منتديات حــلا - انا اشكي لرب العرش

منتديات حــلا (http://vb.7laa.com/index.php)

- مجلس حلا للشعر وهمس القوافي (http://vb.7laa.com/forumdisplay.php?f=8)

- - انا اشكي لرب العرش (http://vb.7laa.com/showthread.php?t=45668)

انا اشكي لرب العرش

تعنيت من روح بلاها طبيبها

ولكن ما قدر لنفس يصيبها

احبه بكل القلب واشهد على الغلا

ولو سال حبه فوق صخره يذيبها

يلومون نفسي جاهلين بحالتي

عفى الله عن عين عليم رقيبها

تعودت اداري كل جرح بخاطري

ولو النار في روحي تزاود لهيبها

انا اشكي لرب العرش ما شكى على الورى

لأنه خلق روحي وكاتب نصيبها

سقا الله دار اللي ملك مهجة الحشى

عدد كل شمس غربت في مغيبها

انا احب دار الخل من حب من بها

وروحي تحب اللي يحبه حبيبها

تهيض شجون القلب لا ذعذع الهوا

من الشرق حيث ريحته لي يجيبها

ولو حالت الأقدار والوقت والنوى

محبتك ما خليت شي يعيبها

تعلمت منك الحب والوجد والوفا

وعيني عقب فرقاك نومه حريبها

عقب ما تواد عنا وسارت اركابنا

وناظر بعين ما يداوي صويبها

سألته برب البيت والركن والحجر

ايجنب بنفسه عن طريق يريبها

وتعزمت ودموعي تحدر على الوطا

سحابة عذابي فيضت لي شعيبها

بروح يفيض وجدها حر ما بها

دموعي على الخدين توحي صبيبها

وحالي عقب قفيت ترثي لها العدا

ويشهد على نفسي بحبه حسيبها

وسلامتكم ****العنود

من كتاباتي وارحب بالنقد البناء

رد: انا اشكي لرب العرش

مشكورة البدوية على هذه الكلمات الرائعة
وتقبلي مروري
دمعة احزان

رد: انا اشكي لرب العرش

أي نقد بدويه.. ماشاء الله عليكي.. كلمات حلوة .. وتقولين دوختني المذاكرة...

وش تبين اعطيكي درجه ... نقول

..

..

أمتياز مع مرتبة الشرف

تستاهلين... تحياتي

رد: انا اشكي لرب العرش

يالله حيهم جميع

مشكوره اختي ع المرور والتعليق

وسعيده بتواجدك الغالي

اختك البدويه

رد: انا اشكي لرب العرش

هلا والله بسكاكا يالله حيييه

الف شكر على كلماتك الرقيقه

وشهادتك وسام على صدري واعتز فيه يالغلاا

والله المذاكره حوسه خلهاا على ربك

اماا امتياز مع مرتبة الشرف مره وحده

تسلم لي يالغالي

العنود

رد: انا اشكي لرب العرش

الله عليج يا بدريه
روووعه يالغلا
صــــــــــــــــح السانك وعلا شانك
لا تحرمينا من روعة ابداعـــــــــك

رد: انا اشكي لرب العرش

يالله حيهاا
أهلا
وسهلا
الاخت الحبيبه غراام
صح بدنك يالغلاامن كل شر
أشكرك على حضورك ويشرفني مرورك
تحياتي وتقديري
لشخصك الكريم
دمتي بالف خير
البدويه

رد: انا اشكي لرب العرش

يرفع لنقد المشاركه

رد: انا اشكي لرب العرش

ما أروع عذب كلماتك......انها فعلا اكثر من رائعه.....وتستحق
عن جداره الامتياز....

رد: انا اشكي لرب العرش

يسلموووعلى المرور والمشاركه