معرس نسى زوجته
 

معرس نسى زوجته :d



هــــذا واحـــــد تــــــوه مــعرس وخلص العرس والزفه وهالامور .....

‏اخونا في الله ‏اخذ مرته ‏وركبوا السياره..‏ودعس للقصيم

يعني اهل العروسه في الرياض وهو ساكن في القصيم.

‏والبنيه تستحي وساكته طوول الطريج...‏والريال ماغير يسولف ويهذر والبنيه

ساكته...‏مااحولك احد

الريال يأس من البنت انها تتكلم ..‏وقال ياولد ماوراه هذره اشغل المسجل

وامسسك الخط....

‏في الوقت نفسه البنت كانت متوهقه انها بس تتكلم عشان تقوله

ابي الحماااام الله يكرمكم

عاد هي طمررت على الكشن اللي ورى عشان ترتاح

الين يوصلون لمحطه

المهم الريال ماوعى الا وهذيك محطه ويصفط عندها

وينزل للبقاله ياخذ له جم جيس مكسرات وعلبه بيبسي للطريج

اهو كان وده ياخذ له شريط يونسه بالطريج بسس خبركم

مايصلح يشغل شريط والافضل يخليها سوالف

البنت على نزلت زوجها الا وتنقز تروح الحمام تكرمون

اللي عند المسيد اللي يم البقاله

قالت لنفسها يابنت يمديني اطمر واخلص وارجع قبل لاير‏جع اهو من البقاله

المهم المسكينه راحت واخذت وقتها

اخينا في هالوقت رجع للسياره وعلى باله مررته في الكشن اللي ورى

وخبركم عبايه سودا واخر الليل ماانتبه انها موموجوده في السياره وهو شغل

ودعسسس

البنيه المسكينه طلعت وهي مرتااااااحه ومنزله جم كيلو

وتناظر يابنت وين السياره.......‏وتتلفت ماتشوف غير الهنود اللي بالمحطه

وابويمن راعي البقاله

عاااااد تخيلوا الصدمه يوم عررفت ان زوجها دق سلف ومشى...قاعده تتأمل

المسكينه في نفسها يمكن راح مني ولامني وبيرجع

شوي ماوعت الا ذاك الجمس الياي يوم وقفوا عندالبقاله اللي يمها

وتشوف الحريم اللي في الجمس.....‏قالت زيييين عايله وتروح تقط نفسها على

المره اللي جدام

وهي ام العايله وتقولها خالتي انا داخله على الله ثم عليج..‏وهذي قصتي

والعيوز تمسك راسها وتقولها..يابنيتي انتي تعرفين سيارة ريلج؟؟؟

ويعبون بانزين ويدعسون وراااااه

نرجع الحين حق صاحب البيبسي

اخونا في الله مريح وماشي...‏بعد مالقوه على بعد نص ساعه

عاد تخيلوا على طريق القصيم وفجأة وراك

جمس يتركلك يبيك توقف شنو ردة فعلك


اكييد الريال دعس قال هذولا ميانين بيضروني ومعاي عروستي

‏والجمس وراه داعس يحاول انه يوقفه المهم الحين اللي يسوق الجمس عرف شنو

يسوي ...‏فقام يشغل ليتات الجمس اللي داخل عشان يشوف انها عايله

واخيرااااااا ..‏انتبه ووقف يبي يشوف شعنده

ونزل معصصصصصصصصصصب......

‏عاد من اللي متوهق في هاالموقف....‏راعي الجمس

يقول في نفسه شلون اقوله ان مرته معانا

يبي اييبها بااسلووووب تدريجي عشان ماينصدم ..‏خبركم في مثل هالمواقف
شبيقولون اهل العروسه

اخذت بنتنا وضيعتها ..‏والللللله ان تلزق فيك السالفه طول عمرك

والعالم يتمشون وماعندهم سالفه غيرك

المهم راعي الجمس سلم وقال يااخوي ماكاانك مضيع لك شي ......

‏قاله المعرس لاوالله ماضيعت شي

قال متأكد

قال المعرس...‏شلون

قال راعي الجمس روح طل في سيارتك شوف فيه شي ناقص لك

العريس قام يوسوس حتى المشكله مرته مايت على باله

المهم راح ودخل سيارته وقال يامره فيه شي طاح منا واحنا في المحطه

محد رد عليه

ويوم لون ويهه بدا يميل للكرت الاحمر والاصفر والاخضر ....‏وييييين راحت المره

ورجع لراعي الجمس وقال هات السالفه

قال ياولد مرتك لقيناها في المحطه انا واهلي وقالت لنا انها نزلت

للحمام وانت مشيت ولا دريت عنها

عااد العريس كل انواع النفضات نزلت عليه تلعثم ولاقدر يتكلم

المهم راعي الجمس راح وقال للعروسه يلاطسي عند ريلج

شوفيه منصدم منج

المهم العروسه اركبت مع زوجها السياره وانطلق لسانها اللي كان مربوط

وقامت تتعذر له...

‏وتقول لاتزعل مني اناكنت مستحيه اقولك اني ابي الحمام..‏وانت ماشاء الله عليك

ركبت السياره وانطلقت.........

‏صار العريس اهو اللي مبرطم طول الطريج والعروسه اهي اللي تقرق

مشاركة: معرس نسى زوجته
 

مشاركة: معرس نسى زوجته
 

مشاركة: معرس نسى زوجته
 

واااااااااااااااااااااااو القصه اتينن وااااااااااااايد حلوه

يسلمووووووووو البريئه
اختك
بنوتة ابوها

مشاركة: معرس نسى زوجته
 

ههههههههههههههههههههههه
أتحداك نساها والله يبي الفكة منها
شكرا أختي البريئة على قصصك الرائعة
أخوك
الجني

مشاركة: معرس نسى زوجته
 

اله يعافيك اندماج الارواح
اهي بجد تضحك مع كمية الاحراج الي فيها :D
عشان كذا حبيت اعيشكم في جو الضحك الي عشته



تحياتي لك :البريئة :cool:

مشاركة: معرس نسى زوجته
 

يسلمووووووووووو اخت ملاك
حبيت اقول لك شي
اهو لقافه لكن يله بقوول :D

اتمنى ان اسمك ينفصل لجزئين عشان تكوونين ملاك بحق وحقيق
وتكونين ملاك الفرح دايم ورسم الابتسامه على وجوه الاخرين
مثل ماترسمينها على وجهي :D



ماانحرم من طلتك الحلوووووووه ياااارب


تحياتي لك : البريئة :cool:

مشاركة: معرس نسى زوجته
 

ياهلاااااااااااااااااااا بنوته ابوهاا
واله انتي الي تيننين :D

مشكوره على حضورك الرائع


سلامي لك : البريئة :cool:

مشاركة: معرس نسى زوجته
 

الا باله نساهاااا
هذا شكله عنده كمية دلاخه ( يشبه سعوود ) :D


هههههههههههههههههههههههههههه


والاروع وجودك دايم ومتابعتك الحلووووووه
عساني ماانحرم من وجودك الرائع

تحياتي لك : البريئة :cool:

مشاركة: معرس نسى زوجته
 

البريئه /// موضوعك مشوق قرأته الى الاخر يعطيكى العافيه اختى نراكى فى مشاركات جديده اخرى قريبا لكى من التحيه --------------------------------------------------------------- اخوكى /// روك