على ضاح القمر هاض وتهيض خاطرٍ مكسور = يبي ينثر من الحرمان واللوعات مكنونه
على بيض الورق همه وغرباله يجي منثور = يرتبها على كيفه وينظمها على هونه
يطيع القاف تعبيره على المعنى يجي مصخور = واله عوب القوافي طايعه والوزن موزونه
بنات الفكر له طاعن على نهج وعلى دستور = على المنهاج الاول مااختلف لحنه ولا لونه
عيون الشعر اشوف بها الجواهر مابهنّه عور = اغوص بقاع بحر الشعر واجمع درّة افنونه
وابرجع واخفي اللوعه وحرماني وانا مجبور =واعيش بلوعة الحرمان باقصى القلب مدفونه
انا ايامي ظلام وترتجي لحضة بزوغ النور = وابرجي ربي الله خالقي والناس يرجونه