|
قصة وقصيدة
السلام عليكم ورحمة الله وبركاته فكرة اتمنى أن تعجبكم وهي كل من لدية قصة وقصيدة سوف نخصص لها هذا المكان لكي يكون مرجع لنا جميعاً بشرط أن تكون القصيدة التي سوف تصاحب القصة أكثر من أربع أبيات وأن لايكون فيها تجريح لاحد . سوف أبداء |
مشاركة: قصة وقصيدة
مقدمة بسيطه اريدكم أن تشاركوني الغوص في معاني هذه القصيدة قصيدة سوف نجد فيها معنى الحب الشريف قصيدة سوف نجد فيها معنى الحب العفيف قصيدة نادراً ما نجدها قصيدة أستمتع وأنا أرددها على نفسي قصيدة لمجدر النظر فيها سوف ترى قصة قل ما نراها قصة تحكي العذاب بقسى صوره قصة تجسد معنى الحب الصحيح قصيدتنا لم يكتبها شعار معروف قصيدة الكثير من الشعراء نسبها اليه حتى أنه اضاف اليه بعض الابيات كي يدخل عليه أسلوبه و رونقه في كتابة القصيدة قصيدة نشرتها الكثير من المجلات والصحف والكثير من مواقع الانترنت قصيدة ربما البعض قد سمعها قصيدة هيه لشاعر لم يعرف الظهور على الساحات الفنيه ولا حتى يعرفه أحد قصيدة الكل منا يتمنى أن تكون له من جمالها ولاكن حسب معلوماتي هيه لشاعر من قبيلة عتيبه وهذه القصيدة قصة حقيقه حدثة بتحديد في مدينة الطائف قصيدة بين يدي من أكثر من أربع سنوات أضعها بين أيديكم وأوضح فيها القصة الحقيقه التي حصلت لشاعرنا وبسببها كتب القصيده أليكم القصة أولاً : القصة : شاعرنا ومن نعومة أظافره حب وعشق أحد بنات جيرانه حب صادق و حب شريف وعندما كبر أراد أن يتزوج فتاته التي أحب ولاكن ضيق الحال وضيق موارده الماليه وعادات وتقاليد قبيلته التي تفرض عليه وبشدة أن لا يخرج عن قبيلته في حالة رغب الزواج أستمر بــ علاقة لمدة أثنى عشر سنه وبعد هذه السنين أشترى والد الفتاة بيت في مدينة آخرى وهناك أنقطعت أتصالات و الزيارات بين الأهل والسبب مشاغل الحياة وبعد المسافة ولاكن لم تنقطع اتصالات شاعرنا وحبيبته لمدة سنه وخمسة أشهر بتحديد وبعد هذه المدة أنقطعت أتصالات بينهم بدون سبب حاول شاعرنا أن يسأل ويعرف سبب الانقطاع ولاكن دون جدوه لمدة ثمان سنوات حتى جاء اليوم الذي لم يتوقعه وفي أحد المناسبات أحد حفلات الاعراس في مدينة الطائف تقابل شاعرنا بصدفه مع والد الفتاة التي يعشقها وبينما كان يتحدث معه كانت الأساله تنصب عن أخبار اولاده لربما يعرف أخبار حبيبته الغايبه وفجأه أتى طفل لم يتجاوز الثلاثه من عمره وهو ينطلق بــ كلمة جدي وعندما التفت شاعرنا ونظر اليه عرف تقسيمات وجه الطفل عرف أنه ولد فلانه فز من مكانه وأنطلق لطفل كي يحظنه ويقبله بحراره وهذه القبل ليست له أنما لشيء في نفسه وبعدها ترك الطفل والعبره تخنقه وانسحب من الحفل متوجه لسيارته أدار محرك السياره ويديه ترتجف من الهفه شوقٍ لمن أحب ومن مصيبته التي حلت به وذهب الى مكان لايراه في أحد أوقف السياره وأخذ يجهش بالبكاء حتى أبتل ثوبه من شدة البكاء و عزارة الدموع وبعدها توجه الى البيت ولاكن لم يستطع النوم لأكثر من أربعين ساعة حتى كتب هذه القصيدة . أليكم القصيدة : القصيدة ّ (( غــابت ثمان سنين )) غابت ثمان سنين حـل(ن) وتـرحـال غــابـت ثـمــان كـلـهـا مـد لـهـمـه قضـيـتـهـا بـالـحب والشـوق رحـال بشوق(ن) تحدى كـل يـاسه وهمه سـألت عنـهـا سنين وشهور واليال ولافـيـه فــج(ن) غـيـر وجـهت يمه وعقب الثمان اللي تعباها برا الحال جاب الـزمـان الكـارثـه والـمـطـمـه جـاني ولـدهـا مبتسم بين الأطفــال ومن بسمته ذكرت أنـا بسمت أمـه شـفـتـه وصـاح بـداخلي كـل الأمال بصوت(ن) عجزن بتكم الأنفاس ألمه ركضت له دمعي على الـخـد هـمـال من كثر شوقي قمت بـالحيل أظمه ولحظة حضنته والطفل في يدي مال شميت ريحتهـا علـى أطراف كـمـه وأستلهمت نفسي مقـاديـم الأهـوال وتـم الضـيـاع وأكــدت لـي مـتـمـه ليـت الغياب اللي شغل غربتي طـال ولادور الـعـاشـق عـلـى حـرق دمـه اليـوم بنت النـاس فـي بـيـت رجـال وحب(ن) على غير الشرف لي مذمـه مجبور أعود وأشتكي لكل الأميال بنفس(ن) حزينه كائـبـة مسـتهـمه بـرجـع غـريـب سكـتـه بـر و رمـال يـمـوت.. يـحـي.. يـندفـن..مايـهـمه أخواني اخواتي العذر ثم العذر أذا لم أستطع صياغة المقدمه والقصة كما يجب فهذا ما ستطعة مع تحيات أخوكم البجادي |
مشاركة: قصة وقصيدة
وعليكم السلام ورحمة الله تعالى وبركاته يسلمو يالغلا على الفكره الرائعه وعلى مجهودك الجميل فعلا قصه وقصيده شيء مشجع انه نشوف باذن الله مشاركات من الاخوان والاخوات وانا اشكرك البجادي على الفكره الاكثر من الروعه ويسلمو يالغلا على القصه والقصيده المحزنه من جد تخليك تبكي للقصه المحزنة:tears: يعطيك الف ميت عافيه وانا بشارك بهده المشاركه وان شاء الله لنا غير باذن الرحمان هذه القصيده تعبر عن قصه واقعيه وحبيت اشاركبها وياكم بس هي سبق ونشرت باحد المنتديات .....القصه عباره عن شاب وفتاه احبوا بعض لدرجة الجنون....واتفقوا على الزواج....وعندما تقدم لها اكتشفوا انهم اخوان بالرضاعه وانهم محرمين على بعض...فعدت الفتاه " فجر " هذه القصيده تشكي حالها......وإليكم القصيده واتمنى تنال استحسانكم الله من حالٍ تكدر شرابها ونفسٍ من الحرمان جاها صوابها همٍ يوديني وهجسٍ يجيبني وعينٍ تهل الدمع من حر ما بها اسهر واخفي حسرتي في ضمايري خايفه من دموعي لا يندرابها وانا سبب ما صاب نفسي وحالي شيٍ جرح نفسي وزاد التهابها انثر العبرات من حر مابي من واهسٍ وسط الحشى قد لجابها بفراق من يملك فوادي من الملا نفسه اشتقيت بها ونفسي اشتقابها على الوفا حطيت يمناي بيده روحه حلالٍ لي وروحي يهنابها وعلمت ناسي والجماعه بقصتي وبينت مجرى قصتي ومن مشى بها وجاني الجواب اللي يزلزل كياني وياليت منهو قالها ما حكى بها قالوا اخوك من الرضاعه تريضي هذي الحقيقه ولا يحق اجتنابها وحسيت كن القلب زاد التياعه ونفسي من الحرمان ضاق الفضا بها ان قلت انا بنساه هذي مصيبه يا كيف بنسى من حياتي اعتنى بها مادري ألوم الوقت باللي جرالي واحمله ما صاب نفسي وصطابها والا ألوم النفس وأكتم مصيبتي واعيش في دنيا قليل الرجا بها ما بين خط الياس واشعاع الرجا سمرت في دنيا قليل الرجا بها يا نفس كفي واستكفي من العنا خلي الليالي ليا تعذر حسابها خلي قليل الحظ يشقي ويشتقي وشلي بدنيا يوم حظي غدابها دنيا التعاسه صارت اليوم دنيتي دنيا السعاده سدت اليوم بابها الهم والحرمان والضيق والشقا ودنيا تركز في فؤادي احرابها لا صار من حبيت اصبح اخويه دنيا القهر والضيم وش ينبغابها ترجمت مأساتي وحظي وبلوتي وطويت مبدأ قصتي ومنتهابها دفنت حبي بين طيات القهر ثم زدت فوقه من رمايل ترابها الشاعره فـــــــــــــــــجر وسلامتكم والتوفيق للجميع واكرر الشكر لك يالبجادي *·~-.¸¸,.-~*ملاك الكويت*·~-.¸¸,.-~* |
مشاركة: قصة وقصيدة
اللـه مــن حــالٍ تـكـدر شـرابـهـا
ونفسٍ من الحرمان جاها صوابها الله يعطيك العافية على مجهودك الرائع والقصة والقصيدة الجميله لا خلا ولا عدم راح انتظر جديدك تحياتي |
مشاركة: قصة وقصيدة
الزمان لا يبقي على أحد
يقتل احلام الليالي وبين تلافيفه نعيش رفاتا أوسائرين نلقى الرفات |
مشاركة: قصة وقصيدة
يقول الراوي يا ساده يا كرام 7 7 7 7 هالشاعر اللي ابتكلم عنه هذا من الشعراء الأعلام البارزين المعروفين بمنطقة الإحساء اسمه محمد بن مسلم يرجحون الرواة ان وفاته كانت عام 1280 هـ , كان يعشق أو يحب هاك الوحدة اللي اسمها لطيفة واسم الدلع أو اسم التصغير لطوف فيقول يعني دايم يتلمس أخبارها , اهلها وين يروحون ويحاول يرضي أبوها يرضي أخوانها أقاربها ودايم يزورهم في نخلهم و يقعد عندهم ويتقهوى عندهم حتى لو صار شاهيهم مر يصير حالي عنده ( ايه الحب وما يسوي ) المهم انه يجي عندهم ويتردد عليهم ويسير عليهم حتى لو كان مهوب وقت مسيار يسير ويحاول انه يكون خفيف دم وخفيف ظل عندهم ويسولف وإذا طلعوا مثلا للبر طلع وحاول انه يصير قريب منهم كله يبي يتلمس وش الأخبار عن ذا البنت , الحاصل ان ابن مسلم راح مرة معزوم بعرس والاه موبد وعارف ان لطوف هذي اللي هو يحب بتجي الليلة في العرس وخابرها موصوفة له ما شاء الله مذكورة بشعرها الجميل ( شفتو يا بنات اللي تبي العرس لا تقص شعرها ) شعر لها مسترسل طايح طيح ومن اول كانوا الناس ما عندهم مثلا هالزيوت وهالشمبوات اللي توها طالعة ذي ما عندهم هالاشياء هذي دايما يكدون الشعر وخاصة الأغنياء والناس اللي احوالهم زينه يكدون شعور بناتهم بمشط خشب يغطونه ويلمسونه بالزباد والزباد هذا نوع من الطيب كان يجي من الهند أو من جهة عمان والله مادري من وين يجي , الزباد هذا نوع من الكريم مضاف له عنبر وعليه دهن عود وطيب وورد المهم انه اذا البنت اخذت منه وحطته بشعرها وكدته يطلع له ريحة تهبل واللي فيه وما فيه يعني مثلا قلبه سفنج اذا شم الريحة ذي يروح ملح . المهم ان ابن مسلم داري انها بتجي للعرس , فهذولا جو مجموعة من ضمن المعازيم في العرس ومن ضمن هالمجموعة عايلة البنت كل البني المعزومات بهالزواج يتكددون ويلبسون من هالثياب الزينه ( ايه كود الله يقود نصيب ) اللي فيها زري والجدايل اللي من اول تحط احياناَ عشر عمايل واحيان يخلون الشعر جديلتين جبرات يجن من قدام والشعر الى صار وافي وصار جديلتين واسود يصير شي عجيب ويحطون لها قصة وقذله والاولين يقصون قصه خفيفة مع الجدايل اللي قدام فهالبنت هذي لطوف جاية من ضمن المعازيم اللي جايين للعرس وابن مسلم خابرن شعرها ويمكن انها تطلع وتبي تلعب مع اللي يلعبون او يرقصون فالرجال مثل ما تقول متجمعين بصاله ووجة الصالة او وجه هالديوانية مفتوح فالهواء الشمالي هذا الى صار فيه طيب او بخور او ريحة يبي يدفه لجهة الجنوب اذا صار فيه هواء فمن الصدفة هاك اليوم انه تجمع الرجال في الجهة الجنوبية كلهم وابن مسلم قاعد في طرف المجلس هو اول واحد من جهة الشمال يتلمس ويتحرى , والرجال يوحون حس الحريم وهو يغنون ويهلون ويرحبون والحريم من الجهة الشمالية . عقب ما تعشوا وسرى الليل وصار فيه رقص ويوم فاحت ريحة هالطيب وهو ابن مسلم يخبر ويعرف الطيب الزين ويعرف الطيب اللي تطيب منه لطوف وتكد فيه , والله ويشتاق يوم شم ريحة العطر الزينه وجازت له فالشاعر محمد بن مسلم عقب ماطلع من الزواج هذا كان متأثر بهالريحة ريحة الزباد اللي فاح عليه حتى يقولون عطس خمس مرات في هاك العرس من شدة اشتياقه لهالريحة ودمعت عيونه من الفرحة واستانس ( هذا بس وهو شام ريحتها اجل لو هو شايفها وش بيصير له ) . عاد قال القصيدة الغزلية هذي عقب يومين أو ثلاث.. ذا مسـك او عنبـر تنشيـت ريحـه او ورد جوري مع الطـل مقطـوف او عشب روض عط رمثه وشيحـة او قرن عطار مع الريـح مكشـوف ان جاد هجسـي والعقـل بالقريحـة انه زباد فـاح مـن عـرف لطـوف ماجـت بقذلتهـا وهـي مستريحـة ووافت بموجتها مع الريح عاصـوف عطست خمس يـوم جانـي نفيحـه والسادسة لحقت وانا طحت محذوف ناديـت للريحـة ونفسـي جريحـة والدمع يجري والقف الدمع بكفـوف ياريـح شيـح طـيـب الله ريـحـه الريح ما يبرد حشـا قلـب ملهـوف ما يبـرده كـود العلـوم الفصيحـة ومزت شفاه ورص جوف على جوف قل له يخاف المعتلي فـي طريحـه ويروف بي يوم ابتلى مثل مـا روف مـا تهتنـي نفـس ونفـس مشيحـة كان الشقا بيـن المحبيـن منصـوف شـرواه مـا يدعـي محبـه ذبيحـة ولا بيع القرمـز الزيـن بالصـوف قل له يخليني علـى امـره منيحـة ما كل رجال الـى فـات مخلـوف قال الهـوا حقـك علـي النصيحـة اخبره عن حالتك مثـل مـا شـوف راح يتـنـدح يــم دار المليـحـة قال له محبك طاير القلـب مشغـوف يصبح و يمسي في امـور مشيحـة كنه عن المشروب والزاد مصـروف م.ن |
ملاك الكويت
وخابرها موصوفة له ما شاء الله مذكورة بشعرها الجميل ( شفتو يا بنات اللي تبي العرس لا تقص شعرها ) هههههههههههههه مت من الضحك على طلعاتك اللي في القصة يسلموووووووووووو وما قصرتي قصة وقصيدة رائعه تحيتي |
مشاركة: قصة وقصيدة
البجادي يسلمو يالغلا على تشجيك الجميل ويعطيك الف عافيه يسلمو ولنا عوده ان شاء الله تحياات ملاك الكويت |
مشاركة: قصة وقصيدة
اصدقائي... اكتب لكم (حكاية حنين)
انها قصة حقيقية عشت لياليها مع صديقة على الشات وكانت الأقدار ان التقي هذه الصديقة في لبنان.... انها حنين...اظن ان البعض كان يعرف من هي حنين رحمة الله على روحها الطاهرة ........................... ..حكاية حنين..... رح خبركم , حكاية بنت حبيتوّا عشتوا معا سنين , وما شفتوّا كانت حنين بصورة ملاك , حنونه ونسمة هوا هبت هيك , مجنونه اخدت حنين , وهي بعمر الورد ما همها الريح العاصفة , ولا البرد ورميتها بليلة قدر , كلها قسى وهي حنبن الحب ... والوفا عاشت سنين عمرها بقلب مفتوح وكانت البلسم لكل مجروح كفكفت دموع الباكي... ومسحت حيرة الشاكي وعاشت قصة حب!!! خبتها سنين بقلب مجروح , مليان شوق وحنين لكن... لكن قلبها الضعيف , ما تحمل حب الحبيب(....)ولا اتأمل معجزة من ربي العالمين تخلي حنين تعيش اكتر سنين. وفجأة!!! فجأة...دق الباب ناقوس الخطر جايّي يهد امال بلمحة نظر يخطف حنين من حضن امها ... لعاشت سنين بحزن , عَ بنتها واب ...حامل شهادة الطب بفخر وبين سطور شهادتو شاف القهر داوى ناس كتار مجروحين وعصيت عليه جروحات بنتو حنين. وهيك... هيك من غير كلمة وداع غابت حنين ...والعمر ضاع غابة بليلة مجنونه وباقي اسمها ذكرى حنونه. مش رح طول عليكم الخبريه هيدي حكاية حنين الكانت منسييه 7ELEM nour اذكروني كل ما شفتوا حروف اسمي...نور |
مشاركة: قصة وقصيدة
)()( نــور )()( الله يرحمها ويسكنها فسيح جناته الله يعطيك العافية |
| الساعة الآن 01:18 AM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd