ارحل وخذ حبـك معـك لاتخليـه
ياصاحبـي والقلـب يكفيـه مافيـه ××× يكفيه من لوعـات الايـام ماجـاه
الهـم فـيـه مشـيـداتٍ مبانـيـه ××× ولا اقبل ظلام الليل ثـوّر مطايـاه يرعن عشب القلب واللي حواليـه ××× ويردن حوضه لين يروَن من مـاه ياصاحبي ماعاد بـه شـي نرجيـه ××× ياكـود شـي وصدفـةٍ ماحسبنـاه والاّ هـواك اقفـى وقفـن لياليـه ××× ولا عاد باقي منـه ياكـود ذكـراه ارحل وخذ حبـك معـك لاتخليـه ××× مابي اكون اللـي نقـل داه بـرداه والحب ماهو قول (احبـك ولبيـه) ××× ولاهوب منـوَه مـن بغـاه يتمنـاه الحـب نعمـه مـن عزيـزٍ نلبيـه ××× ولا يسكـن الا فالقلـوب المشقـاه والحب نار وشوق في قلب راعيـه ××× يسوقه الينه يحـده علـى اقصـاه والحب وصلٍ بين غالـي ومغليـه ××× تواصل الاحبـاب ساسـه ومبـداه والحب داءٍ صعـب للـي يداويـه ××× وراعيه ماينسـاه لـو هـو تناسـاه هذا الهوى .. والاّ انت تجهل معانيه ××× ارحل وقلبي منـك يكفيـه ماجـاه والاّ على قول (النصافـي) لغاليـه ××× (من شق شقٍ يااريش العين يرفـاه) أعجبتني هالقصيده وإن شاء الله تعجبكم لشاعر فراج ابن جفران ( على ما اظن) |
الساعة الآن 12:58 PM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd