منتديات حــلا - يوميات زعبور..الحلقة الأولى

انا معاكم اخوكم في الله زعبور بن جعيفر بن حيدر الزين( امحق اسم ..جملة غير مفيدة .. والا على غفلة
اسم فلم مرعب)...
المهم نرجع محور حديثنا ( الرجال توه مابدى..)
ذيك الليلة ماكذبت عليكم والله العظيم نمت والصبح قمت ..سبحان الله!!..
تخيلوا... صحيت قبل مايصحى الدجاج.. ( هذا اذاعرف يفرق بين الدجاجة والديك)
ماني متذكر كم الساعة طلعت من البيت الساعة 6 المغرب مدري 11 الفجر.. والله مدري
لاني نسيت البس نظارتي الطبية...( بالله وش دخل النظارة بالذاكرة..الاخ تفكيره كستنائي..هذا اذا عرفت معنى
كستنائي)...
في عز البرد شغلت السيارة ومشيت على طول والسيارة عاد الله يسلمك..كورونا موديل 79 ولونها اخضر
والسيارة جخة مرررررة... قير ايتوماتيك وفيها كلش ..ٍسبحان الله..بس مدري الكلش ماعمري جربته
شكلي لما اضغط عليه يفتح باب الشنطة..( امحق مفتاح هالكبر ,,الانسان هذا موصاحي هذي بدايتها ..انا
شكلي بنجن منه ..ومن كثر ماينصب الحين مروني 12 أرنب)
المهم انا ساكن فبيتنا .. مشيت صوب العقربية ووصلت السويفواي ولعت الاشارة احمر ( لايفوتكم التعبير ..
أحمر ...اموت واعرف من اللي درسه تعبير والاخ خريج ابتدائي12 سنة يعني فكل مرحلة يعيد سنة )
ومازال ينتظر التكريم .............انطر ولابعد الفين سنة..........
شوي وكذا اشوف عجوز بهالوقت شايلة فوق راسها خيشة مليانة اعواد وعند السيفواي والله ماتصير
لايكون انا الحين فعام الفين وحطبة... الاشارة نورت خضر ..اقصد اخضر..واحط القير نمرة 2 وامشي
( شوف يانا س انا راسي بينفجر قير ايتو ماتيك وحطها بالثاني ..اه منك يازعبور )
امشي عشان الحق على الاشارة الثانية واسرع 40كلم وازيد السرعة واسرع لين ماوصلت السرعة 50سم
(امحق سرعة 50سم شكل الاخ ماكل سمسم على الفطور)
شوي اشوف مبنى بني صغير ..والا هي بقالة مالها علامة مكتوب على الجدار من اليمين دكان ابو ناصر
لبيع الفلج....واسفط وادخل واشوف كاتب على الجدار بالطبشور من داخل طبعا ....
فلج 6 حبات بريال ( والله ماصارت هذا علك مو ثلج ) ومسحوق تايد يباع بالكيلو ( ماصار تايد هذا هريس
والادهى من كذا دكان وينا الحين ووين الدكاكين الناس تطورت اسواق المزعة ..بندة جاك الاخ يقول دكان
هذاي ايامها راحت اتحدى اذا فيه داخل ترخيص وين يحطونه يشيله ويجيبه معاه ..اقول قم بس قم........)
وانا احس ان هذا الاخ صادمه هندي بسيكله وجاته شطفة على مخه من جهة اليسار .وصار فيه خلل بعيونه..

حسيت بكتمة قلت خلني اروح صوب الكورنيش.. وانزل شوي اتمشى ...نزلت واشوف قدامي رجال يهرول
وشكله علي مو غريب..وطلع قحطة ..لابس ذاك الوزار الاخضر مخطط بلون بني ولابس جوتي رياضة اللي يتسكربلزقة ..شكله شاريه من محلات يابلاش بـــ5ريال( بالله وشجاب قحطة للخبر ..مابقى الا هي..امعصي.. ياشيخ اعطيك شيك بــ5000 ريال... ( يااخي اكذب بالمعقول بس كذا ,,,,,,

طفشت ...قلن خلني اروح البر ..المهم رحت صوب النعيرية (ماصار بنزين ..معقولة ماخلص ولاجاب له أي طاري وهذا من قوة الشلخة ) المهم وصل ويقول على حسب كلامه انه شاف خروف يلحق خروف..تعتقدون
ليش؟؟!!....يقول هالخروف شكله مشبه....ههههههههه ...ياخي يمكن يلعبون يمكن لاحقهم كلب الحراسة
والله بلشة من زعبور ...ورطة ازين اشوف فلم هندي ولا اسمع سواليفه....ويقول بعد انه شاف خروف ثاني
يلحق اسد ..اما هذي قوية .. وسالته يقول انه بايعها ..بالله وش دراك قال لانه مصاب بجنون البقر( شفتوا
النصبة وش تسوي جنون بقر تصيب خروف ..اها ضحكتني .. ياشيخ لو اشوفها بعيني احطه فبرنامج صدق
او لاتصدق ومابغيت الا الأسد ينحاش من الخروف....على مين تلعبها ...العب وقص على غيري مو علي انا
والمشكلة اكبر من كذا اسد وبالنعيرية ..اقول ...شخبارك؟؟؟!.....العب بعيد والله ماني ناقص عوار بطن ومغص
بالقلب ..شفتوا وشلون عاداني ..الله لايبلاني اصير زيه )
وانا اللي اتصوره لوسوت جريدة اليوم معاه لقاء على الهواء ..الله يعينهم كان ينحاش الصحفي والمصور ويخلون
لك الاغراض مايبونها ..كان يجيهم التماس منك ..اقول ارفع ثوبك وامسك زنوبتك وافرك وماتشوف الا الغبرة..

الحلقة الاولى انتهت..
والى لقلااااااااااااء قريب..

الحقوق محفوظة لدى بوفية السعادة...

:bleh: