صباح الحب
 

سلام عليكم


مع طلةشروق الشمس أقول بشعري المغمور
مع نسمةصباحٍ هل واشرق قبلهافجره
مع عطرالوروداللي تغنى فوقهاالعصفور
وموج البحر يترنم ويرقص قطره بقطره
عقب ماطرزت شمس الصباح بلونهاالمأثور
واخيوط الذهب زادت على سحر البحرسحره
رقص قلبي مع طيفك ورددياصباح النور
صباح الطله الحلوه لأجمل طله ونظره
صباح ادخـان وشموخ الزباره فوق كل الدور
ومالفان مشتاقه لحضن البدع والجسـره
صباح البسمه الحلوه صباح الجوري المنثور
مع ريح الشمال اللي يحن لشاطي الوكره
ونسناس ام قـرن اللي يغـازل بالنسيم الخور
ويستنشق هـواالدوحه عبقها زفـره بزفـره
وهمس بروق وامسيعيد إلى ريانهـاالمسحـور
بترنيمة هـوا حالول والوجبه وابو سمـره
صباح الحب ياأغلى حب يكتب للشعـور شعـور
صباح الغوص واليمال والنهام والنبره
صباح الكلمه الحلوه من شفـاتك فرح وسرور
نطقتيهـا وقلبي من0 حـلاها فز من صـدره
صباح الكحل بعيونك وسحرالقذله المخمور
وخصلات الشعر والزري والنفنوف في عطـره
وعقد اللولواللي فوق جيدك يشبه البلور
بحباته بدا مثل النجوم وجيدك القمره
ورمشك ليل يوحي لي بأنك من بنات الحور
جمعتي من مزاياالحسن حسن الضبي والمهره
صباح النقش والحنارسم فوق الكفوف زهور
مزج لون الرمال اللي عشق هاللون من صغره

اتمنى ان تنال اعجابكم

رد: صباح الحب
 

الله الله
صح لساااانك

بس عاشق الليل يا ليت تذكر شاعرها

لحفض الحقوق

تقبل التحيا