سألت عنك وياليتني مالقيتـــــــــــــــــــــك
الظاهر اني فيك انا كنت غلطـــــــــــــــان

دروب الشقا ظلل عمري وجيتــــــــــــــك
تايه ادور للوفاء بير للأوطـــــــــــــــــان

ماهو بذنبي إني رحلت وجفيتــــــــــــــك
ذنبي الوحيد إني اعتبرتك انســـــــــــان

خلاص يكفي وش بقى ماعطيتـــــــــــك
نهبت عمري والجزى منك نكـــــــــران

قـم اذلـف الله لايردك لبـيـتـــــــــــــــــك
جعلك فقيد امك وربعك والاخـــــــــوان

وياعل درب فيه يوم لقيتــــــــــــــــــــك
ينبت مداه اشواك وهم وحرمـــــــــــان

وياعل عيني ان رحلت وبكيتـــــــــــــك
تفقد نظرها واقضي العمر عميــــــــان

وياعل قلبي ان نبض لاطريتـــــــــــــك
يوقف وينزف داخله كل شريـــــــــــان

أقولها باحساس صادق نسيتـــــــــــك
ماعاد ابي طاريك حان الجفا حــــــان

خلاص انا من حياتي محيتــــــــــــــك
وابياتي هذه تبين غدرك ياجبـــــــان

ياما من اشعاري كتبت فيك ورضيتك
وانت ثعلب بهبالك موبشرمثل شيطان

واكون جاهل كان جيت ورجيتــــــــك
لاصار من عاشرك خسران خسران