ابوكى .. لو طلب منك كوباية ميه .. بيقولك لو سمحتى عايز ميه .. انما الرخم .. بيقولك قومى هاتى ميه.



* ابوكى.. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.

* لو بتتفرجى مع ابوكى على التليفزيون .. ها يسيب لك الحريه تتفرجى على اللى انتى عايزاه .. لكن المحروس .. مافيش قدامك غير يا الاخبار يا الكوره .. يا ميلودى

* ابوكى لو نازل مشوار .. بيعمل ليكى اعتبار ويديكى خبر .. لكن جوزك .. بيختلس عدم وجودك قدامه عشان ينزل من وراكى.

* ابوكى دايما شايفك حلوه .. جوزك مش بيشوفك حلوه الا فى الحالات النادره .. او اذا كنتى جميلة وهو مضطر يعترف وفى الاغلب مش ها يعترف

* لو محتاجه فلوس فى حاله طارئه .. ابوكى ها يديكى من عينيه .. لكن جوزك .. ها يقولك خدى من ابوكى

* لو جالك مكالمه غلط على موبايلك.. ابوكى ها يقولك حصل خير .. لكن جوزك .. ها يتهمك بالخيانه ..



* لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه .. لكن جوزك ها يقول معلش انا لازم ابلع او ها يقسمها معاكى

* لو غصب عنك صوتك على على ابوكى .. هايلومك بذوق .. لكن جوزك ها يسمعك قاموس شتايم

* لو اتزحلقتى على الارض .. ابوكى ها يجرى يشيلك .. جوزك ها يقعد يضحك ويقولك ما انتى اللى مش منشفه الارض كويس منك لله يا اخى

* لو نفسك تغيرى مكان السجاده .. ابوكى ها يقوللك عنك دى تقيله عليكى.. لكن جوزك ها يقولك مش ضرورى وجع القلب دا



* ابوكى.. ممكن يكتبلك حاجه باسمك.. او يحطلك مبلغ فى البنك .. جوزك .. لا لا لا يمكن نفسه تطاوعه على الفعله الشنعاء دى



* لو ابوكى شافك بتتخانقى فى الشارع مع واحد .. ها ينزل يقطعه .. لكن جوزك .. ها يقولك انتى قليلة الادب

* لو حكيتى لابوكى على واحد عاكسك .. ها يقولك معلش .. وبعدين عنده حق .. انتى جميله انما جوزك .. ها يقولك انتى اللى ماشيه مش محترمه

* لو مقدمه على شغل .. ابوكى.. ها يوصى عليكى طوب الارض .... لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

* ابوكى لو لاحظ انك متخانقه مع اختك .. ها يصالحكوا على بعض .. لكن جوز .. ها يقول خليهم يولعوا دول عيله عجب



مش الاقعدة فى بيت بابا احسن برده:msn-wink: :msn-wink: :msn-wink:

رد: يا حبيبى يا بابا
 

رد: يا حبيبى يا بابا
 

* ابوكى.. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.
--------------------
* لو حكيتى لابوكى على واحد عاكسك .. ها يقولك معلش .. وبعدين عنده حق .. انتى جميله انما جوزك .. ها يقولك انتى اللى ماشيه مش محترمه
---------------
ههههههههههههه
هههههههه
ههههه

اسماء

تحفه تحفه تحفه

الموضوع تحفه بجد والله

اهنيكى على الموضوع اللذيذ .. مع انى مش عارف انتى جبتى التفاسير دى كلها منين

اتمنى لكى دوام التالق فى نور المنتدى كما نرى فى موضوعاتك ..

تقبلى مرورى
اخوكى




يوسف برق

رد: يا حبيبى يا بابا
 

رد: يا حبيبى يا بابا
 

هههههههههههههههههههههههههه
حلوة منك يا اسماء فعلا يا حبيبي يا بابا
موضوع يجنن عجبني كثير
ننتظر المزيد منك مع تحياتي

http://falntyna.com/img/data/media/11/na2B1.gif

رد: يا حبيبى يا بابا
 

انت شايف كده يا تروى
اوعدك انى اوريهولوا يمكن فعلا يزود العدية
هههههههههههه
شكرا لمرورك يا جميل

رد: يا حبيبى يا بابا
 

يوسف
موضوع التفاسير ده مش هقولك عليه
ده سر المهنة هههههههههههههه
اهم حاجة ان الموضوع عجبك لان بيهمنى رايك جدا
نورتنى بمرورك

رد: يا حبيبى يا بابا
 

احمد
بجد شرفنى مرورك ع صفحتى المتواضعة
وانا فرحانة اوى انى رسمت الضحكة ع وشك
اما بقى بالنسبة لظلماكم دى
فده راى الستات بالاجماااااااع وكلهم بيقولوا يا حبيبى يا بابا
ههههههههههههههه

رد: يا حبيبى يا بابا
 

ضحى
نورتينى بمرورك
وقوليلهم والنبى احسن بيقولوا انى ظلماهم

رد: يا حبيبى يا بابا