منتديات حــلا - *·~-.¸¸,.-~* القـــمة 101 ... قمـــة الواقعـــية *·~-.¸¸,.-~*

http://www.21za.com/pic/salam_kalam001_files/6.gif

انا مش داخل اكتب كلام متكرر كتير على مدار كام سنة فاتم
لان الصراحة حسيت انى هاكتب موضوع كتبته قبل كدا كتير
وهو فوز الاهلى على الزمالك
ولله الحمد بنفوز وهانفوز ان شاء الله
وزي ما عملت موضوع من سنة تقريبا او اكتر مش متذكر وقولت( في اية يا زمالك )
وزمالكاوية كتير هاجمونى وقالوا انت اهلاوى ومتعصب وكلام كبير كدا
اظن دلوقتى الموضوع وضح وانتم اللى بتقولوا فى اية يا زمالك
وقلت برضه لصحابي الزمالكاوية الحقوا النادي لانه داخل على منحني خطييييييييير
ومش بعيد يبقى زي المقاولين وغيرة من الفرق الكبيرة اللى ماحدش بقا بيسمع عنها حاجة.

المهم انا هاقول على شوية ملاحظات كدا تحليل للمباراة
ندخل فى المفيد
*باقل مجهود بدني وعصبي يفوز الاهلي على المنافس التقليدي له فى القمة بهدفين نظيفين للمتألق احمد فتحي والمُتعب عماد متعب .
*وبدون اى تهور او تصعيب للمباراة استطاع الداهية جوزية الذى يثبت للجميع انه اعظم مدرب دخل الي مصر على مدار التاريخ الكروي .
فكان قبل المباراة يطئن الجميع على نتيجة المباراة .
*واعتبر المباراة بداية لطريق الثقة للحارس امير اللى ان شاء الله تكون بداية تؤهله للحفاظ على العرين الاحمر .
*رغم انى كنت من اشد المعارضين لدخول وارتداء احمد فتحى الفانلة الحمرا
الا انه اثبت لي انه لعيب من خامة جيدة جدا بدليل انه حسسنى انا وكتير من المشاهدين فى هذة المباراة وكانه يلعب للاهلى من اربع سنوات .

اول ملاحظة

اعتقد ومن وجهة نظرى ان تشكيل الزمالك كان غلط من الاول وكمان اعتقاد اللعيبة ان التعادل فى الشوط الاول بدون شيكابلا هو بمثابة الفوز على الاهلي هو دا اللى خلي الاهلى يفوز فى اللقاء بمجمله
يعنى المباراة خلصت بين الشوطين من الاخر .
ودا كان برضه احساس المتفرجين الزمالكاوية ودا يثبت ان الجهاز الفنى كفته ويتكون من مجموعه من محبي ومشجعى النادى فقط .

تانى ملاحظة

ان اللى خلي الاهلى يفوز انه بيلعب بطريقة جماعية فى مقابل فردية من الفريق الابيض
بمعنى تانى اننا كنا قدام مجموعه لعيبة بتلعب لنفسها ولاسمها ومجموعة تانية بتلعب لاسم النادي اولا ثم ما ياتى بعد ذالك فهو خير وبركة . ثم ناتى لانفراد جمال حمزة وبدل ما يفكر زي اي مهاجم انه يحط الكورة فى الجون دا فكر فى ضربة الجزاء ودا بان اوى بتطريفه للكورة فى لحظة استلامه لها ( اللى لعب كورة هايفهم الحتة دي ) ودي حاجة ماعدتش على الحكم الاوروبي علشان كدا ماسكتش وسابه فى الارض وماحسبلهوش حاجة لا كمان اداله كرت اصفر .
ونفس الموقف كان مع احمد فتحي بس الراجل فكر فى الجون مش فى ضربة الجزاء ودا الفرق .:msn-wink:

تالت ملاحظة

ان مباراة امس دي تعتبر من المباريات القليلة اللي كفة الزمالك فيها متفوقه من ناحية التاثير الهجومي واسماء اللاعبين
ودا بياكد اللى قولته فوق ان فى حاجة غلط فى نفسيه اللعيبة بينها وبين بعض خلاف ما بيحاولوا يبينوا ونهم بيلعبوا لنفسهم بس وماحدش ينكر دا.
بالنسبة للريس بشير ووزنه الزايد جدا عن مواصفات المدافع فهو لعب دور قوى جدا زي اللي لعبه الكاميرونى سونج . ففى عز سيطرة وانتفاضه الزمالك واحترام وتقدير الاهلى لهذة الانتفاضه يدخل بشير فى الصورة واقول لنفسي بشير موجود واوسه كمان ( احمدك يا رب )
وقعدت اغني ( بنحبك يا بشير ولعلمك يا بشير .. انا بزعل اوى لما حد يقولك يا بشير ) .

رابع ملاحظة

المؤتمر الصحفى وعدم حضور كرول او حلمي حتى لا يوجد تعليق عليه سواء انهم لا يتقبلون الهزيمة ودا اثره هايبقى على اللعيبه وعدم القدرة على اخراجهم من حالة الهزيمة للعودة بروح اعلى فى الملعب ( ولو انى اشك ان هايبقى فى روح ) .
كامل احترامى للاخ معتمد .
الاخ الصحفى محمود صبري المتخصص فقط فى الطعن والتجريح فى شخص و قدرات جوزية يخرج علينا كــ .......... ( ولا بلاش ما الكل عارف ) ويسال عن الناشئين وخصوصا الماندو بتاعهم .
والصراحة مش عارف اية حكاية كل من الاهرام والفشر اليوم ( المصري اليوم ) .
وعجبنى رد جوزية وان كان البعض لم يلتفت الى ما قاله وانتظر ترجمة البدرى التى كانت بعيدة عن مضمون ما قاله جوزيه :msn-wink: .
اعجبنى تصريح جوزية ورده على هذا الصبري الحاسم القاطع
واعجبنى قوله بان الحالة الوحيدة اللي ممكن ياخدوا فيها الدورى
لوالجهاز واللعيبة وكل النادي ماتوا .

مبروك دائما يا اهلي

متاسف يا زمالك مافيش هارد لك

???
¸.
•
( `•.¸
`•.¸ )
¸.•
(¸.
•
???
(`'•.¸(` '•. ¸ * ¸.•'´)¸.•'´)
?????? تحياتى ??????
(¸. •'´(¸.•'´ * `'•.¸)`'•.¸ )
°l||l° ( زووز ) °l||l°