منتديات حــلا - قصيدة خالق الكون

يالله يـاعــالــم بــمــاكــان ويـــكـــون

يـاخـالـق الـكــون الكـبـيـر ونـظـامــه

مافيه شيئ يكـون فـي عالـم الكـون

إلا سـبــق عـلـمـك عـلـيـه بتـمـامـه

أمـنـت بــك يــارب واسـالــك الـعــون

فـــي كـــل دنـيـانـا ويـــوم القـيـامـه

صار المقدر يوم جتنـي علـى الهـون

اخـتــي ولاحـظـنـا علـيـهـا غـمـامـه

خطفت انا الهاتف كما خطف مجنون

أسـأل عـن اوقــات الطبـيـب ودوامــه

وقام البناخـي ينشـد العم وشلـون

وضح لـيّ اللـي صـار عطنـي علامـه

والطفل في عيونه علامات وشجـون

لا اضـلـم علـيـه اللـيـل عـيّــا يـنـامـه

وبنت اختي تقول أسأل اللي يعرفون

إلــســان والــدتــي تـغـيــر كــلامـــه

رفعـت راسـي وذرفـت دمـع العـيـون

وحـاولـت اصبـرهـا بـحـلـو إبتـسـامـه

وردت علـيّ وقـالـت القـلـب مـحـزون

يــاخــال مــــاوالله عـلـينا مــلامـــه

مالومهـم والله علـى اللـي يشوفـون

لــكــن مـاعـنــد الـعـبـيـد الـسـلامــه

أسألـك يامنقـذ مــن البـحـر ذا الـنـون

يامطفـي(ن)نـار الخـلـيـل بـسـلامـه

إنــك تـفـرج همـهـم قـبـل يـمـسـون

وتبـسـط عليـهـم رحمـتـك والكـرامـه

وخـتـامـهـا لابــــد لابـــــد تــرضـــون

هــــذا مــقــدر نافـذات(ن)سـهـامـه