علـي اس ـم مـصـر . .
مصر النسيم في الليالي وبياعين الفل
ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مالك سلامتك بتبكي ليه يا طهطاوي قال لك عرابي .. انكسر بسلاح أوروباوي وسلاح أوروبا ماهواش المدافع بس ده فكر ناقد مميز للثمين والغث قلناها ميت ألف مرة ألف مرة بصوت جهيرداوي بس الحماقة لاليها طبيب ولا مداوي ولا حد م الخلق بالخطر اللي داخل حس الغفلانين اللي خلوا العقل صابه مس قالوا الخطر هو فكر أوروبا لو يندس على اسم مصر القاهرة في اكتئاب والأنس عنها غاب من عتمة تدخل لعتمة كأنها ف سرداب أو قرية مرمي عليا ضل هجانةالحظر م المغربية بأمر مولاناومصر في الليل بتولد والبوليس ع الباب صبية ولاٌدة يابا ولحمها جلاب طلع الصباح زغرطت في السكة فرحانه على كتفها مولودتها لسه عريانه وف لحظة كانت جميع الدنيا دريانة على اسم مصر http://up.0x4x.com/mypic.php/0x4x_62282411.jpg قصيـــدة علــي أسمـ مصــر لـ صلاح جاهيـــن |
رد: علـي اس ـم مـصـر . .
يعطيك العافيه بيانو ع الطرح والاختيار الرائع
كلمات جميله لشاعر قدير رحمه الله ننتظر المزيد من هالابداع لاهنت |
رد: علـي اس ـم مـصـر . .
شكرا شمس .. ومانتحرم من مرورك
|
رد: علـي اس ـم مـصـر . .
على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر |
رد: علـي اس ـم مـصـر . .
اية الكلام الجامد ده ... شكرا ياباشا ع الاضافة الجميلة
ومتحرمناش من ردك الغالي |
رد: علـي اس ـم مـصـر . .
بيانولا ازيك .. كلة تمام ؟ ليــــك فترة كبيرة مش بتدخل المنتدى زى حلاتى :no: وبالنسبة للتعليق ف ابسط حاجة ممكن نقولها فى روح قلوبنا مصر |
رد: علـي اس ـم مـصـر . .
يسلمو الايادى اخى الغالى نحتاج مثل هذا الكثير تقبل مرورى |
الساعة الآن 01:34 PM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd