منتديات حــلا - مصيـــــــــرهم يدرون!!!

مصيرهم يدرون مني / أو بدون
لاشافوا حالي بالملا كنّي شتات

مصيرهم يدرون وبعيني يقرون
اسمك نطقته ياهوي بـ جملة آهات

مصيرهم يدرون / خلّيهم يدرون
من شان يصبح عذري الوهم ( إثبات)

\\
||
\\
||
\\

تدرين : لايدرون !! أخاف يبكون
من كثر ماسمعوا بهالقلب ونّات

وتحن لي قلوب وتبكي لي عيون
وكلن على ظلمك يهدون دعوات

أخاف يصيبك من دعاويهم ( طعون)
وأموت لاقالوا سبب دعوةٍ <مات>

لأن الحياة دونك / بلا طعم ولالون
بغيابها يغيب الهواء ويرد لاجات

نسمة طيوفك كنّي بظلع < قاسيون>
أنسى الحكي والوقت / وتنساني أوقات

يازين قلبي يمّك سنين مفتون
ماهو بكذب (إبريل) أو معرفة (شات)

بلاعذر ترحل ودستور وقانون
ووسط الصخب ببرود تطل لحظات

مغبون وش باقول / ماغير مغبون
وماغير أردد ياشقى الحب هيهات

ومع كل هذا مارضى أعيش مسجون
بدعس على قلبي لأجل أكرم الذات

وكلّي يقين بالبعد بيصيبك جنون
وتبكي على وقتٍ هدرته وقد فات

وتعيش طول العمر بأوهام وظنون
وأشوف زولك بالملا / دوني شتات