ما تقهويت الغرام ولا شربت ادلاله
لين ماهلت على امطاره الوسميه
ينزف الدم وخفوقي يستميت لحاله
آه يا دم نزف من طعنت الجنبيه
نامت اعيون العذول وشدت الرحاله
وابتديت اسامر الجني والجنيه
ما طرالي غير رمش ما نسيت اظلاله
ولا ذكرت الا خيال الصفحه المطويه
ارتمي عرق المحبه للسما وارقاله
وان مسكته قمت اردد عاشت الحريه
الهجيني والربابة والعقل مياله
والصبي والشاذلية والوجيه الحيه
والقصيد اليازهمته ما يطش عقاله
لين ما يتعب خفوقي بالعناد شويه
ينكسر بيتي وادور لي عذر واشتاله
هي كذا ياخي بلاش الوزن والقافيه
ما هدم قلبي جدار الصمت يوم ابراله
ولا سلب قدري سراب الليله المنسيه
نيتي وحده واصارع وقتي ومواله
والله اني ما شيت ونيتي ملويه
يمكن ان الخيل تفهم نظرة الخياله
ويمكن ان الارض تفهم خطوه الرجليه
ما عشقت الا عشقت الخطوه المختاله
ما كرهت الا كرهت أحلامي الورديه
انتي اول حلم واخر حلم عشت اقباله
وانتي اول من رسم بين الضلوع الكيه


((((( مصـــــــــــــــــــعب )))))