اخوان دنيا
ماني بقادر اكتم الهم والويــــــــــــل *** ولاني بقادر اقعد الليل صــــــاحــــي
وش حيلتي لاضاقت الدنيا علي حيل *** واقرب قريب ٍ لا بغـيناه راحـــــــــــي الفارس اللي معـتلي قمة الخـــــــــــيل *** مدري علامه كنه اليوم طاحــــــــــي الصاحب اللي ما يجي مشيته مــــــيل *** مال الزمن مع ميلته بكل النواحــــي صغار كنا نرسم احلى تماثـــــــــــــيل *** للحاضر اللي ما تمناه صــــــــاحــــي نمشي دروب ولو يجي دربنا سيــــل *** ما نفترق لو الزمن نفسه يناحــــــــي نسامر بعضنا بالشعر والمواويــــــل *** ينسى همومه وهمي عني يزاحـــــــي كل البشر قالت ولو تالي الليـــــــــــل *** موجود مشعل لازم تشوف ضاحـــــــي اخوان دنيا بالسما كننا سهــــــــــــيل *** حتى القمر وان شاف ضونا استراحي لكن حسافه ذلـّــنا الوقت تذليــــــــــل *** واصبح رفيقي يشهر بوجهي سلاحـــــي باع الصداقه وباع ربعٍٍ ٍ رجاجيـــل *** من طيبهم ريح الزهر بالهوى فاحـــــي غرّوه ناس ٍ همّها القال والقـيـــــل *** وقت الشدايد فعلهم كله صـــــــــــياحـــي خل ينفعـونه لا غدى وقته بهاذيــــل *** وقـته يشوف ان جــدّهم كله امزاحــــــي حتى الزمن لمته على هذي المقابيل *** مدري علامه ما يبي يطلق سراحــــــــي ضاحي الأول ما يجــي نفسه مثيــــل *** طار وتركــني بالثــرا عايب جناحــــــي |
سوبر مان
اقف هنا لاسجل اعجابي الشديد بكتابتك الرائعه بروعة حضورك دوما كلمات غايه في الجمال تحياتي لك ولقلمك الجميل بجمال معاني كلماتك |
السلام عليكم
سوبر مان عجبا ارى هنا الكلمات تتناثر بمعانيها الجميله وتتالق كنور وضاء مشع كلمات رقيقه برقة الاحساس المسطور ابداع متميز حقا لك ارق تحيه |
سوبر مان
صدقت والله ... ماشاء الله عليك وهذا الحاصل شكرا لك اخي على هذه الرائعة مخاوي سهيل |
الساعة الآن 09:20 AM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd