منتديات حــلا - فقير حظ وراس مالي ثيابي

السلام عليكم ورحمة الله وبركاته
كيف الحال وايش الأخبار
ان شاء الله بخير
مااطول عليكم"
اخليكم مع بعض الخواطر اللي عجبتني
وهذي اهي::

كان ودك ماتزيد الصدر ضيقه
لاتسمع للدعاوي والشكاوي

وش يهمك وش صديق من صديقه
مامشالك بالمحاسن والمساوي

رافق اللي فاهم واجب رفيقه
لانخيته جاوبك راعي نخاوي

¦§¦¦ô¤ ¤ô¦¦§¦

ليت البحر يحكي لي أسرار مافيه
حتى يعرف الفرق بينه وبيني

أن كان موجه يشكي اللي يعانيه
أنا دموع الحزن عنوان عيني

أنا اليتيم اللي فقد شخص يغليه
أضحك وأجامل والشقا مبتليني

¦§¦¦ô¤ ¤ô¦¦§¦

يازمان الويل شيل الأقنعه
واعتبرني تايه الخطوة هبيل

شفت مابالصبر خير ومنفعه
ياقطار العمر يكفيني رحيل

المطر دمعي وصدري مزرعه
والشجر هزني وأبي فيه المقيل

خذ قصيد العمر تكفى واطبعه
وسم ديواني محطات الرحيل

¦§¦¦ô¤ ¤ô¦¦§¦

يا الله دخيلك دلني الدرب السوي وآتوب
أنا مالي ومال الهم والتفكير والحيره

خطاي أني لبست الثوب الأبيض ياعرب مقلوب
أدور للوفا يا ليت الاقي للوفا ديره

تعبت ارسم على وجه السما برق ورعد ودروب
توصل ما توصل قلت اجي له يالله الخيره

الا يا شمعتي الخرسا حرام ان الدموع تذوب
يمر الحلم وانا ما عرفت أصله وتفسيره

أقول اتوب وارجع في كلامي مستحيل آتوب
مادام ان الطيور تردد اسمه ماتبي غيره

¦§¦¦ô¤ ¤ô¦¦§¦

احاول اكرهك لكن فؤادي ماكره انسان
غريبه كيف هذا القلب يحب اللي غدر فيني

حبيبي داخلي كلمه عساها تشفي الوجدان
حبيبي ماأقول الا حرام انك عرفتيني

¦§¦¦ô¤ ¤ô¦¦§¦

نعم انا اللي جرح الدمع عينه
ماهو خجل لاسالت دموع رجال

عبره حبسها خاطري في سنينه
استرجلت واسترجلت والرجا طال

¦§¦¦ô¤ ¤ô¦¦§¦

لميت جرحي واحتضنته وسافرت
ما للوداع بخاطري غير تجريح

ودي ولكني صمدت وتصبرت
واقتفيت اشد اخطاي بالغصب لا أطيح

ما هو جفا أنا الشاهين ما تغيرت
عقب الوداع فراق ما هو بتلميح

ياليتني دمعه فراق وتبخرت
لا احساس لا وجدان لا قلب يصيح

¦§¦¦ô¤ ¤ô¦¦§¦

أنا رفيق الجرح من صغر سني
والجرح له في داخلي ألف عنوان

ياسيدي هم البشر صار مني
وأصبحت أنا تمثال الهموم إنسان

كل الوجيه تشابهت حد ظني
ماعدت أميز بين صادق وخوان

يا صاحبي لاتنشد الجرح عني
كل السوالف كذب صم وحرمان

¦§¦¦ô¤ ¤ô¦¦§¦

لو يبان النور ماشفت السعادة
بالمحبة والوفا عندي شهادة

إنتهت دنياي باحزان وهموم
والخجل موجود والخافق رحوم

¦§¦¦ô¤ ¤ô¦¦§¦

تخونك عينك وقلبك ولا مني يجيك قصور
يخونك ناسك وربعك ولاصكيت لك بابي

ولو كلي ألم أنزف ابظهر لك فرح وسرور
ولا برضى ولا مره يصيبك جرح باسبابي

¦§¦¦ô¤ ¤ô¦¦§¦

ليه أحبك وانت لي هم وعذاب
ليه قربك نار وفراقك جمر

ليه أشوف الكون بدونك خراب
ليه أحس اليوم بغيابك دهر

ليه أصدقك ومواعيدك سراب
ليه أكذب جيتك لي وانتظر

ظالمي حلفتك برب الكتاب
ليه كل ماجيت أعاتبك أعتذر

¦§¦¦ô¤ ¤ô¦¦§¦

لحظه حبيبي وقف هناك بالدور
مانيب فاضي يمكن افضى لك اشوي

لازم تذوق المر وتعيش مكسور
واكويك من جمر الهوى لاغدى حي

ولو بعتلي عمرك فلا قلت مشكور..
لانك بعيني صرت كلك ولا شي

¦§¦¦ô¤ ¤ô¦¦§¦

فقير حظ وراس مالي ثيابي
وأبسط طموحاتي تهز أعمدتهم

فاتح لهم قلبي وطيبي وبابي
وعيونهم قبل الحكي فاضحتهم

قالوا وقالوا واشبعوا بأغتيابي
هذي نواياهم وذيك ألسنتهم

حتى وأنا اتألم وأموت فعذابي
دمعات عيني بالحزن فرحتهم

¦§¦¦ô¤ ¤ô¦¦§¦

يكلمني عن جروحه وأنا من سبته مجروح
يسولف لي عن أحبابه واسولف عنه لحاله

أحس في دمعة عيونه..وتطلع من بكاه الروح
وإذا يفرح مع غيري بكى قلبي وهناله

¦§¦¦ô¤ ¤ô¦¦§¦

شلون أعيش اللي بقالي بلياك
لامن غدينا كل واحد بوادي

اعلنت حبك لين كل تمناك
غلطت وغيري من خطاي استفادي

حلوة عذاريبك وحلوة مزاياك
حتى بيوم فراقنا كنت هادي

¦§¦¦ô¤ ¤ô¦¦§¦

تغير كل شي فينا وبقيت بس أسامينا
طبايعنا سوالفنا حتى النظرة في عنينا

نعيش بعالم كذاب ونضحك ضحكة تبكينا
نجافي من يواصلنا ونوصل من يجافينا

تعاندنا ليالي الويل تبكينا تقسيننا
الا يا ليت نتعلم ونبقى زي أسامينا

¦§¦¦ô¤ ¤ô¦¦§¦

أبي أرحل من الدنيا قبل لا تصعب الأحوال
قبل لا الشوق يقتلني وهم الحل والترحال

قبل لا تذبل عيوني أناظر شاشة الجوال
قبل لا يوم نتلاقى أنا وانتا قبال قبال

وأسمع همسك لنفسك
وش أسمه؟

والله كان على البال

¦§¦¦ô¤ ¤ô¦¦§¦

أنا قديم الهم وأنفع لعطفك
أما الهوى ياسيدي مركبة صعب

تحبني وأقول من زود لطفك
شكراً لصدقك وألف شكر على الكذب

¦§¦¦ô¤ ¤ô¦¦§¦

لاطويت الياس بذرف دمعتين
للهوى الغالي وبوادع هلي

صاحبي باموت من كثر الحنين
خلني باختار لحظة مقتلي

¦§¦¦ô¤ ¤ô¦¦§¦

إن شالله تعجبكم