ورونا العبقرية يا حلوين
 

السلام عليكم و رحمة الله و بركاته ,,

بما ان انا عارفة انكم بتحبو الفوازير و عباقرة فيها و خدوا بالكم من من عباقرة دي :msn-wink:
زيي انا و فيجو و شموسة طبعا هههههههههه

الفزورة هي كالاتي ::clap:
عندكم 4 قطع حديد بتاعة الوزن عايزين نقسم احجامهم بحيث اننا نقدر نوزن من 1كيلو الى 20 كيلو

ممكن تستعينو ببتاع الخضار لما بتعوزو تشترو طماطم مش بيعض يحط قطع حديد في الكفتين عشان يوصل للوزنة اللي انتم عايزينها يلا ده مفتاح الحل و عايزة الحل بسررررررعة:icon30:

تحياتي ,,
moon14light:bigsmile:

رد: ورونا العبقرية يا حلوين
 

اوك مووون
حاولى توضحى الفزوره اوك
واكيد هتلاقى الحل عندى
.................................

رد: ورونا العبقرية يا حلوين
 

هي الفزورة مش واضحة و لا ايه ؟؟؟؟

يعني دلوقتي تخيل ان عندك كتلة من الحديد عايز تقسمها الى 4 قطع مختلفة الاحجام (الكتل يعني )
بحيث ان يبقى عندك المقدرة انك توزن 1كيلو و2 كيلو و 3كيلو ............الى 20 كيلو
تمام اتمنى تكون وضحت
مستنية الحلول
تحياتي ,,
moon14light

رد: ورونا العبقرية يا حلوين
 

السلام عليكم اوعى تكونى زعلتى يا موون عشان قولت خلى عندك ثقه فى نفسك انا مكنتش اقصد انا كنت بهزر يا موون يا عبقريه

وشكرا على الفوازير الحلوه اللى انا بعشقها واصبري شويه سيبينا نفكر فيها

رد: ورونا العبقرية يا حلوين
 

حبيب الرحمن
اولا مفيش زعل و لا حاجة عادي يعني كلنا بنهزر ربنا ما يجيب زعل
ثانيا شكراااااااا عالمرور

يلا فكرو بسررررررررررررعة
و مستنية الاجابة يا عباقرة
تحياتي ,,
moon14light

رد: ورونا العبقرية يا حلوين
 

موووووووووووون
هفكر وان شاء الله ارود عليكى
.................................................. .............
اشكرك للتوضيح

رد: ورونا العبقرية يا حلوين
 

أنا عرفت الحل

الاربع قطع حيبقوا كالتالى ( كيلو و 3 كيلو و7 كيلو و 9 كيلو )

صح ولا غلط

مش قلتلكم على عبقريتي المعهوده

انتو لسه شوفتو حاجه اللى عنده فوازير تانى

يقول بس يا ريت ميستناش الحل منى يعنى من الآخر متخدوش على كده هاهاهاها

رد: ورونا العبقرية يا حلوين
 

حقولكم حاجة بس متضربونيش :1eye:
المفروض انها من 1 كيلو الى 40 كيلو مش 20 كيلو:tears:
اسفة جداا بجد خطأ غير مقصود
عموما حبيب الرحمن اجاباتك صح ما عدا ال7 كيلو المفروض انها 27 كيلو بعد تعديل الفزورة:icon30:
عايزين طريقة الحل بقى يا عبقري بنفس الطريقة اللي حليت بيها الاولى مااشي
و عموما انا اسفة بجد مخدتش بالي غير دلوقتي

و شاطر يا حبيب الرحمن يا عبقري:clap:
و في ملاحظة المفروض تلاحظوها يا ترى ايه هي ؟؟؟؟؟؟؟؟

رد: ورونا العبقرية يا حلوين
 

رغم انك لخبطتيني بتصحيح الفزوره :sly:

لكن طبعا انتو عارفين العباقره اللى زيي:icon31: متفرقش معاهم الحاجات دى:bigsmile:

المهم مش حطول عليكم ونبدأ الحل

احنامتفقين على ( 1 و 3 و 9 و 27 )

لو عايزين نوزن 1كيلو يبقى الكفه الاولى فيها 1 والتانيه مفهاش حاجه
لو عايزين نوزن2 كيلو يبقى الكفه الاولى فيها 3 والتانيه 1
لو عايزين نوزن 3 كيلو يبقى الكفه الاولى فيها 3 والتانيه مفهاش حاجه
لو عايزين نوزن 4 كيلو يبقى الكفه الاولى فيها 1و3 والتانيه مفهاش حاجه
لو عايزين نوزن 5 كيلو يبقى الكفه الاولى فيها 9 والتانيه 1و3
لو عايزين نوزن 6 كيلو يبقى الكفه الاولى فيها 9 والتانيه 3
لو عايزين نوزن 7 كيلو يبقى الكفه الاولى فيها 1 و9 والتانيه 3
لو عايزين نوزن 8 كيلو يبقى الكفه الاولى فيها 9 والتانيه 1
لو عايزين نوزن 9 كيلو يبقى الكفه الاولى فيها 9 والتانيه مفهاش حاجه
لو عايزين نوزن 10 كيلو يبقى الكفه الاولى فيها 1 و9 والتانيه مفهاش حاجه
لو عايزين نوزن 11 كيلو يبقى الكفه الاولى فيها 9 و3 والتانيه 1
لو عايزين نوزن12 كيلو يبقى الكفه الاولى فيها9 و 3 والتانيه مفهاش حاجه
لو عايزين نوزن13 كيلو يبقى الكفه الاولى فيها 1 و 3 و 9 والتانيه مفهاش حاجه
لو عايزين نوزن 14 كيلو يبقى الكفه الاولى فيها 27 والتانيه 1 و 3 و 9
ااااااااهههههههههه
انا تعبت مش حقدر اكتب لحد 40 بس حتبقي بنفس الطريقه

شكرا جزيلا لمووووووون لايت العبقريه واللى شكلها كده حتبقى خليفتي فى العبقريه هاهاهاها:bigsmile:

رد: ورونا العبقرية يا حلوين
 

صحيح انا نسيت انا مش فاهم يعنى ايه فى ملاحظه

وتخيلي بأه لما حبيب الرحمن يقول مش فاهم هاهاهاها

يا ريت توضحى اكتر ؟