الحزينه

الحزينه بكل خوف ..وبكل حزن ..

سمرت عيونها بجدران غربه ..

الحزينه..مالقت في بساتين الفرح وردة حبور ..

نغمة طيور ..بسمه ظنينه..!!

الحزينه.. مثل باقي السيدات .

تحتاج بسمه ..تحتاج ذات..

الحزينه.. مرغمه تكمل بقايا عمرها وتنسج خيوط الحكايه..

الحكايه ..كلها تفاصيل وملام..كلها حطام.

كلها نهايه من بدايه..

الحزينه في خباياها ذبول ..وإنكسار..

في حناياها تراتيل إحتضار..

الحزينه في ظلام الليل والناس ناموا ..

ترسم صور من غير ملامح .أو مسار..

آآه يالحزينه..

عندي سؤال ومجنني بجنونه..

لأني عرفتك يالحزينه..

ياللي سكنتي روح أكبر من مساحات المدينه..

يالحزينه ياللي غرزتي ..كل مافيك فيني ..

وأنتِ مني ..وأنا أنتِ ..وكل وحده له شؤونه..

آآه يالحزينه..لو تلمستي في دجى الليل قلبي ..

مالقيتي غير روح سجينه..

ولو لمستي في دجى الليل خدي

مالمستي غير دمعه هتونه..

وآآه يالحزينه......ماأقول غير ربي يعينك..

وقلبي لي ربي يعينه..

يالحزينه..



بقلم : أماسي على الشوق

رياح العــدم

عملاق الحرف

تواجدك في صفحتي زاد من جمالها المتواضع


سلمت على عباراتك الراقيه ولك فائق التقدير

أماسي على الشوق

نابض القلوب


مازال قلبي ينبض ويجدد عشقه حتى لو تقادم

سيظل ينثر عنه غبار الزمن ويبحث عن ثقب ليتنفس من خلاله

عبير الشوق لـ اللقاء


دمت ودام رواء قلمك وسلمت على اطلالتك المتميزه


أماسي على الشوق