منتديات حــلا - Җ۞Җ انـــا وحـــلأ والأعــضاء وهـــــــــواكҖ۞Җ

http://www.w6w.net/album/35/w6w20050...52825e7314.gif
http://www.te3p.com/vb/images/smilies/016.gif http://www.te3p.com/vb/images/smilies/016.gif
http://majdah.maktoob.com/vb/images/smilies/ma.gif

كنــافه :صباح الخير رومـانزااا
رومــانزااا:صباح النور.
كنــافه :أنا عضو جديد هنا..و عايز أقدم ورقي عشان أبقى كاتب في المنتدى.
رومـانزااا: هممم...و ماله...قدم ورقك...هو فيه حد حايشك؟
كنــافه: طب أنا عايز أعرف ايه الاجراءات.
رومـانزاا:لأ..الصراحة أنا ماعنديش فكرة.
كنــافه: أمال أسأل مين؟
رومــانزاا: اسأل الأعضاء اللي سبقوك.
كنــافه: تفتكرى؟
رومــانزاا: هو ده الحل الوحيد.
كنــافه: طب هم فين؟
رومــانزاا: دور عليهم يا أخي..و للا عايزني آجي أعديك الشارع كمان؟
كنـــافه: طيب طيب...ماتزقيش.
أخذت أمشي في ردهات المنتدى ...أبحث بعيني عن شخص عمن يخلصني من الحيرة.
من بعيد ..لمحت غرفة كتب عليها بالخط العريض: " مشرفي منتدى حــلأ"
قلت لنفسي:
- بس...هو ده...أكيد هم دول اللي هايحلوا المشكلة.
توجهت الى الغرفة ..و دققت الباب...
أتاني من الداخل صوت مرهق:
- ادخل.
فتحت الباب...دخلت..و جدت ثلاثة مكاتب ضخمة يجلس عليها ثلاث اعضــاءيبدو عليهم الاجهاد و الارهاق.
كنــافه: صباح الخير .
- صباح الخير...أفندم.
كنــافه: أنا كنت عايز أعرف أعرف ايه المطلوب مني عشان تقبلوني هنا معاكم كاتب في المنتدى؟
نظر الثلاثة لبعضهم نظرة من نوع " آهو واحد كمان جديد أهو...هو احنا ناقصين!"
نظرت الى الأول..و استطعت أن ألمح وسط كومة الأوراق على مكتبه..لوحة كبيـــرة مكتوب
عليها بخط واضـــح" شريف الحــب"...
نظرت له في أمل...
لأجد أنه ينظر لي فقط...لا يتكلم...فقط ينظر.
قبل أن أفتح فمي...قام الثاني..الذي عرفت فيما بعد انه بــلأك و قال:
- أولا..أهلا بيك معانا هنا في المنتدى...ثانيا..مافيش أي اجراءات.
كل المطلوب منك انك تاخد موافقة الأعضاء اللي في المنتدى...هم بس اللي يقبلوك..أو يرفضوك.
استرقت نظرة الى الشخص الثالث " مـــصريه" لأجده منهمك في كتابة شيء ما..
منهمك لدرجة أنه نسي أصلا وجودي في الغرفة.
عدت بنظري الى تــامر حسني" و قلت:
- طب هم فين؟
دور عليهم انت بقى...هم تقريبا بيلعبوا لعبة قدم وردة للعضو اللي تحبه او ال...دور عليهم..
وأهلا بيك مرة تانية في المنتدى...و عن إذنك بقى..زي ما انت شايف أهو..الشغل كتير قوي.
كنــافه :ربنا يكون في عونكم.
خرجت من الغرفة...و أخذت أبحث عن أي عضو...
أخذت أمشي في الردهات على أمل أن أجد شخصا ما...أي شخص...
الى أن جاء الفرج...
لــطفي! و قفت مترددا...الاخ لطفي بالذات رأيه يساوي الكثير و الكثير و الكثير...
ماذا أفعل لو رفض؟
ماذا سيحدث لي لو رفض؟
و قفت متسمرا مكاني...و أنا لا أعرف ماذا أفعل..أو ماذا أقول..و كيف أقوله...
و فجأة...رفع الاخ لطــفي عينيه..و نظر لي..
ثم علت وجهه ابتسامة مشرقة و قال:
لـــطفي: انت محتاج مساعدة؟
توجت اليه و أنا مازال مترددا..
كنــافه: صباح الخير.
لــطفي: صباح الخير.
كنـــافه: أصل أنا عضو جديد هنا في المنتدى..و زي ما حضرتك عارف..لازم آخد موافقة الأعضاء
عشان أبقى كاتب في المنتدى.
لــطفي: أهلا و سهلا.
كنــافه: ايه بقى رأي حضرتك؟
لــطفي: بص يا سيدي...انت جيت في وقت صعب شوية..لأن زي ما انت شايف... الكل مشغول .
...بس مش مشكلة..
و أخذ نفسا عميييقا من الهواء
و قال- طبعا انت عارف ان المنتدى ده في كتاب جامدين جدا..المنتدى ده كبير...و ماليان اقسام
سواء سواء شعر وقصص أو غيرها...
طبعا باحبهم
اللي عايز أقولهولك...ان أهم حاجة في الكتابة..هي تكون نابعة من قلبك..
و لا شيء الا الحقائق.,...التاريخ والشعر والقصص مايكدبوش ياابنى...و دايما..الحقيقة..مهما كانت بتوجع حقيقة...لازم تبقى دايما في كتابتك..متمسك بالحقائق..أمين فى مواضيعك وماتغلطش فى حد ..
.
و لما تعمل كده...عمر ما حد هايجي يقلك انت غلط..
دي نصيحة صغيرة...لكاتب جديد..مش هاقول رأيي فية غير لما أقراله حاجة فعلا..
و ربنا يوفقك...و أهلا بيك في المنتدى..
ظللت أنظر له...محاولا استيعاب كلامه الكبير...و الجميل...استوعبته...و اعجبت به...و صدقته...صدقت كل كلمة..كل حرف.
نظر لي بابتسامته المشرقة...و لم أجد سوى كلمة :
كنــافه:شكرا...
لــطفي: العفو على ايه؟ يللا...دور على الباقيين...أعتقد اني شفت شمــوسه
من حوالي 12 دقيقة و 13 ثانية في مكتب التحرير..شوفها هناك.
كنــافه: شكرا مرة تانية.
استدرت..و توجهت الى غرفة التحرير.
دخلت الغرفة...لأجد بها عشرات الأشخاص المندمجين في الكتابة.
لمحت شمــوسه على أحد المكاتب.
توجهت اليها.
كنــافه: صباح الخير.
لم ترد..منهمكة بشدة...
كررت:
- صباح الخير...
رفعت رأسها... و نظرت لي.. و قالت:
شمــوسه: أهلا,....صباح الخير..انت يعني مش شايفني مشغولة؟
كنــافه: انا آسف..أنا أصلي عضو جديدو كنت عايز أخد موافقة الأعضاء على انضمامي للكتاب اللي
في المنتدى؟
شمــوسه: أهلا ياخويا...انت كده قطعت حبل أفكاري...
كنــافه: معلشي..أنا آسف.
شمــوسه: ولا آسف ولا نيلة...خلاص...قلتلي انت مين بقى؟
-كنافه
شمــوسه: بص بقى...من الأول كده...بتحب الهزار والفكاهة والمسابقات ؟؟؟؟؟؟؟
كنــافه:ايوة بحبهم
شمـــوسه :كده انت تمام...اسمع بقى كويس...أنا مابرحمش...اللي يغلط..مابسيبوش...
آه..انت لسة ماتعرفش شموســه..
كنــافه: مين؟
شمــوسه.. ديه!
شمـوسه: مين شمـوسه ديه؟
- انت لسه هاتسأل...بكرة تعرف...
المهم..مبدئيا...أنا موافقة...بس برضه لازم أشوف مواضيعك الأول...
كنــافه: ألف شكر.
شمــوسه: و اسمع بقى البق ده و خليه حلقة في ودنك.
كنـافه: اتفضلى
شمــوسه: انت قطعت حبل أفكاري..
و أنا لما بتخنق مابعرفش أداري...
لكن مادام طلعت بتحب الهزار...
والضحك والمسابقات
هاقولك كلمتين غصبن عنك و عني مهمين ...
أعضاء المنتدى هنا كلهم طيبين..
و اخوات في قلب بعضيهم متجمعين...
واهم سامعين كلامي و علي شاهدين..
مواضيعك اللي هاتكتبها هاتتفنط و تتقري...
و لو ماكانتش حلوة المنتدى عليك هايفتري..
قلتهالك كلمة...و يللا قول متشكرة..
أحسن و حياتك...هاسيب عليك تـــومي..

كنــافه: متشكر...
و ابتعدت سريعا ...و أنا سعيد بالموافقة الثانية..
و وجدت نفسي أما مكتب خــالد...

فجأة...اختفى الضغط على عنقي..
و سمعت صوتا يقول بحرج:
- آسف...اتكعبلت في الورق الكتييييييير والمواضيع اللى الاعضاء ريامينها فى كل حتة.
فتحت عيني..أحاول الرؤية.
تحسست عنقي و قلت:
- مش تخلي بالك يا خـــالد؟
خــالد:معلشي والله ماخدت بالي من الورق والمواضيع اللي على الأرض..ده أنا شفتك و كنت جاي أرحب بيك
و أسلم عليك.
كنـــافه: حصل خير..أنا اتخضيت بس.
خــالد: أهلا بيك يا سيدي عضو جديد في المنتدى..
كنــافه: ربنا يخليك.
خــالد: عايزين نشوف مواضيع حلوة بقى ان شاء الله.
كنــافه: من عيني...حاضر...أنا عن نفسي..هاعمل اللي علي..و يارب مواضيعي تعجبكم.
خــالد: ان شاء الله هاتعجبنا..
كنــافه: يا رب..ألف شكر يا باشا..
- كنت عايز أسألك سؤال..
خــالد: روح للطــفي
كنــافه: لطــفي!
لــطفي: اتفضل..
كنــافه: أنا عايز آخد موافقة الأعضاء على انضمامي..بس بسرعة شوية.أعمل ايه؟
لــطفي: هممممم...أنا أقولك..نزل موضوع تطلب فيه موافقة الأعضاء..ماتضيعش وقت..و هم هايردوا عليك.
كنـافه: انت شايف كده؟
لـــطفي: أيوة..ده أحسن حل.
كنــافه: طب أنزل الموضوع ازاي؟ أعمل ايه؟
و جدته يتلفت حوله في توتر..و قال:
لــطفي: لأ...عن إذنك بقى انتى كدة حاتعطلنى وانا مش فاضيلك ...رومانزاا..و التيمه وتــونا وموكــا ودموع قلبي ودينــا احمد وبنوته وزلبيــااا وقمر مصر ولحظات وتروي ونويرة وشريف الحب ..
نزلوا مواضيع جديدة..و لازم أبص عليهم ...
كنــافه: ماشاء اللة بتشوف كل دة.. وياترى بترد عليهم
وتشترك فى المواضيع معاهم ولو فية مواضيع مميزة كدة وحلوة بترد وتشجع صاحبها وتحيية على مجهودة
لـــطفي: ياابنى انا مش فاضى للكلام دة .. كفاية عليكم انى عملتلكم المنتدى دة ومش عايز اقولكم بدفع اد اية من حر مالى فى سبيل استمرارة ..
- وبعدين انت باين عليك لمض وشكلك غلباوى وخدت من وقتى كتير وانا مش فاضيلك
- وسع كدة .. وسع ... وسعلى
و اختفى من أمامي..
وقفت محتارا..
ماذا أفعل؟
كيف سأحول موضوعي الى كلمات يقرؤها الأعضاء على الشاشة؟
أين أذهب؟
أين أسلم الموضوع؟
وجدت أمامي شخص يرتدي بدله انيقه ويجلس علي كرسي فاخر وامامه لأفته مكتوب عليها
( شريف مشرف الاقسام العامه)
تنحنحت و قلت:
- بعد اذنك..
شـــريف الحب: نعم؟
- أسلم موضوعي عشان ينزل في المنتدى فين؟
شــريف: انت لسه جديد؟
كنــافه: أيوة..
شريف : هات ياعم موضوعك عندي هنا في القسم العام
كنــافه: بس كده؟
شـــريف: بس كده..
- ألف شكر..
- العفو..
وبينما انا غارق فى تساؤلاتى وافكارى
احسست بيد تدفعنى واخرى تشدنى والتفت لاجد تـــومي وزلبيااا وموكـــا بيقولو انت جديد ..طب خش مع الاعضاء علشان الصورة تطلع حلوة .... ودخلت فى وسط الاعضاء دول ...وتراك..تراك... ووميض فلاش ... وادينى بقيت معاكم فى منتدي حـــلا
اعلم ان هناك غيرهم وغيرهم والكثير والكثير
لم يكونوا فى الصورة وقتها ..ولكنهم الاغلبية المتواجدة من الاعضاء والعمالقة ....
ومشيت منتشيا مسرورا
واخترت مقعدا فارغا..
و أخرجت ورقي و أقلامي..
و أخذت أسطر موضوعي الجديد..
أرى نفسي صغيرا جدا..
بعد أن شاهدت العمالقة...
واتصورت معاهم كمان
و أتساءل..
هل سيقبلنى الاعضاء معاهم
هل سيحبونني.
و إذا أحبوني...
هل أنا جدير بهذا الحب؟
هل سأحافظ عليه؟
هل سأكتب مواضيعا تستحق الترحيب؟
ملايين الأسئلة امتلأ بها عقلي..
و للأسف...
الزمن وحده الذي يملك الإجابة..
الأيام فقط القادرة على ازالة قلقي..أو مضاعفته...
قمت...
توجهت الى غرفة الإشراف لأسلم الموضوع..
هل سيغضب من مواضيعي أحد.؟؟
هل ستتسبب مواضيعي في أية مشاكل؟
هل...
هل....
هل....
فوضت أمري لله..
و سلمت الموضوع..
و أنا لا أزال أتساءل...
هل؟!!
و أترك الاجابة للأعضاء...
تمت