منتديات حــلا

منتديات حــلا (http://vb.7laa.com/index.php)
-   الإرشيف الأدبــي (http://vb.7laa.com/forumdisplay.php?f=42)
-   -   :::: في القلب حبــج ترسـخ يابلادي :::: (http://vb.7laa.com/showthread.php?t=89070)

شمس القوايل 02-12-2014 03:54 PM

:::: في القلب حبــج ترسـخ يابلادي ::::
 







في القلب حبــج ترسـخ يابلادي
في كيـاني في وسـط لب الفـؤاد

حبج بدمــي وينبـض به فؤادي
يهتف باسمـج ولا غيــرج بلاد

يا إمـاراتـي يا حبـي يا مرادي
ياعيوني عـيـدج الميمـون عاد

انتي دانة تشـل هالسبـع الايادي
إنتي دره مـا تخـيـلـها مـراد

انتي لحن الحب وانشـودة بوادي
إنتي مــوال الخليج انتـي وداد

إنتي غنــوه خاطها حبر الودادي
في المــلا تعزف بلـحن الاتحاد

انتي نورٍ ســاطعٍ عقب السوادي
إنتي شمـسٍ زاحـت استار السواد

إنتي بدرٍ في رحـاب الـكون بادي
يرسل خيـوط الضــيا في كل واد

عاش من طورج وارسى لج عمادي
عاش (( زايد )) عاش قايـد الاتحاد

والشـيوخ اللي عليهـم الاعتمادي
يد وحــده من عقب سبعــة اياد

هم فخـرنا هم ركـايــز الاتحادي
هم ظــلال عن هجيـر الوقت عاد

هم عيــونٍ ما تهنــت بالرقادي
لجل شعــبٍ يهتنـي بطيب الرقاد


(( الشاعر علي الخوار ))

وفيت وخانتني 15-01-2015 02:18 PM

رد: :::: في القلب حبــج ترسـخ يابلادي ::::
 
الله يحفظ لكم بلادكم
وشيوخكم .. وتستاهل الامارات من يكتب فيها

يعطيك العافيه اختي
وتسلم يمناك ..

وتقبلي مروري


الساعة الآن 01:24 AM

Powered by vBulletin® Version 3.8.6
Copyright ©2000 - 2010, Jelsoft Enterprises Ltd