منتديات حــلا - بنت الجود

بنت عز وبنت جود وبنت حمل وبنت لابـه..الحيا منها وفيهـا حشمـة ٍ منهـا عرفوهـا

لامشت مانتظر اللي جاها في نظرة غرابـه..عينها بالقاع تنظر مانظـرة للـي خلفوهـا

مهرة ٍ ماعسـف ولاجاهـا خيّـال الركابـه..كل خيّال ٍ عجز فـي عسفهـا ماروضوهـا

يفتخر فيها ابوهـا والمثـل يضـرب لبابـه..نعم فيها نعم فيهـا ونعـم باللـي عقبوهـا

عزوه ولابه لأخوها يوم جاه اللي لجـاْ بـه .. دق صدره ثم قال ازهل انا اخوهـا أخوهـا

وراح معه وقصده يفك الرجل من شي صابه .. همه الفزعـه ولافكـر بروحـه لنصبوهـا

الشجاعه والوفا والجود تمشـي مـع ثيابـه .. تاخذه فزعه ونخوه في دروبـه لا مشوهـا

واهني اللي نواهـا بالحـلال بلـى طلابـه .. ووافقو له وانكتب كتب الكتـاب ووافقوهـا

كان لي ود ٍ ولكن عندي سين ٍ وش جوابـهالقبايل بالتخلف عاشت عصور ٍ قضوهـا ؟

التفاخر والتزاعم والغرور اللـي سـرى بـه .. كل واحد ينظر الاخـر بنظـره ماحسبوهـا

والمذاهب ماسلمت منهم وصارت في إصابه .. قالو ماتنفع بسبـع مـن المذاهـب زودوهـا

والمذاهب اربعه فيها حنيف ولـه صحابـه .. شافعي ثم حنبـل ومالـك ولكـن إجهلوهـا

الفخر مطلوب لكـن ماهـو بحـد الخرابـه .. الفخر بالرجـل واهلـه والقبيلـه لنسبوهـا

راحو العالم لشرق وراحـو البـدو لغُرابـه .. ناس ٍ تفكـر بشـي وتفتخـر لا طوروهـاا

وحنى في تفكير ماضي بالحرايب والنسابـه .. شي صار وحنى للحين نتحـدث لا حكوهـا

ليت منهـو يفقـه بدينـه ويفقـه للصحابـه .. يعرف سلوم الرجال ويعطي لامن ّ طلبوهـا

اسئله تطري ولكن عندي سين ٍ وش جوابـه .. القبايل بالتخلف عاشت عصور ٍ قضوهـا ؟