منتديات حــلا - عايزه عريس يكون راجل بجد؟؟؟

خير بداية الكلام هى السلام

http://www.alb7ri.net/up-pic/uploads13/c3d0c64bad.gif

طبعا كل البنات اليومين دول مخنوئين جداً، و مش عارفين يلاقوا عريس كويس و يكون راجل و كده...!!!
طب اسمحولى يا بنات..اعتبرونى زى اخوكم أو زى العريس اللى بتدوروا عليه أو أو أو.....مش مهم تعتبرونى مين.....طب اقولكم على حاجه حلوه....اعتبرونى من ضمن الشباب الروشه اللى انتوا بتكونوا فى منتهى السعاده وانتو شايفينهم فى التليفزيون أو مصاحبينهم فى الجامعه أو أو أو....إلخ
المشكله مش انكم مش لاقيين راجل على حق...ولا إن الرجاله خلصوا ولا ماتوا فى الحرب...كل دا كلام فارغ...دا كلام الأفلام العربى اللى مالهاش لزمه اليومين دول -مش كل الأفلام يعنى-..طيب خللينا فى موضوعنا...الرجاله موجودين و كل حاجه...بس انتوا اللى بتدوروا على شباب هايف مش رجاله..أو بمعنى تانى
###*** انتوا يا بنات اللى مش عارفين المعنى الصح للرجوله***###
للأسف -معظمكم مش كلكم- :: كل تفكير البنت إن الشاب لازم يكون مدردح و كلامنجى و رغاى فى أى كلام فاضى، و يكون جسمه زى فاندام -عضلات ضخمه يعنى- ، ويكون عامل شعره زى عمرو دياب..ويا سلام لو كان أمور كده و حليوه و البنات ملمومه عليه..ويا حبذا لو كان معاه عربيه أو موتوسيكل و المحفظه مليانه فلوس رزم رزم و مش عارف يصرفها ازاى.....وفى صفات تانيه كتير انتوا بتدوروا عليها بس انا مش قادر اكتبها كلها....كفايه كده..
>>>>هوا دا بقى الراجل أو العريس أو فاااااااارس الأحلام اللى انتى بتدورى عليه ؟؟؟!!!<<<<
للأسف فى بنات بتدور على الشاب اللى يضحك عليها و يعيشها الوهم..و إشى موبايلات صبح و ليل..وإشى رسايل حب و روشنه على الموبايل كل يومين تلاته....ورايحين مع بعض الجامعه و راجعين مع بعض من كورس الكمبيوتر....وإشى خروجات و فسح .. وإشى رحلات..و و و و.....إلخ..........و فى الآخر بقى لما تيجى تسأليه..هتيجى تقابل بابا امتى؟؟ ....هتسمعى أعذار فى منتهى الجمال و الشياكه و الذوق الرفيع...
طيب كفايه كلام و لوم عليكم...عشان أنا حاسس انكوا اتخنقتوا منى....
&%&%&%*********خلونى أقول الكلمتين اللى انا جاى عشانهم*********%&%&%&
انتوا لو رجعتوا فقرتين لفوق كده هتلاقونى كاتب جمله ( انتوا يا بنات اللى مش عارفين المعنى الصح للرجوله).... و أنا مازلت مصر على المقوله دى..بس انا بقول المعظم بس.. مش كل البنات....
طيب أنا مش هاقدر اقولكم على معنى الرجوله و الصفات كلها بتاعت الراجل التمام..لإنى طبعاً ماقدرش احصرها كلها....لكن لو عايزين تعرفوها أكيد هتلاقوها فى سيدنا محمد(ص) أو أى واحد من الصحابه (رضوان الله عليهم) أو أى واحد من السلف الصالح(رحمهم الله)...أو أى شخص يكون ناجح بجد فى المجتمع بتاعنا اليومين دول....ذى الأستاذ عمرو خالد أو الدكتور زويل أو أو أو أو.......الأمثله كتيره ... بس المصيبه ان انتوا كل تركيزكم على عمرو دياب.....وتامر حسنى و و و..-مع كل احترامى ليهم يعنى-.....إلخ
أنا مش عايز اقول انهم وحشين و كده..دا مش من حقى....أنا كمان بحب اسمع أغانى و كده....مش هى دى القضيه...بس المهم ان مش هما دول اللى نتابعهم على اعتبار انهم هما دول القدوه و المثل الأعلى للشباب اللى بيجرى وراهم.....طيب نرجع لموضوعنا...

أنا هاتكلم من وجهة نظرى المتواضعه عن بعض العلامات أو السمات الموجوده فى الراجل أو الشاب الصح....
فى البدايه أحب أقول كلمتين صغيرين من بتوع اليومين دول، أنا بحبهم قوى و انتوا أكيد بتسمعوها فى الشارع و فى كل حته بس مش بتهتموا بيها....***** الرجوله أدب مش هز كتاف******الصياعه أدب و أخلاق...إلخ
وانا اخترعت مبدأ صغير من عندى*****(((الصياعه))):: هى إنك تبقى ماشى فى الشارع والناس يشاوروا عليك و يقولوا فلان دا محترم و دماغه عاليه و ذوق و لسانه بينقط سكر...مش انك تبقى ماشى والمطوه فى جيبك و الموس تحت لسانك و ساحب البنت فى ايدك...مش هى دى الصياعه..و و و....إلخ
××××××××××××××××××××××××××××××××××
يعنى مثلا الشاب اللى واقف فى الجامعه مع اصحابه..و أول لما يسمع الآذان يروح يصلى..طبعا معظمكم بيقعد يتريق عليه و تقولوله... بركاتك يا عم الشيخ..هههههههه كر كر كر كر...ماتنساناش من دعواتك يا شيخنا....هع هع هع هع ههههههههه.....إلخ.......>>ماله الشاب ده ؟؟!!.. هو عمل حاجه غلط ؟؟!!.... مش غلط طبعاً...بس الظاهر انها حاجه غريبه بالنسبه للناس التانيه و مثيره للضحك و التريقه كمان.....
*************************************************
و ماله بقى الشاب اللى واقف فى وسط اصحابه و صاحباته بس ساكت مش بيتكلم.....طبعاً هتقولوا خجول و بيتكسف و مش راجل و الكلام الفارغ دا....و يمكن تقولوا مريض نفسيا و عنده نقص كمان......إلخ........طب ليه مانقولش إنه شاب على درجه من الخلق و الحياء و إنه مستمع و منصت جيد للحوارات اللى قدامه و مش بيحب يقاطع حد فى كلامه..و مش بيحب يتكلم كتيييير عمال على بطال عشان يلفت انتباه البنات اللى حواليه..؟؟....
ليه مانقولش إنه شايفكم بتتكلموا فى كلام فارغ و هوا مش قادر ينزل من مستوى تفكيره و ثقافته للمستوى بتاعكم..يعنى غالباً هتكونوا واقفين فى وسط الشارع أو الجامعه و كل اللى فى دماغكم انكم ازاى تتريقوا على فلان والا علانه..و تجيبوا فى سيرة فلانه و علان بكلام وحش و هات يا ضحك من غير لزمه ..كركركركركركركركركركركرهههههههههههههههههههههههههه هههههههع هع هع هع..أو هتكونوا على أضعف الإيمان بتتكلموا فى الماتش بتاع امبارح أو الفيلم اللى دخلتوه فى السينيما العيد اللى فات..أو أو أو................هى دى الحاجات اللى انتوا مجتمعين عليها!!!!!!!!!!!!!؟؟؟؟؟؟؟؟ بجد هيافه والله
*************************************************
الأمثله كتيره يا بنات.. و طبعا فى منكم اللى هتقول.... طيب مهو الشباب الكويس دا مش بيبصلنا و لا بيهتم بينا....
هرد عليكوا و اقولكم.... ازاى واحد بيصلى و أخلاقه عاليه و و و و.......إلخ عايزينه يبص على واحده لابسه بادى و مينى جيب.....إلخ....؟؟؟....أو ممكن تكونى لابسه كويس و كل حاجه.... بس سلوكياتك و تصرفاتك و طريقة تفكيرك و أصحابك و طريقة كلامك معاهم مش ماشيه مع لبسك خاااااااااالص .....
طبعاً دا بالإضافه لإسباب تانيه كتيييييييره سواء من جانبكم أو من جانبهم بتخلليكم مش قادرين تقربوا من بعض و تنسجموا و و و و - بدون ما نغضب ربنا طبعاً..إوعوا تفهمونى غلط-...
عشان كده أنا هسيب باقى الرساله بقلم صديقى الأستاذ ( عبد الرحمن السحيم ) ربنا يجازيه خير،، وياااااااارب أكون قدرت أوصل الرساله بتاعتى ليكم من غير ما اقول كلام غلط...و لو أى حد عنده أى تعليق أو إضافه أو أى غلطه اكتشفها فى كلامى... يبقى يا ريت يقوللى و ما يبخلش عليا....عن اذنكم
هنا يا بنات هتعرفوا الراجل بيدور على ايه....>>>>>
المـرأة والفـوز
عبد الرحمن السحيم

المرأة نصف المجتمع
لا
بل هي المجتمع كلّـه
على حـدّ مقولة : المرأة نصف المجتمع ، وهي تلد النصف الآخر !
وهي نصف الدِّين لمن ظفِـر بها
قال عليه الصلاة والسلام : من تزوّج فقد استكمل نصف الإيمان ، فليتق الله في النصف الباقي . رواه الطبراني
وكأن في هذا إشارة إلى العزاب بنقص دينهم
بل إشارة إلى الرجال جميعاً أن دينهم وإيمانهم لا يكمل إلا ( بامرأة )
فهم بحاجة إلى النصف الآخـر شرعاً وعقلاً وطبعاً .
وليس مجرّد تحصيل حاصل
بل هـو الفـوز والظفـر
أي فـوز تعني ؟
أهـو الفـوز الرياضي ؟؟؟
أم هـو الفـوز الدراسي ؟؟؟
كلا . لا هذا ولا ذاك
بل هـو الفـوز والظّفـر بـ " ذات الدين " بالمرأة المتدينة الصالحة
فإذا تعددت وتنوّعت واختلفت مقاصد الناس في الزواج فعليك بالظفر والفـوز بصاحبة الدِّين
" تُـنكح المرأة لأربع : لمالها ولحسبها ولجمالها ولدينها ، فاظفر بذات الدين ترِبَتْ يداك " صدق رسول الله(ص)

لمــاذا ذات الدّين بالذات ؟؟؟

1 – لأنها خير متاع الدنيا .
" الدنيا متاع ، وخير متاع الدنيا المرأة الصالحة " صدق رسول الله(ص)
2 – لأنها تُعين على الطاعة .
" ليتخذ أحدكم : قلبا شاكرا ، ولسانا ذاكرا ، وزوجة مؤمنة تعين أحدكم على أمر الآخرة "
قال ذلك رسول الله صلى الله عليه وسلم لما سُئل : أي المال نتخذ ؟...صدق رسول الله(ص)
3 – لأنها من خصال السعادة
" ثلاث من السعادة ، وثلاث من الشقاوة ؛
فمن السعادة :
المرأة تراها تعجبك ، وتغيب فتأمنها على نفسها ومالك .
والدابة تكون وطية فتلحقك بأصحابك .
والدار تكون واسعة كثيرة المرافق .
ومن الشقاوة :
المرأة تراها فتسوءك ، وتحمل لسانها عليك ، وإن غبت عنها لم تأمنها على نفسها ومالك .
والدابة تكون قطوفا فإن ضربتها أتعبتك ، وإن تركبها لم تلحقك بأصحابك .
والدار تكون ضيقة قليلة المرافق "
4 – لأنها أمان نفسي .
" خير النساء من تسرّ إذا نظر ، وتطيع إذا أمر ، ولا تخالفه في نفسها ومالها "صدق رسول الله(ص)
فأي فوز – بعد تقوى الله – أعظم من الفـوز بامرأة صالحـة ؟؟؟
وها هنا وقفة نفسية مع قوله صلى الله عليه وسلم عن المرأة الصالحة : وتغيب فتأمنها على نفسها ومالك .
يؤكد علماء النفس أن الرجل – أيّاً كان – بحاجة إلى المرأة المتدينة !
والمرأة بحاجة إلى الرجل المتديّن !
لمــاذا ؟؟؟
لأن الدِّين الذي يحمي صاحبه ضرورة من ضرورات الأمن النفسي
وذلك في حالة غياب أحدهما عن الآخر يبقى الـودّ محفوظـاً لا لأجل الطرف الآخر فحسب ، بل لأن المتديّن – حقيقة – يُراقب الله ، ويعلم أن الله مُطّلع عليه .
حدثني طبيب مسلم عربي يُقيم في فرنسا قال :
أول ما أتيت إلى هذه البلاد الأوربية تركت زوجتي وأطفالي في بلدي ريثما أجد السكن المناسب وأُنهي بعض الترتيبات .
قال : فعملت في إحدى المستشفيات ، وفي يوم من الأيام سألتني طبيبة فرنسية :
أين زوجتـك ؟
قال : قلت : في بلدي .
قال : فعرضت عليّ أن أبيت معها على فراشها ولو ليلة واحدة !
( مع أنها ذات زوج ) !!
قال : فرفضت ذلك وبشدّة .
قالت : لمـاذا ؟ وأنت الآن أعزب ؟ وزوجتك بعيدة عنك ؟
قال : لِعدّة اعتبارات :
الأول : أن ديني ينهاني عن هذا الفعل القبيح .
الثاني : أن عقيدتي تغرس في نفسي مراقبة الله وحده في الخلوة والجلوة .
الثالث : أنني أحفظ الـودّ لزوجتي ، وكما أنني لا أرضى أن تخونني كذلك لا أخونها .
الرابع : أن هذه الأمر ، وهذا الفعل دَيْنٌ مردود على صاحبه .
قال : فرأيت الدهشة على وجهها .
قال صاحبنا الطبيب :
ثم سألتُ تلك الطبيبة :
هل تأمنين زوجك ؟
قالت :
لو كُنت أجلس معه على طاولة واحدة ، فأغمضت عيني لم آمـن خيانته ! وهو كذلك لا يأمنني !
******************************************
فتأملوا حال أولئك الذين وصفهم الله عز و جل بأنهم ( كَالأَنْعَامِ بَلْ هُمْ أَضَلُّ سَبِيلا )
ثم تأملوا حال المرأة المسلمة الصالحة التي تحفظ زوجها وإن غاب عنها السنوات الطوال
فهي :
" لا تخالفه في نفسها ومالها "
وهي :
إن نظر إليها أعجبته ، وإن غاب عنها أمِنها على نفسها وعلى ماله .
" المرأة تراها تعجبك ، وتغيب فتأمنها على نفسها ومالك "
إذاً :
الفـوز والظفـر بِذاتِ الدِّين مطلبٌ شرعي ، وضرورة نفسيّـة .
" فاظفـر بِذاتِ الدِّين "
******************************************
عرفتوا بقى يا بنات الراجل التمام هيدور على مين؟؟؟؟؟
أخيراً :
أعتذر عن الإطالة . وعن لغه الموضوع (( العاميه))

وأستودعكم الله .

اخوكم فى الله Must

http://www.sh11sh.com/sh11sh1/star10.gif