هذا لهب صوتي على نزعة الموت
تحرق يديني صرختـه لاكتبتـك

والله لو دمعك ذرف عالي الصوت
ما أحن له لو مات زهرك ونبتك

الدر بأعماقـي غدا سر مكبوت
لو لمتـه دنيــا المحبة نهبتـك

قلبي نهر ماتسكنه طفلـة الحوت
حتى غرامـه لو بكى ماطلبتـك

طاح الحطب في حنجره مالها قوت
وآشتب جمـري ياحيـاتي وجبتك

ماعاد لك في مهجتي سحر هاروت
بعت المحبه من جديـد وشطبتـك

في داخلي تهدم سراديب وبيـوت
لاهزت الذكـري خيـالي نصبتك

ماتت شراييني وانا صرت تـابوت
أحمل جثث موتي من أجروح كبتك

ماعاد باقي من طرف بوحي سكوت
قمة غبائي كان لحظـة عجبتـك

نبرة وداعـي صرخـةٍ مالها صوت
يـرتـج منها عالمـي لاشطبتـك