منتديات حــلا - مجلس / الغواني .. !

هي حقيقة مرّه يعيشها اغلب مرتادي ( الدواوييـن ) .. !

جيت مجلس عامـر ٍ باللـي يجونـه
جيت ( متعني ) لفال ٍ قـد / دعانـي

قلت مرحـب والهـلا فيكـم نمونـه
قالوا (حيّه) هالولد علمه ( زمانـي )

انشرح صـدري بوجـه ٍ يرسمونـه
قمت أعاني مـن شعـور ٍ احتوانـي

قلت هـذا العلـم ياللـي تخبرونـه
الغياب إحساس غامـض بالمحانـي

خبرونـي وش تجـدد / تعملـونـه
ودي افهـم دام بالهرجـة لسانـي !

والتفت شخص ٍ كلامه فـي عيونـه
قال ..( بحّر) لعنبوها هـي جنانـي؟

قلت منهي ؟ صاح يا ويلي برعونـه
ما تشوف ( الرقص ) جنن بي مكاني

والتزمت الصمت في لحظـة جنونـه
قلت ( جنّك ) من تراقص بالهوانـي؟

أعجبك منظـر يعانـي مـن مهونـه
أعجبتك الساقطة وتطرب يا / داني !

قـال متثاقـل ! بـلا كثـرة معونـه
العقل / دونك .. اعرفه لو / بغانـي

قلت وينه .. عقلـك اللـي يذكرونـه
طاير ٍ في عجّت اللـي لـك تزانـي

قال أعيش العمر مـا أغيّـر ركونـه
ماهو مثلك انطوي واصمت وأعانـي

بالجهل عايش وترفض بـي سكونـه
ياخي خلّ / العمر ما وقّف / زمانـي

ابتسمـت وقلـت شيطانـك فنونـه
الوعي عندك خذا درب ،،، امتهانـي

ما رجيـت بدنيتـي هـزت متونـه
ما شغـل عقلـي تفاهـات وأغانـي

وابتسم راعي المحل / بيّن ( سنونه )
قال شفت ؟ فلان علمه ويـن كانـي

وابتسمت وقلت حاضـر مـا تبونـه
مالي بمجلس حديثـه بالغوانـي !!!

وقلت خيـر العلـم ياللـي تمنعونـه
ماهي الهقوه أشوف الكـل ( بانـي )

وحي مجلس عامـر ٍ انتـم تجونـه
لعنبو فـال ٍ عليكـم قـد / دعانـي